download HolidaySmart 假期日常 app
香港人搭電梯只企右邊!內地網民指「左行右企」唔安全:壞習慣

香港人搭電梯只企右邊!內地網民指「左行右企」唔安全:壞習慣

時事熱話
By Jennifer on 27 Sep 2023
Digital Editor

內地遊客來港旅遊會喺網上分享「攻略」,近日有內地網民指觀察到香港人搭電梯時會排隊,而且淨係企右邊,有人讚港人有秩序,但亦有內地網民認為「左行右企」唔安全,應該改正呢個壞習慣。

內地網民指觀察到香港人搭電梯時會排隊,而且淨係企右邊Photo from 小紅書 「依蓮。北京&香港」

開關後好多內地遊客到訪香港,佢哋會喺小紅書分享香港旅游嘅心得同經歷,唔少遊客都表示發現香港人搭電梯同內地嘅習慣唔同,通常只會企喺右邊,留返左邊畀其他人通過。

留返左邊畀其他人通過。Photo from 小紅書「冬小瓜的winter」

有內地網民呼籲大家「入鄉隨俗」,要跟返本地人行事,亦有人對於香港搭電梯要排隊嘅現象感到好奇:「有人知道為什麼嗎?」

有內地網民呼籲大家「入鄉隨俗」Photo from 《重慶森林》劇照

小紅書好多相關嘅文章掀起內地網民熱議,有人指排隊搭電梯體現咗香港人嘅秩序,大讚港人守規矩值得學習,但亦有人持相反意見,認為「左行右企」不值得提倡,反而應盡快改咗呢個壞習慣。

有人指排隊搭電梯體現咗香港人嘅秩序,大讚港人守規矩值得學習,但亦有人持相反意見Photo from 小紅書「冬小瓜的winter」

內地網民認為「左行右企」不值得提倡,反而應盡快改咗呢個壞習慣。Photo from 小紅書 「Pablo 帕勃洛」

有內地網民指喺電梯上行走十分危險,如果跌倒容易撞到其他人,而且會令電梯口塞住太多人,喺繁忙時間會對其他人造成不便,內地網民認為如果趕時應該自己行樓梯而唔係喺電梯阻住其他人。

有內地網民指喺電梯上行走十分危險,如果跌倒容易撞到其他人Photo from 小紅書「冬小瓜的winter」

內地網民認為如果趕時應該自己行樓梯而唔係喺電梯阻住其他人。Photo from 《岸邊露伴在羅浮》劇照

有內地網友表示有大部分人只企右邊容易令電梯損壞,又指港鐵官方喺宣傳海報同廣播都呼籲市民搭電梯要企定定,唔好走動,力證「左行右企」根本唔應該限隨。

有內地網友表示有大部分人只企右邊容易令電梯損壞Photo from 小紅書「冬小瓜的winter」

內地網友指港鐵官方喺宣傳海報同廣播都呼籲市民搭電梯要企定定,唔好走動Photo from 小紅書「tuboshuliu」

內地網友指官方都認為「左行右企」根本唔應該限隨。Photo from 小紅書

不過有網民則反駁指每個地方都有自己嘅習慣,應該要尊重。香港網民亦曾經討論過「左行右企」呢個現象,有人指搭地鐵好可能會因為慢少少而走咗班車,因此喺電梯上行走快嗰幾秒對好多人嚟講係好重要,而且唔趕時間嘅排右邊慢慢企,趕時間嘅喺左邊行係最有效率。

不過有網民則反駁指每個地方都有自己嘅習慣,應該要尊重。Photo from 小紅書

香港網民亦曾經討論過「左行右企」呢個現象Photo from LIHKG

有網民指唔趕時間嘅排右邊慢慢企,趕時間嘅喺左邊行係最有效率。Photo from LIHKG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地網民熱議香港地鐵7大隱藏規則!呢樣被指唔夠人性化?!

18 Aug 2023

自開關後每日都有唔少內地遊客來港,網上亦出現大量「遊港攻略」。內地遊客來港多數都會搭交通工具,最近有網民就總結咗喺香港搭港鐵嘅7大規則,並呼籲其他遊客入鄉隨俗遵守規則。其中包括唔好挨住條柱企、盡量唔坐關愛座等。

自開關後每日都有唔少內地遊客來港

1. 唔好挨柱

港鐵車廂有唔少扶手供乘客扶住,以免開車、停車時會東歪西倒。內地網民指出唔應該將身體挨住扶手,阻礙到其他人扶住,係無公德心嘅行為。

內地網民指出唔應該將身體挨住扶手,阻礙到其他人扶住Photo from 小紅書

2. 盡量唔坐關愛座

「關愛座」本來設計係讓有需要人士優先乘坐,但近年有關關愛座嘅爭議漸漸變多,依家即使車廂有空出嘅關愛座,唔少人都寧願企都唔會坐關愛座。有內地網民就指內地文化不同,好少見到車廂有位都無人坐。

「關愛座」本來設計係讓有需要人士優先乘坐Photo from MTR

依家即使車廂有空出嘅關愛座,唔少人都寧願企都唔會坐關愛座。

3. 人與人保持距離

內地網民提到每到返工時間,地鐵人流量達高峰,好多人趕返工會迫入車廂。但香港人比較重視空間感,所以唔好迫到身貼身,盡量保持距離。有內地網民稱香港人數量較少,所以上車唔會迫得太誇張,但有人反駁時返工時間金鐘等港鐵站人流量亦十分驚人,但因為港鐵班次較密,大家唔會夾硬迫上車,會選擇等下一班車。

內地網民提到每到返工時間,地鐵人流量達高峰,好多人趕返工會迫入車廂。

內地網友指香港人比較重視空間感,所以唔好迫到身貼身,盡量保持距離。Photo from 《Blackdog》劇照

4. 電梯左行右企

內地網民提到香港有一個潛規則就係電梯都會留返左邊畀其他人行,有人指內地官方提倡唔好喺電梯行走,以免發生危險,同香港「左行右企」嘅情況有所不同。其實港鐵同樣唔建議乘客喺電梯上行,不過仍有唔少趕時間嘅人會選擇喺電梯左邊上落。

內地網民提到香港有一個潛規則就係電梯都會留返左邊畀其他人行Photo from 小紅書

其實港鐵同樣唔建議乘客喺電梯上行Photo from MTR

5. 先落後上

內地嘅地鐵有啲係「左落右上」或「右落左上」,所以可以同時上落車,而香港係「中間落、兩邊上」,先讓到站嘅乘客落車,之後先上車,所以內地網民提醒如果車門一開就上車可能會引起落車嘅乘客不滿。

香港係「中間落、兩邊上」,先讓到站嘅乘客落車,之後先上車Photo from 小紅書

網民提醒如果車門一開就上車可能會引起落車嘅乘客不滿。

6. 唔好超坐

車廂嘅座位其實係有固定人數,就算有空間都唔好超坐,有內地網友表示內地人搭地鐵見到有空位就會衝去坐,但呢個行為喺香港就可能會畀人鬧。

車廂嘅座位其實係有固定人數Photo from 小紅書

有內地網友表示內地人搭地鐵見到有空位就會衝去坐,但呢個行為喺香港就可能會畀人鬧。

7. 月台及車廂間不準飲食

有網友就指出曾喺車廂飲水被人話,網民提醒港鐵車廂內係不準飲食,有內地網友表示唔準飲飲料可以理解,但水都唔畀飲就有啲嚴格。

有網友就指出曾喺車廂飲水被人話

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel