download HolidaySmart 假期日常 app
香港小姐2023|內地佳麗狂呻選港姐似軍訓!12個鐘不吃不喝不准玩手機

香港小姐2023|內地佳麗狂呻選港姐似軍訓!12個鐘不吃不喝不准玩手機

娛樂新聞
By Jennifer on 12 Jun 2023
Digital Editor

《香港小姐競選2023》首輪面試後有唔少較受關注嘅佳麗背景曝光,包括18歲「嫩版麥明詩」,另外小紅書亦有大批內地佳麗分享佢哋參選港姐嘅經歷,其中一位更大呻選港姐過程嚴苛,好似選緊「特種兵」咁!

《香港小姐競選2023》首輪面試後有唔少較受關注嘅佳麗背景曝光Photo from TVB

「翻版范冰冰」、「馮盈盈師妹」、「嫩版麥明詩」參選香港小姐

一年一度嘅港姐競選首輪面試已有唔少佳麗受到關注,好似係於中央戲劇學院就讀表演系嘅「翻版范冰冰」、「馮盈盈師妹」、由雷莊?提名嘅Michelle、啱啱DSE完嘅「嫩版麥明詩」等。其中年僅18歲嘅「嫩版麥明詩」Surine背景好快就曝光!

於中央戲劇學院就讀表演系嘅「翻版范冰冰」Photo from TVB

「馮盈盈師妹」Photo from TVB

年僅18歲嘅「嫩版麥明詩」Surine背景好快就曝光!Photo from Surine IG

18歲嘅「嫩版麥明詩」Surine周身名牌勁富貴

有網民指佢喺面試前先啱啱去完謝師宴,然後再直落蘭桂芳飲酒、食水煙。Surine嘅IG有超過2萬個followers,佢毫不吝嗇大晒泳裝照,而且年紀輕輕生活富貴,IG有非常多嘅名牌相,當中包括Chanel、DIOR,生日仲收到Hermès禮物!

有網民指佢喺面試前先啱啱去完謝師宴,然後再直落蘭桂芳飲酒、食水煙。Photo from Surine IG

Surine嘅IG有超過2萬個followers,佢毫不吝嗇大晒泳裝照Photo from Surine IG

Surine年紀輕輕生活富貴,IG有非常多嘅名牌相Photo from Surine IG

Surine異性緣相當好,佢IG同朋友、同學合照清一色都係男生,佢更同3位男友人一齊去泰國旅行添!唔少網民猜測Surine得18歲就周身名牌,應該家底豐厚,但有疑似知情人卻爆料佢公屋出身?!又指如果佢屋企咁有錢應該會讀國際學校,而唔係本地band 3中學。

Surine異性緣相當好,佢IG同朋友、同學合照清一色都係男生Photo from Surine IG

孭DIORPhoto from Surine IG

Chanel嘅袋Surine都有唔少Photo from Surine IG

一身名牌Photo from Surine IG

生日仲收到Hermès禮物!Photo from Surine IG

內地佳麗小紅書分享參選港姐經驗

除咗本地佳麗,今屆仲有大量內地佳麗參選,好多人面試完就喺小紅書分享參選體驗,其中一位自稱叫「33」嘅佳麗就於小紅書拍咗短片,佢嘅帳號有2.5萬粉絲,簡介中佢提到自己:「五百強外企職場新人HKBU本科畢業?‍♀️分享港漂生活」,相信佢係喺BU畢業嘅內地生,現時留港工作。

除咗本地佳麗,今屆仲有大量內地佳麗參選Photo from TVB

其中一位自稱叫「33」嘅佳麗就於小紅書拍咗短片,佢嘅帳號有2.5萬粉絲Photo from 小紅書

大呻選港姐似軍訓

33表示TVB於6月8號通知佢參加6月10號嘅面試,中間只相隔兩日令人無從準備,然後佢又指面試由上午10點一直到晚上10點,足足12個鐘,大家都攰到無晒精神,而且全程無食物、飲品提供,冷氣超凍而且唔准玩手機。33表示雖然大會允許佢哋自己帶飲品食物,但由於面試嘅佳麗都帶咗幾套衫,包括高踭鞋、泳衣等,已無空餘嘅行李拎埋食物。

33指面試由上午10點一直到晚上10點,足足12個鐘,大家都攰到無晒精神Photo from 小紅書

全程無食物、飲品提供,冷氣超凍而且唔准玩手機Photo from 小紅書

33直言選港姐似選特種兵,到佢終於面試完,但一見到傳媒影嘅相即令佢「想哭但是哭不出來」,唔少網民留言指:「報道上的相才是真樣,不用吐糟」、「老實講,香港小姐最好是有氣質、內涵。我真的看了這麼多年,很不想一些網紅去選,怎麼說,看見他們這種說話方式很不舒服。」、「廣東話都說不好選甚麼港姐」。

33直言選港姐似選特種兵Photo from 小紅書

唔少網民留言指:「報道上的相才是真樣,不用吐糟」Photo from 小紅書

有網民質疑佢想引人關注Photo from 小紅書

網友指港姐應該要識講廣東話Photo from 小紅書

佢之後再出咗一條片分享參選感受,佢指選港姐想跳出舒適圈,面對輿論壓力,又大讚其他佳麗好nice,大家互相鼓勵,令佢十分感動。

33指選港姐想跳出舒適圈,面對輿論壓力,又大讚其他佳麗好nice,大家互相鼓勵,令佢十分感動。Photo from 小紅書

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

香港小姐2022豪宅聚會欠亞軍許子萱!屢次缺席港姐活動傳提早解約

8 Feb 2023

TVB《香港小姐競選2022》事非多多,其中亞軍許子萱近日被發現多次缺席港姐活動,被指想盡快回復自由身,不欲履行港姐職責。近日2022年香港小姐一班佳麗去陳瑞菱豪宅聚會,許子萱再度缺席,令佢想提早解約嘅傳聞又添一「證據」?!

TVB《香港小姐競選2022》事非多多,其中亞軍許子萱近日被發現多次缺席港姐活動Photo from TVB

香港小姐2022亞軍許子萱多次缺席活動,傳想卸下港姐頭銜

TVB嘅《香港小姐競選》向來係全城熱話,2022年都掀起唔少關注,其中冠軍「星二代」林鈺洧因為父母嘅事一度成為焦點,五強徐麟亦獲曾志偉睇中加入《獎門人》做獎老。近日亞軍許子萱就因為多次缺席港姐活動而成為網友討論對象。

TVB嘅《香港小姐競選》向來係全城熱話,2022年都掀起唔少關注,其中冠軍「星二代」林鈺洧因為父母嘅事一度成為焦點Photo from TVB

徐麟獲曾志偉睇中加入《獎門人》做獎老Photo from TVB

港姐當選後一年都會出席唔同嘅公開活動,通當都會由冠亞季三甲以及「友誼小姐」一同出席。最近嘅活動都未見亞軍兼國際親善小姐許子萱出現,因此傳出佢難忍香港娛樂圈嘅壓力,不欲履行港姐義務。有指TVB高層為挽留佢應承畀佢缺席活動,只需出席新一屆嘅港姐加冕儀式,不過許子萱去意已決,想同TVB提早解約,盡快回復自由身。

港姐當選後一年都會出席唔同嘅公開活動,通當都會由冠亞季三甲以及「友誼小姐」一同出席Photo from TVB

最近嘅活動都未見亞軍兼國際親善小姐許子萱出現Photo from TVB

有指TVB高層為挽留佢應承畀佢缺席活動,只需出席新一屆嘅港姐加冕儀式,不過許子萱去意已決Photo from 許子萱IG

許子萱參選時曾與其他佳麗傳出不和,奪得亞軍疑黑面

其實喺參選期間,許子萱就曾經傳出同15號佳麗張光怡因為排舞問題不和,又互相unfollow IG,之後兩人都否認傳聞。最終許子萱獲得「最佳妝容獎」、「生態保育大使獎」、「最佳口才獎」、「國際親善小姐」及亞軍5大獎項。

喺參選期間,許子萱就曾經傳出同15號佳麗張光怡因為排舞問題不和Photo from TVB

許子萱獲得「最佳妝容獎」、「生態保育大使獎」、「最佳口才獎」、「國際親善小姐」及亞軍5大獎項Photo from TVB

但喺宣佈亞軍得主時,許子萱就疑似未能管理好面上表情,忍唔住露出勉強嘅笑容,加冕時更一度「黑面」,展現「真性情」一面!事後許子萱就表示認為自己喺參選過程中尚有好多進步空間。

喺宣佈亞軍得主時,許子萱就疑似未能管理好面上表情Photo from TVB

忍唔住露出勉強嘅笑容Photo from TVB

加冕時更一度「黑面」?Photo from TVB

2022年港姐聚會,許子萱無影!

近日一班2022年港姐就齊齊現身落選佳麗陳瑞菱嘅豪宅聚會,有指陳瑞菱媽媽贊助過TVB嘅節目,十分富貴,從佳麗們公開嘅相片嚟睇,佢哋喺花園BBQ,屋企更有至少兩層,十分有氣派。而公開嘅聚會照有入圍五強嘅陳銘鳳、徐麟、冠軍林鈺洧、「友誼小姐」邢慧敏等。

近日一班2022年港姐就齊齊現身落選佳麗陳瑞菱嘅豪宅聚會Photo from TVB

從佳麗們公開嘅相片嚟睇,佢哋喺花園BBQPhoto from 邢慧敏小紅書

花園超大!Photo from 邢慧敏小紅書

食得好開心咁~Photo from 邢慧敏小紅書

公開嘅聚會照有入圍五強嘅陳銘鳳、徐麟、冠軍林鈺洧、「友誼小姐」邢慧敏等。Photo from 邢慧敏小紅書

季軍梁超怡及亞軍許子萱都未有出席聚會,令唔少網民都認為許子萱「唔合群」。早前許子萱嘅IG有網民留言指:「人品咁差!TVB唔比冠軍你喺啱嘅」,許子萱回覆:「姊姊這裡不歡迎黑粉,不喜歡的可以滾哦」,火藥味超濃!

亞軍許子萱未有出席聚會,令唔少網民都認為許子萱「唔合群」Photo from 許子萱IG

早前許子萱嘅IG有網民留言指:「人品咁差!TVB唔比冠軍你喺啱嘅」Photo from 許子萱IG

許子萱回覆:「姊姊這裡不歡迎黑粉,不喜歡的可以滾哦」,火藥味超濃!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel