download HolidaySmart 假期日常 app
51歲韓紅自爆年輕時係校花!18歲青澀舊照瘋傳,靚樣神似劉濤?!

51歲韓紅自爆年輕時係校花!18歲青澀舊照瘋傳,靚樣神似劉濤?!

娛樂新聞
By Jennifer on 14 Jun 2023
Digital Editor

內地女歌手韓紅曾經喺香港樂壇發展,佢同許志安嘅兄妹情亦為人熟悉。近日網上瘋傳一張疑似係韓紅年輕時嘅舊照,相中人靚樣驚艷眾人,韓紅曾表示自己後生嗰陣係校花,有網友睇咗相之後表示:「原來是真的!」

內地女歌手韓紅曾經喺香港樂壇發展Photo from 《中國夢之聲2》

韓紅曾與許志安傳緋聞

現年51歲嘅韓紅係內地創作型女歌手,佢曾參加綜藝節目《我是歌手》第三季,成功奪得「歌王」稱號。韓紅嘅唱歌實力毋容置疑,雖然唔係走偶像派路線,但亦多次獲得各種「年度最受歡迎女歌手獎」、「最佳女歌手獎」,人氣不輸美女歌手,係當之無愧嘅實力派。

現年51歲嘅韓紅係內地創作型女歌手,佢曾參加綜藝節目《我是歌手》第三季Photo from 《我是歌手3》

韓紅多次獲得各種「年度最受歡迎女歌手獎」、「最佳女歌手獎」Photo from 《我是歌手3》

而韓紅於2016年加盟香港嘅唱片公司,正式喺香港樂壇發展。因此唔少香港網友都對韓紅頗為熟悉,佢同許志安感情亦好好,曾被影到疑似當街激吻,許志安上《星星同學會》就表示對緋聞感到十分無言,佢解釋自己同韓紅係結拜兄妹,當時兩人飲醉咗佢扶韓紅上車,拍攝角度上啱啱好重覆啫。

韓紅於2016年加盟香港嘅唱片公司,正式喺香港樂壇發展。Photo from 韓紅微博

許志安上《星星同學會》就表示對緋聞感到十分無言,佢解釋自己同韓紅係結拜兄妹Photo from 《星星同學會》

當時兩人飲醉咗佢扶韓紅上車,拍攝角度上啱啱好重覆啫。Photo from 《星星同學會》

韓紅自爆年輕時係校花

當時吳君如就問如果韓紅瘦返啲有無可能擦出愛火,許志安笑言頂唔順韓紅唱山歌。事實上韓紅曾自爆自己年輕時係校花,同現時嘅身型完全唔同,佢坦言自己體重達120公斤,網民都表示好難想像韓紅後生嘅樣。

事實上韓紅曾自爆自己年輕時係校花Photo from 《中國夢之聲2》

韓紅坦言自己體重達120公斤Photo from 韓紅愛心慈善基金會

韓紅「18歲舊照」瘋傳?!真相公開

近日網上瘋傳「韓紅年輕時舊照」,相中人著住一身軍裝,五官有啲似內地女演員劉濤,顏值頗高絕對係美女一名,唔少網友睇完張相,紛紛表示:「原來韓紅沒說謊啊!」、「顏值好高」、「這絕對能當校花!」

近日網上瘋傳「韓紅年輕時舊照」,相中人著住一身軍裝,五官有啲似內地女演員劉濤Photo from 微博

不過有心水清嘅網民則發現貌似劉濤嘅「韓紅舊照」,相中人其實並非韓紅,而係劉濤本人,所以同劉濤相似係好正常,不過亦有另外嘅舊照被指係韓紅後生時影嘅相。

亦有另外嘅舊照被指係韓紅後生時影嘅相。Photo from 微博

其中一張鏡頭距離較遠,所以相中人嘅樣唔係睇得好清楚,但另一張相就睇得出有韓紅五官嘅影子,有網友表示呢張相都睇唔出點做到校花咁話。

其中一張鏡頭距離較遠,所以相中人嘅樣唔係睇得好清楚Photo from 微博

另一張相就睇得出有韓紅五官嘅影子Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

隱形戰隊|劉穎鏇劉佩玥入行前舊照曝光!人氣比當屆港姐冠軍高?!

17 Mar 2023

TVB劇集《隱形戰隊》熱播,除咗女主角唐詩詠之外,劉穎鏇、劉佩玥都備受關注,兩人都係參選香港小姐入行,近年佢哋獲TVB力捧,有望上位成新一代花旦,對比起同屆冠軍,劉穎鏇、劉佩玥人氣都直逼其他3甲佳麗!

TVB劇集《隱形戰隊》熱播Photo from TVB

《隱形戰隊》劉穎鏇、劉佩玥輪流晒身材成焦點

《隱形戰隊》係視后唐詩詠嘅告別作,佢再次同馬國明合作,掀起網民熱議,另外劉穎鏇、劉佩玥亦喺劇中重要嘅女角色。佢哋嘅演出都引起觀眾嘅討論,尤其係兩人性感嘅演出,即時成為網友關注嘅重點。

《隱形戰隊》係視后唐詩詠嘅告別作Photo from TVB

劉佩玥亦喺劇中重要嘅女角色Photo from TVB

第二集中劉佩玥同馬國明嘅對手戲大晒事業線,成為網民焦點;而劉穎鏇亦於第五集著上比堅尼登場,盡顯健康性感一面。近年劉佩玥同劉穎鏇備受力捧,先後參演多套電視劇:劉佩玥憑《美麗戰場》「李靜兒」一角,於《萬千星輝頒獎典禮2022》獲「馬來西亞最喜愛TVB女主角」、劉穎鏇則憑《超能使者》「Open姐」一角嶄露頭角。

第二集中劉佩玥同馬國明嘅對手戲大晒事業線Photo from TVB

劉穎鏇亦於第五集著上比堅尼登場,盡顯健康性感一面Photo from TVB

其實劉佩玥都有份出演《超能使者》,佢同劉穎鏇今次再度合作《隱形戰隊》都獲得唔少好評。兩人嘅演藝經歷都有唔少相似嘅地方:同樣都係「高妹」、都係參選香港小姐入行、入行初期獲安排做節目主持。

劉佩玥都有份出演《超能使者》Photo from TVB

劉佩玥參選2013年香港小姐獲季軍,近年演出獲好評

身高有173cm嘅劉佩玥於2013年報名參選《香港小姐競選》,最後獲得季軍,同屆冠軍係陳凱琳、亞軍係蔡思貝。翻睇佢當年嘅參選片段,劉佩玥都無咩變化,相當清純甜美。

身高有173cm嘅劉佩玥於2013年報名參選《香港小姐競選》Photo from TVB

劉佩玥最後獲得季軍,同屆冠軍係陳凱琳、亞軍係蔡思貝Photo from TVB

劉佩玥參演港姐前舊照!Photo from 劉佩玥IG

近年佢嘅演出獲唔少好評,同屆冠軍陳凱琳一入行就獲力捧,不過同鄭嘉穎結婚後就淡出電視圈,現時更轉型做KOL。至於亞軍蔡思貝則好快就攞咗視后,但蔡思貝觀眾緣麻麻,而劉佩玥雖然唔係擔正做女主角,但佢嘅表現亦獲觀眾認同,更一舉奪得馬來西亞視后。

近年佢嘅演出獲唔少好評Photo from TVB

同屆冠軍陳凱琳一入行就獲力捧,不過同鄭嘉穎結婚後就淡出電視圈,現時更轉型做KOL。至於亞軍蔡思貝則好快就攞咗視后Photo from TVB

劉佩玥雖然唔係擔正做女主角,但佢嘅表現亦獲觀眾認同Photo from TVB

劉穎鏇2016年參選香港小姐奪亞軍,舊照素顏青春無敵

至於劉穎鏇身型一樣咁高眺,有成176cm高,佢2016年參選香港小姐後入行,當年嘅佢只得19歲,但身材已經非常fit,佢身型唔係超級窈窕嘅類型,但正因此而獲唔少網民大讚形象健康性感。

劉穎鏇身型一樣咁高眺,有成176cm高Photo from TVB

劉穎鏇2016年參選香港小姐後入行,當年嘅佢只得19歲Photo from TVB

劉穎鏇身型唔係超級窈窕嘅類型,但正因此而獲唔少網民大讚形象健康性感。Photo from 劉穎鏇IG

現年25歲嘅佢喺美國出世同長大,翻睇佢入行前嘅學生照,絕對係青春逼人,身型健康勻稱,即使係素顏同妝後都分別不大。劉穎鏇又晒出以前參加女子籃球隊嘅相片,充滿活力!劉穎鏇參選港姐奪得亞軍入行,同屆嘅冠軍係馮盈盈,馮盈盈被指得罪高層入「雪櫃」,而近日劉穎鏇連續憑《超能使者》、《隱形戰隊》,人氣急升!

現年25歲嘅佢喺美國出世同長大,翻睇佢入行前嘅學生照,即使係素顏同妝後都分別不大Photo from 劉穎鏇IG

劉穎鏇又晒出以前參加女子籃球隊嘅相片,充滿活力Photo from 劉穎鏇IG

劉穎鏇參選港姐奪得亞軍入行,同屆嘅冠軍係馮盈盈Photo from TVB

近日劉穎鏇連續憑《超能使者》、《隱形戰隊》,人氣急升!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel