download HolidaySmart 假期日常 app
阿嬌鍾欣潼性感露背行街市買餸!孭Hermès鱷魚皮包包出巡盡顯身價

阿嬌鍾欣潼性感露背行街市買餸!孭Hermès鱷魚皮包包出巡盡顯身價

娛樂新聞
By Jennifer on 07 Jun 2023
Digital Editor

近年北上發展嘅阿嬌人氣急升,最近佢就現身香港街頭拍攝,更以一襲露背長裙行街市買餸,引起唔少街坊注目。阿嬌出行悉心打扮,更拎住價值幾十萬嘅Hermès鱷魚皮包包,佢一向收藏唔少鱷魚皮手袋,個個袋都價值不菲!

近年北上發展嘅阿嬌人氣急升Photo from 阿嬌微博

阿嬌阿Sa出演《乘風破浪3》人氣急升!

阿嬌同好拍檔阿Sa齊齊返內地掘金,佢哋出演內地大熱綜藝節目《乘風破浪3》雖然唔及總冠軍王心凌,但都成功成團,兩人更人氣急升,接連出演其他真人騷節目,再度爆紅。

阿嬌同好拍檔阿Sa齊齊返內地掘金,佢哋出演內地大熱綜藝節目《乘風破浪3》雖然唔及總冠軍王心凌,但都成功成團Photo from 阿嬌微博

喺內地有唔少工作嘅阿嬌最近就回港,佢透露自己喺去年往返香港同內地12次,經常搭飛機。今次佢返香港亦係為咗工作,喺香港街頭拍攝時尚照片,最近阿嬌就喺微博公開拍攝vlog。

喺內地有唔少工作嘅阿嬌最近就回港,佢透露自己喺去年往返香港同內地12次Photo from 阿嬌微博

阿嬌著露背長裙街市買餸

其中阿嬌去咗街市影相,佢著住一條露背長裙,性感大方。阿嬌表示:「街拍、買菜兩不誤」,片中有工作人員遞咗一袋蕃茄畀阿嬌,阿嬌即笑言:「今晚吃西紅柿炒雞蛋。」之後佢又去生果舖揀生果,阿嬌更拎起個芒果聞,揀得非常認真。

阿嬌去咗街市影相,佢著住一條露背長裙,性感大方Photo from 阿嬌微博

有工作人員遞咗一袋蕃茄畀阿嬌,阿嬌即笑言:「今晚吃西紅柿炒雞蛋。」Photo from 阿嬌微博

佢又去生果舖揀生果,阿嬌更拎起個芒果聞。 Photo from 阿嬌微博

雖然阿嬌真空露背行街市,吸引咗途人嘅目光,但市民都未有圍觀阿嬌拍攝,拍攝過程非常順利。阿嬌指自己今次返香港拍攝,重遊咗好多以前經常去嘅地方,唔少回憶湧上心頭。

阿嬌指自己今次返香港拍攝,重遊咗好多以前經常去嘅地方,唔少回憶湧上心頭。 Photo from 阿嬌微博

孭Hermès鱷魚皮包包出行,阿嬌超多Hermès手袋

阿嬌工作十分忙碌,佢日前現身內地機場,孭住一個Hermès Constance鱷魚皮包包,Constance作為Hermès嘅大熱款式,售價絕對唔平,而鱷魚皮更矜貴!估計炒價高達40萬!

阿嬌日前現身內地機場,孭住一個Hermès Constance鱷魚皮包包Photo from 微博

阿嬌一向鍾情鱷魚皮款,佢本人又係Hermès fans,Hermès唔少款色阿嬌都有收藏,當中更不乏鱷魚皮包包。好似Constance咁,淨係鱷魚皮款阿嬌都有兩隻色,除咗孭住去機場嘅藍色外,阿嬌仲有一個紫色。

阿嬌係Hermès fansPhoto from 阿嬌微博

除咗孭住去機場嘅藍色外,阿嬌仲有一個紫色鱷魚皮ConstancePhoto from 微博

阿嬌亦有Hermès於2019年秋冬推出嘅Kelly Danse黑色鱷魚皮,炒價高達$60萬、仲有Kelly Mini綠色鱷魚皮、黑色鱷魚皮Kelly,除咗鱷魚皮,阿嬌更孭過「喜馬拉雅Himalayan Birkin」,呢個堪稱係Hermès最珍貴嘅袋款,擁有一個喜馬拉雅包包簡直係身份象徵。

阿嬌亦有Hermès於2019年秋冬推出嘅Kelly Danse黑色鱷魚皮,炒價高達$60萬!Photo from 微博

Kelly Mini綠色鱷魚皮Photo from 微博

Kelly黑色鱷魚皮阿嬌都有收藏Photo from 微博

除咗鱷魚皮,阿嬌更孭過「喜馬拉雅Himalayan Birkin」Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳曉東老婆晒奢侈Hermès冷門袋款,網民嘲品味差:似幾十蚊便宜貨

28 Feb 2022

陳曉東同老婆王妤嫻同樣中意名牌,王妤嫻更係Hermès嘅擁躉,擁有多款愛馬仕包包。日前佢喺小紅書大晒Hermès袋,更為其抱不平:「愛馬仕不該冷門的款」,但網民就大撥冷水指個袋唔靚,似幾十蚊便宜貨。

陳曉東同老婆王妤嫻同樣中意名牌Photo from 陳曉東 微博

陳曉東太太王妤嫻熱愛Hermès

現年46歲嘅陳曉東2014年與台灣護士女友王妤嫻結婚,婚後育有兩個女兒。陳曉東同太太興趣相近,兩人都中意名牌,早年佢哋夫婦曾到日本掃貨,並喺IG大晒戰利品。

現年46歲嘅陳曉東2014年與台灣護士女友王妤嫻結婚Photo from 陳曉東 微博

早年陳曉東夫婦曾到日本掃貨,並喺IG大晒戰利品。Photo from 陳曉東 IG

王妤嫻雖然比老公陳曉東細14歲,但兩人結婚8年依然恩愛,陳曉東更不時買名牌袋贈予妻子。王妤嫻係Hermès Fans,更疑似為咗配貨而入手價值逾3千人民幣嘅Hermès鉛筆套、香水set、及針線包。

王妤嫻係Hermès Fans,更疑似為咗配貨而入手價值逾3千人民幣嘅Hermès鉛筆套、香水set、及針線包。Photo from 王妤嫻 小紅書

王妤嫻晒Hermès冷門袋款Berline Mini

從佢以往晒過嘅Hermès袋估計佢擁有價值過百萬嘅Hermès珍藏!熱愛名牌嘅王妤嫻日前就喺小紅書分享一個冷門袋款更為其「平反」,指呢款袋:「愛馬仕不該冷門的款」

從王妤嫻以往晒過嘅Hermès袋估計佢擁有價值過百萬嘅Hermès珍藏Photo from 王妤嫻 小紅書

熱愛名牌嘅王妤嫻日前就喺小紅書分享一個冷門袋款更為其「平反」Photo from 王妤嫻 小紅書

王妤嫻推介嘅款式係「Hermès Berline Mini」火烈鳥色,Berline Bag 於2011年推出,顏色較為鮮艷,售價約為$4萬多港元。王妤嫻大讚Berline「無敵好裝東西」,又指同Kelly To Go款相似但「更好用又可愛」,佢稱Hermès迷要認識一下。

王妤嫻推介嘅款式係「Hermès Berline Mini」火烈鳥色Photo from 王妤嫻 小紅書

王妤嫻大讚Berline「無敵好裝東西」,又指同Kelly To Go款相似但「更好用又可愛」Photo from 王妤嫻 小紅書

網民直言唔好睇:看不出來是愛馬仕

不過網友就唔係好欣賞呢個款,表示個袋好奇怪,變成冷門款都好正常,又話個袋款式似車座椅,直言:「看不出來是愛馬仕」、「像幾十的包」。王妤嫻一一回應,首先強調實物「漂亮實用」,又大讚個袋耐用耐磨,更形容為「不嬌氣的小可愛」,睇得出佢真係好中意呢款Berline Mini!

不過網友就唔係好欣賞呢個款,表示個袋好奇怪,變成冷門款都好正常Photo from 王妤嫻 小紅書

網民話個袋款式似車座椅Photo from 王妤嫻 小紅書

網友直言:「看不出來是愛馬仕」、「像幾十的包」Photo from 王妤嫻 小紅書

王妤嫻強調實物「漂亮實用」,又大讚個袋耐用耐磨Photo from 王妤嫻 小紅書

王妤嫻曾大數Hermès熱門款缺點

其實王妤嫻中意冷門款早有跡象,雖然入手咗Hermès唔同袋款,但佢曾大彈熱門款嘅缺點,包括Mini Lindy,佢指袋太細裝唔到嘢,好唔實用;另一熱門款Birkin佢亦嫌「開包很麻煩」,個袋又重,直言:「不明白怎麼那麼多人排著買它」

王妤嫻雖然入手咗Hermès唔同袋款,但曾大彈熱門款嘅缺點Photo from 王妤嫻 小紅書

Hermès另一熱門款Birkin王妤嫻亦嫌「開包很麻煩」,個袋又重,直言:「不明白怎麼那麼多人排著買它」Photo from 王妤嫻 小紅書

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel