香港酒樓出4.5萬請洗碗工？！內地網民想應聘，一個條件打消念頭

近年唔少行業都引入內地勞工，內地網友亦對香港嘅就業發展好有興趣。近日有內地網民喺網上分享一張相，指香港一間酒樓以月薪4.5萬聘請洗碗工，吸引唔少人留言表示想應徵，不過有網友就解釋咗要做唔係咁簡單，令唔少人打退堂鼓。

Photo from 《我要準時下班》劇照

喺小紅書有網民以「香港洗碗工月薪4w5？」為題發文，佢附上嘅圖片指出「誠聘洗碗工」，$80/小時，時薪頗高，吸引唔少內地網友喺帖子留言。

Photo from 小紅書

有好多人對於「$4.5萬月薪」感到震驚，認為內地洗碗工每月工資只有4,000人民幣左右，而香港嘅洗碗工人工竟然係內地嘅10倍，紛紛表示要衝到香港應徵做洗碗工，亦有人表示可以自帶洗碗機去做呢份工。

Photo from 《我的大叔》劇照

亦有內地網民唔明酒樓既然出4.5萬請人，點解唔索性買一個大型洗碗機。有人回應指即使有洗碗機都要人手放入機，入機前仲要沖洗下碗入面嘅殘渣，洗乾淨又要拎返出嚟，同樣需要人手。

Photo from 《愛回家之開心速遞》劇照

即睇更多人氣文章：
北海道8月起推「軟雪糕PASS」！$136港元食勻20款人氣雪糕！購票+地點詳情
鄧紫棋回港晒千呎豪宅無敵海景 嘆工作好忙想回家 北上爆紅吸金近13億

有人則問係咪包食包住，如果係嘅話佢就即刻去做，有網民回應指香港一般都唔會包住。

Photo from 小紅書

Photo from 《國產零零漆》劇照

有網友就指招聘通告上其實係寫咗「包月 45000元」，並唔係月薪4萬5，意思係將酒樓嗰個月所有洗碗都包晒，而且無休息時間，如果想休息就要自己搵人頂，人工都要自己畀。相當於4萬5請人承包洗碗工作，點做、請幾多個人做酒樓都唔會理。

Photo from 小紅書

Photo from 《濁水漂流》劇照

但一個人實在無法負責成間酒樓嘅洗碗工作，如果3人合作嘅話，其實每人一個月月薪約$15,000，喺香港嚟講唔算高人工。有內地網友得知「包月」嘅意思後，就表示對呢份工無興趣了。

Photo from 《奇怪的拍檔》劇照

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

琴行以月薪$1萬8招聘演奏級女導師 一星期工作6日 網民批人工太低！

24 Sep 2021

學樂器幾乎係現今每個小朋友都必須具備嘅才能。最近，天水圍一間琴行就於FB上招聘演奏級嘅鋼琴老師，並列明必須要有演奏1級以及8級樂理，每星期工作6天，不過佢所提供嘅月薪就只係得$1萬8，令唔少網民大跌眼鏡！

Photo from TVB

#琴行網上招聘女鋼琴老師！

學習唔同嘅才能先能夠增加競爭力，所以唔少家長而家都會帶自己嘅小朋友去學課外活動！日前，一間天水圍嘅琴行就喺FaceBook群組「香港樂器導師配對群組」招聘鋼琴導師，不過佢所列出嘅月薪以及工作日子，就引起網民們嘅熱議！

Photo from FB 群組「香港樂器導師配對群組」

#需具備演奏級1級+八級樂理！

該帖文中就列明正在尋找一位女鋼琴導師，並要求對方有鋼琴演奏級一級或以上同埋擁有八級樂理或以上嘅資格！如果識得彈奏其他樂器將會優先聘請，希望對方能夠守時，並且要對教琴有熱情等。

Photo from TVB

#一星期返6日！

而呢個職位需要一星期返6日：星期二至五（12點至9點）；星期六到日（9點至9點）中間將會有1個小時休息時間；星期一就係假期。而月薪就將會係$18,000，每個月7號會出糧！

Photo from TVB

#網民批評人工太低！

呢個post一出，隨即引起網民們嘅熱烈討論！唔少網民都認為該琴行開價太低，「演奏級18K？」、「祝你搵到正常嘅老師！」等，認為有演奏級嘅鋼琴老師根本就唔會佢應徵！

Photo from FB

Photo from FB

#時薪比清潔工低？！

部份網民就認為琴行老闆未免太不近人情，仲將實際時薪計算出來「星期二到星期五就$36、星期六到日就$24，加埋嘅話一個月嘅時薪得$75」，就連做清潔工嘅時薪都高過佢！

Photo from FB

Photo from TVB

#有經驗者：自己收學生 收入多2倍！

有網民仲突破盲點表示，其實有演奏級嘅鋼琴導師自己私底下收學生，都搵得多過喺琴行做！有教緊琴嘅老師就分享自己私人上門教琴嘅收入都已經喺呢個價嘅2倍，而且返工時間亦冇咁chur～

Photo from FB

相關文章：九肚山中產日薪$800請萬能姨姨 6小時清潔補習+教琴 網民：識教琴仲使幫你執屋咩！

相關文章：趕唔切落車 港女發脾氣大鬧九巴巴士司機 網民：公主病～俾幾蚊當自己大帝！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）