「係咪真架？」免費打做自己嘅健力士世界紀錄 連影selfies同轉發貼文都沒問題

有冇諗過自己可能已經打造左健力士世界紀錄呢？想申請打破現有世界紀錄其實係免費，無論你係咩人幾大年紀都好都能夠申請。意想不到嘅事隨時都會發生，你都有可能已經做左健力士世界紀錄保持者！連影selfies同轉發貼文都可以入健力士世界紀錄架～

Photo from 健力士世界紀錄官網

健力士世界紀錄裡面記載左一D你諗都諗唔到嘅紀錄，其實我地人人都有機會做到架！等小編介紹下近年你都可能會打破嘅記錄啦～

最快嘅手指 （2017年6月15日）
葡萄牙裔美籍音樂家Domingos-Antonio Gomes（亦稱“Antonio Domingos”）從7歲起就開始學彈鋼琴，佢打破「一分鐘敲擊鋼琴鍵次數最多」健力士世界紀錄稱號，一分鐘824下彈奏B7琴鍵成為最快嘅手指，佢1秒鐘敲擊琴鍵至少13次！佢採用左用兩隻手指輪流敲擊嘅技巧，為左呢次挑戰佢用左4個月的訓練！！如果講最快嘅手指，唔知香港人打機嘅速度會唔會都可以造就自己嘅記錄呢？

Photo from 健力士世界紀錄官網

全球年齡最細嘅俱樂部 DJ （2017年5月9日）
岩岩先開始返小學嘅日本嘅男孩Itsuki Morit，只有6歲零114天嘅佢，喺日本大阪一家餐廳酒吧表演一小時打碟之後，就成為了「年齡最小的俱樂部DJ」健力士世界紀錄保持者。

Photo from 健力士世界紀錄官網

Itsuki喺一大班成年人和小朋友前，使用專業嘅PIONEER XDJ AERO打碟機演奏左多首曲目。香港小朋友學咁多野，會唔會好快就會打破呢個記錄呢？

Photo from 健力士世界紀錄官網

最多Twitter 轉發記錄 (2017年5月9日）
美國有一名17歲嘅男仔Carter Wilkerson，係Twitter 無聊貼文 “喂！Wendy 快餐，我要幾多條轉發貼文先可以換到一年免費炸雞件呢？” （ Yo @Wendys how many retweets for a year of free chicken nuggets?）。Wendy's 官網回覆 “18 Million”（1,800,000)。睇完留言之後就走左去瞓覺！點知第二日，佢嘅貼文無啦啦比人不段轉發～

Photo from 健力士世界紀錄官網

只係一條無聊嘅轉發貼文，竟然轉達3,430,655 打敗左 Ellen DeGeneres奧斯卡明星selfie。真係瞓醒一覺，咩事都會發生～

Photo from 健力士世界紀錄官網

三分鐘內影最多Selfies (2017年4月26 日）
前英格蘭球星阿蘭•希勒（ALAN SHEARER）同紐卡斯爾男子學校（NEWCASTLE SCHOOL FOR BOYS）嘅學生共用打造左三分鐘134張Selfies記錄。

Photo from 健力士世界紀錄官網

呢一項世界紀錄的挑戰規則係：要所有照片中拍攝者臉部必須完全可見，每一張照片必須拍攝不同嘅人。不如搵日公司攪Party，申請個最多Selfies 記錄先！！

Photo from 健力士世界紀錄官網

睇落去好似人人都有機會打破到世界紀錄，咁點申請呢同堆要唔要俾好多錢架？

想申請打破現有世界紀錄其實係免費, 無論你係咩人，幾大年紀都好都能夠申請。每年都有大約50000人申請健力士世界紀錄，所以「普通申請」要12個星期先會完成審查同回覆。如果想快呢～可以申請「優先申請」呢個就要申請費用嘞～如果為現有世界紀錄費用係 £500英鎊或人民幣6,000(加增值税），新紀錄就要£650英鎊或人民幣7,000(加增值税）。

Photo from 健力士世界紀錄官網

打破到世界紀錄必須符合以下標準：
可測量的 – 係最快/最長/最重/最多
可被刷新 – 紀錄必須可以被公開挑戰的。
標準化的 – 紀錄係可以被普遍創造的。例如，紀錄不能僅限於某個地區內的事物。
可證實的 – 申請可以被證明嘛？例如，“一個人從來不喝水”這樣的申請無法被證實，除非呢個人由出生到而家都在一個證人監督下正常生活。
一個限定詞 – 可以認證最大的畫作，但是不能認證由最多人完成的最大的畫作。
絕對的紀錄沒有附加類別 – 例如，可以認證最快的100米跑，但是不能認證消防員最快的一百米跑。
普遍的 – 申請紀錄必須係世界上大多人都了解的事情。不能過於專業或地區性。

不能認證以下相關內容：
可能對他人或者動物存在傷害嘅不適當的活動或行為。
16周歲以下兒童不能挑戰或持有對青少年身心發展不利的紀錄稱號。在此情況下， 健力士世界紀錄與特殊技能/運動的監督機構有緊密的聯繫。

想知道你想打破嘅記錄有冇人做過，你可以到官網搜尋查詢。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）
*本文章的圖片均經其本人或其公司授權，其他媒體不得轉載