download HolidaySmart 假期日常 app
香港夜繽紛|戲院推夜場票價優惠市民擔心無車搭!黃百鳴:咪搭的士

香港夜繽紛|戲院推夜場票價優惠市民擔心無車搭!黃百鳴:咪搭的士

時事熱話 娛樂新聞
By Jennifer on 21 Sep 2023
Digital Editor

為刺激市民喺晚上外出消費,政府推出唔少活動同優惠,包括戲院夜場戲飛半價。不過有網民擔心睇完戲太夜會無車返屋企,電影製作人黃百鳴受訪時卻叫市民搭的士,唔少網友直言佢想法「超離地」。

為刺激市民喺晚上外出消費,政府推出唔少活動同優惠,包括戲院夜場戲飛半價。Photo from 《我的ID是江南美人》劇照

近嚟政府為吸引遊客、市民,計劃推出一系列活動,如夜市;又與不同商戶配合提供各種優惠。其中一項就係戲院夜場戲飛較平,部分午夜場票價更只需$35。

戲院推出夜場戲飛優惠,部分午夜場票價更只需$35。Photo from 百老匯院線

雖然午夜場戲飛的確平好多,但亦有網民擔心睇完午夜場出門要急急腳趕尾班車,甚至無車返屋企。

雖然午夜場戲飛的確平好多,但亦有網民擔心睇完午夜場出門要急急腳趕尾班車Photo from TVB

著名電影製作人黃百鳴出席電影《孤注一擲》首映時接受傳媒訪問,佢對有關嘅政策表示肯定,黃百鳴指80年代好多人睇午夜場,但經歷咗3年疫情大家都習慣咗鳴屋企睇戲,街上9點半後人流都少好多,認為政府應該推出更多呢類型嘅活動,帶動返市民習慣睇夜場電影。

黃百鳴指80年代好多人睇午夜場,但經歷咗3年疫情大家都習慣咗鳴屋企睇戲,街上9點半後人流都少好多,認為政府應該推出更多呢類型嘅活動Photo from TVB

對於有市民擔心睇完午夜場後趕唔到尾班車返屋企等憂慮,黃百鳴回應:「80年代都無地鐵,咪坐的士!」佢表示當年的士嘅生意好好,更成功帶動埋午夜場戲院門外嘅攤檔生意:「其實有觀眾就自然會有交通。」

對於有市民擔心睇完午夜場後趕唔到尾班車返屋企等憂慮,黃百鳴回應:「80年代都無地鐵,咪坐的士!」Photo from TVB

有網民直指黃百鳴嘅言論十分離地:「佢知唔知依家的士起錶價係幾多?」認為搭的士車費仲貴過張戲飛:「為咗減價的戲票去搭的士? 為乜?」「不如尾場觀眾可以留喺戲院 staycation ,第二朝睇埋早場先走」「咁我做乜唔睇早場,有平飛又有車搭」「離哂地,為左場夜戲打的返屋企」

有網民直指黃百鳴嘅言論十分離地:「搭的士車費仲貴過張戲飛」Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel