download HolidaySmart 假期日常 app
何伯何太怒斥子女不孝只為謀財產!5子女終發聲向何太宣戰?!

何伯何太怒斥子女不孝只為謀財產!5子女終發聲向何太宣戰?!

時事熱話 娛樂新聞
By Jennifer on 14 May 2024
Digital Editor

東張西望》再度訪問何伯何太,佢哋都表示節目播出後睇咗幾千個網民留言,亦反擊「貪錢」、「迷魂湯」等指控。何伯同何太一條心,狠批5個子女只係為咗何伯嘅遺產,Facebook群組「何伯&何伯老婆關注組」有疑似何家子女發文,首度回應事件?!

《東張西望》再度訪問何伯何太Photo from TVB

自從何伯何太上節目後,佢哋嘅故事旋即成為全城熱話,不過大部分網民都係質疑何太嘅目的,認為佢立心不良,而何伯則被年輕30歲嘅老婆蒙蔽。節目播出後,《東張西望》再度回訪,何伯何太對各種質疑大反擊!

何太見愛妻被鬧大感心痛!Photo from TVB

何伯同何太稱佢哋睇咗幾千個網民留言睇到凌晨4點,何太稱佢嘅名牌手袋同珍珠耳環都係喺內地買嘅,並非真貨,價值$2萬幾嘅珍珠頸鏈係自己買,並非何伯所送,否認自己「珠光寶氣」咁接受訪問,不過佢就分享咗何伯送畀佢嘅定情知物——近4兩重龍鳳鈪,價值約$10萬元!

何伯同何太稱佢哋睇咗幾千個網民留言睇到凌晨4點

何太稱佢嘅名牌手袋係喺內地買嘅Photo from TVB

珍珠耳環並非真貨Photo from TVB

價值$2萬幾嘅珍珠頸鏈係自己買,並非何伯所送Photo from TVB

何太分享咗何伯送畀佢嘅定情知物——近4兩重龍鳳鈪,價值約$10萬元!Photo from TVB

何太指同何伯閃婚係因為覺得何伯好錫佢:「未有人咁樣為我使錢。」何太提到自己嘅兒子更忍唔住想喊,雖然未有眼淚但佢指好感動,大讚仔仔生性:「我話:『仔仔,而家你阿叔而家無晒錢,俾仔女捲走晒,佢臨老過唔到世,好淒涼。我仔仔就話:『我唔讀書,我出去搵嘢做賺錢,返嚟養阿叔。』」

何太指同何伯閃婚係因為覺得何伯好錫佢:「未有人咁樣為我使錢。」Photo from TVB

何太提到自己嘅兒子更忍唔住想喊,雖然未有眼淚但佢指好感動,大讚仔仔生性Photo from TVB

何伯亦十分勞氣,更將子女定性為「反派」:「我當佢哋(網民)係瘋狗!佢根本唔理我家事發展,信晒啲反派。嗰5個忤逆仔女!」,何伯更稱唔應該生佢哋:「佢(網民)知唔知個細女捲走晒我啲錢呀!我唔支持佢哋(5個子女)!佢哋反派!我帶錯咗佢哋嚟呢個世界!點知佢個心咁樣,想我死!根本想我死!咁佢5個分囉!450萬每個收90萬嘛!」

何伯亦十分勞氣,更將子女定性為「反派」Photo from TVB

何伯:「我當佢哋(網民)係瘋狗!」Photo from TVB

何伯指網民:「信晒啲反派。嗰5個忤逆仔女!」Photo from TVB

何伯更稱唔應該生佢哋!Photo from TVB

何太強調自己絕非貪錢之人:「我唔要佢(何伯)嘅!佢話畀隻錶去當我都話唔要住!我仲有錢頂得住!因為我係好注重名聲嘅人!邪不能勝正!我哋為人正直,會堅持走返啱嘅路。」何伯就指自己十幾歲嚟香港,跑過江湖:「我挑通眼眉!邊個女人呃我實睇得出!」

何太強調自己絕非貪錢之人Photo from TVB

何太爆金句:「邪不能勝正!我哋為人正直,會堅持走返啱嘅路。」Photo from TVB

何伯就指自己十幾歲嚟香港,跑過江湖,一眼就能睇出邊個女人呃佢Photo from TVB

何伯激動稱:「我不知幾清醒!啲錢係我自己搵返嚟,點解要俾佢(細女)一嘢盜晒我走?銀行嗰個同佢夾計有利益!」何伯指拎$100萬出嚟本來係打算同老婆北上到珠海發展,何太亦表示做生意都係想賺多啲同何伯一齊享受。主持梁敏巧追問:「蝕咗點算?」何伯豪氣指:「蝕都預咗啦!我有$450萬,嗰$100萬攞出嚟做試金石囉!」

何伯激動稱:「我不知幾清醒!啲錢係我自己搵返嚟,點解要俾佢(細女)一嘢盜晒我走?銀行嗰個同佢夾計有利益!」Photo from TVB

何太亦表示做生意都係想賺多啲同何伯一齊享受Photo from TVB

何伯豪氣指:「蝕都預咗啦!」Photo from TVB

何伯:「嗰$100萬攞出嚟做試金石囉!」Photo from TVB

而見何太想喊,梁敏巧即無動搖,反問佢:「你會不會打工養何伯?」何太即深情表示:「會!我一定會搵到生存方法。或者我返大陸擺地攤喺街邊煎牛扒畀人食,我都會帶埋佢(何伯)。」

見何太哽咽想喊,梁敏巧即無動搖,反問佢:「你會不會打工養何伯?」

何太即深情表示:「會!我一定會搵到生存方法。」Photo from TVB

何太指會擺地攤喺街邊煎牛扒Photo from TVB

一直以嚟都係何伯何太喺節目上分享家事,又多次狠批子女不孝、只想謀老父身家,但近日Facebook群組「何伯&何伯老婆關注組」有匿名人士以「何家子女代表」發文,首度回應事件。

一直以嚟都係何伯何太喺節目上分享家事,又多次狠批子女不孝、只想謀老父身家Photo from TVB

何太指何伯子女捲走晒佢老公啲錢Photo from TVB

近日Facebook群組「何伯&何伯老婆關注組」有匿名人士以「何家子女代表」發文,首度回應事件。Photo from TVB

帖文稱當日喺銀行提取$450萬存款只為維護何家自身權益,日後會負責何伯生活所需,但就強調無必要同義務責任供養新何太:「如“新何太”有任何異議,歡迎以法律行動解決,而我們何家五子女亦會以法律行動追討在此期間“新何太”向家父所得的所有財產,謹以此平台宣佈」

帖文稱當日喺銀行提取$450萬存款只為維護何家自身權益,日後會負責何伯生活所需,但就強調無必要同義務責任供養新何太Photo from Facebook群組「何伯&何伯老婆關注組」

網民繼續力撐何伯子女,認為何伯之前喺節目中都有提到自己一直同5個仔女關係好好,平時經常聚會、去旅行,自己又一直同二仔同住,只係喺何伯再娶何太後佢哋先反目。網友又表示細女同何伯聯名戶口開咗咁耐,如果真係要謀老父嘅家產,當時就可以捲走啲錢,根本唔使等到依家。

網民繼續力撐何伯子女Photo from Facebook群組「何伯&何伯老婆關注組」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

東張西望|何太反擊被指「講多錯多」?!何伯撐愛妻7字狠批子女

13 May 2024

何伯夫婦引起全城熱議,《東張西望》亦再搵嚟呢對忘年戀戀人接受訪問,何伯何太要應付財務壓力同埋公眾嘅質疑,雖然外界有好多唔同聲音,但何伯同何太都堅持佢哋嘅愛情係真摰無比。

何伯夫婦引起全城熱議,《東張西望》亦再搵嚟呢對忘年戀戀人接受訪問Photo from TVB

節目播出前,預告片中何伯何太指從來無離開過香港,兩人喺香港茶餐廳用饍,期間何太表示:「阿叔畀咗身體我、畀咗肉體我,就留咗啲錢畀佢仔女保管,佢仔女攞錢去,我就要跟佢捱苦,先證明到人哋係真愛,咁傻嘅!唔通有錢就唔係真愛咩?咁奇怪。」

節目播出前,預告片中何伯何太指從來無離開過香港Photo from TVB

兩人喺香港茶餐廳用饍,期間何太表示:「阿叔畀咗身體我、畀咗肉體我」Photo from TVB

何太指何伯將啲錢畀咗仔女「保管」Photo from TVB

何太稱:「唔通有錢就唔係真愛咩?咁奇怪。」Photo from TVB

唔少網友都十分期待節目播出最新訪問片段,但星期日嘅《東張西望》竟然只播出約一分鐘嘅新預告片,令觀眾都深感失望。新影片中主持人係梁敏巧,何太亦積極否認外界嘅質疑。

新影片中主持人係梁敏巧,何太亦積極否認外界嘅質疑。Photo from TVB

何太指:「無呢回事囉!我點解要當佢獵物呀?我當佢係寶,好唔好呀?真係奇怪㗎啲人。」今次何太無戴耳環同珍珠頸鏈,但手上首飾一樣十分貴氣,除咗上次曝光過嘅2卡戒指、金戒指同手錶外,何太右手亦戴咗一金一銀手鏈,無名指又戴咗一隻鑽石戒指,頸鏈則低調不少。

何太指:「無呢回事囉!我點解要當佢獵物呀?我當佢係寶,好唔好呀?真係奇怪㗎啲人。」Photo from TVB

今次何太無戴耳環同珍珠頸鏈,但手上首飾一樣十分貴氣Photo from TVB

何太右手亦戴咗一金一銀手鏈,無名指又戴咗一隻鑽石戒指Photo from TVB

節目中,何太積極回應批評,話自己對何伯嘅愛完全係出自內心。她更加指出就算何伯揀其他女性,佢哋嘅子女都可能會反對:「佢再娶個女人唔係我,佢哋一樣反對,你信唔信?」何太強調自己同何伯係合法夫妻,擁有繼承權:「因為我名正言順,同我老公成為咗合法夫妻嘅話,咁佢哋就無咗嗰個繼承權,佢哋咪先下手為強囉!」

何太指出就算何伯揀其他女性,佢哋嘅子女都可能會反對Photo from TVB

何太強調自己同何伯係名正言順嘅合法夫妻:「因為我名正言順,同我老公成為咗合法夫妻嘅話,咁佢哋就無咗嗰個繼承權,佢哋咪先下手為強囉!」Photo from TVB

不過其實親生子女唔會因為父親再娶而失去繼承權,根據《無爭議遺囑認證規則》第21條,雖然尚存配偶為繼承第一順序,但子女亦係第二順序。不過何伯力撐現任老婆,狠批子女:「我娶第二個,佢哋一樣反對,佢哋爭遺產咋嘛!」

何伯力撐現任老婆,狠批子女:「我娶第二個,佢哋一樣反對,佢哋爭遺產咋嘛!」Photo from TVB

另一方面,何伯亦反駁咗有關佢被灌迷魂湯嘅謠言,他稱飲完湯之後反而更加精神:「佢成日煲湯畀我飲,個個都話『飲死你呀、有毒㗎啲湯』,飲死我?越飲越精神?!」態度十分堅決,決心企喺何太嗰邊,同5位子女嘅關係似乎已經「無彎轉」。

何伯亦反駁咗有關佢被灌迷魂湯嘅謠言,他稱飲完湯之後反而更加精神Photo from TVB

網民睇完預告就指:「唔緊要啦,4百萬而家都轉走左,講咩都冇用」、「講多咗啦,言下之意咪:『有人想先下手為強攞個繼承權,不過又唔夠快』」、「真心覺得細女真係mvp,香港女人之光,守護咗5兄弟姊妹」

網民睇完預告就指:「唔緊要啦,4百萬而家都轉走左,講咩都冇用」Photo from LIHKG

網民指何太「講多咗」Photo from LIHKG

有網民質疑何伯原先嗰$450萬存款可能已故何太都有份:「啲錢仔女亡母都有份,可能佔好大部分添」、「我真係唔信450萬係何伯自己儲返嚟 ,我諗大部分都係亡賢妻死慳死抵蓄落嘅錢同啲仔女俾佢」

有網民質疑何伯原先嗰$450萬存款可能已故何太都有份Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel