download HolidaySmart 假期日常 app
港男組飯局P圖改單呃飲呃食懶人包!用小紅書相扮食家,照抄食評

港男組飯局P圖改單呃飲呃食懶人包!用小紅書相扮食家,照抄食評

時事熱話
By Jennifer on 17 May 2024
Digital Editor

近日傳媒人千頌C喺Facebook發文分享身邊朋友嘅一件真人真事。有人自稱係富三代,專約專業人士到富豪飯堂用餐,佢以自己同餐廳好熟為由組局,由於飯局係AA制,佢會向出席嘅人士收取餐費,但被揭竟P圖改圖,收多$1萬,令其他人被迫「資助」佢食飯!

近日傳媒人千頌C喺Facebook發文分享身邊朋友嘅一件真人真事。Photo from 千頌C Facebook

千頌C指佢身邊有一班識飲識食嘅朋友,號稱「老饕」,會一齊book餐廳嚐美食,老饕圈子雲集咗醫生、律師、Banker等專業人士。其中一位「B君」自稱係阿聯酋航空機師、攝影師兼富三代。

千頌C指佢身邊有一班識飲識食嘅朋友,號稱「老饕」,會一齊book餐廳嚐美食Photo from 《大叔的愛》劇照

B君活躍於香港兩大FB飲食群組,,佢自稱同餐廳好熟,所以往往都由佢book餐廳組飯局,千頌C表示:「好多時佢找數後都唔公開張單,就咁叫人俾返一個銀碼佢,大家都不虞有詐。」

B君活躍於香港兩大FB飲食群組,,佢自稱同餐廳好熟,所以往往都由佢book餐廳組飯局Photo from 《大叔的愛》劇照

千頌C分享B君最近一件事跡,B君一行12人book咗一間富豪飯堂,事後佢就指餐費位位$4,700,並罕有咁send咗張單出嚟,埋單竟要$5萬幾,千頌C指:「咁呢班識食之人,食米係知米貴,但覺得冇理由咁貴,所以有個真熟客,走去問餐廳張單幾錢,一問就知,發現$45000有找!」

B君一行12人book咗一間富豪飯堂,事後佢就指餐費位位$4,700,並罕有咁send咗張單出嚟,埋單竟要$5萬幾Photo from TVB

如果B君陰謀得逞,佢唔止可以食到免費餐,更額外賺$11,000!可惜佢淨係P咗總數,但成張單加埋總數係唔對數。之後老饕圈子開始回顧B君之前嘅小手段,指佢曾book尖沙咀一間米芝蓮星級食府:「有人發現菜單上寫明,其中一碗翅加多四兩,B君以為冇人知,到上翅時就好得戚咁話:『嘩!個廚對我真係好,俾咁大碗翅俾我。』實情係大家夾錢請佢食之餘,仲要夾呢四両嘅錢俾佢搭棚扮大袋。」

B君被揭改圖!Photo from 千頌C Facebook

有人發現菜單上寫明,其中一碗翅加多四兩Photo from Facebook群組「香港 Omakase おまかせ 關注組」

又有一次B君book咗中環一間頂級私房菜組局,佢指:「啲海膽係我親自揸飛機日本飛過嚟,俾師傅來料加工。」要求出席飯局人士要另外夾返幾千蚊畀佢,但事實上該餐廳從不接受來料加工。

有一次B君book咗中環一間頂級私房菜組局,佢指:「啲海膽係我親自揸飛機日本飛過嚟,俾師傅來料加工。」Photo from 《奔愛》劇照

千頌C表示B君「富三代、機師兼攝影師」嘅身份好有可疑:「係咪富三代我check唔到,但佢話自己係Emirates機師,我拎佢英文全名去問Emirates,官方回覆係:『Emirates can confirm that we do not have an employee by this name in our current or previous records.』至於攝影師呢,有十萬會員嘅Omakase關注組Group主,最新踢爆佢IG啲相來源好多都係小紅書了」

千頌C表示B君「富三代、機師兼攝影師」嘅身份好有可疑Photo from 千頌C Facebook

之後有參與「四両魚翅」嘅苦主亦現身分享被騙經歷,佢稱B君為「千曦B大神」,苦主指:「$14580六位的飯局,另外自帶了兩枝洋酒,而餐廳的開瓶費為四百元正一支,連茶芥和加一服務費,即共約$17248。(Ref: Openrice capture茶錢於2023年為40元一位)每位晚餐是盛惠$2875。吃畢再去Kaboom各喝了一杯cocktails,誠惠$128+10%,吃連飲就是$3015。」但千曦B大神最終向每人收取$3,150元。

之後有參與「四両魚翅」嘅苦主亦現身分享被騙經歷Photo from Facebook群組「香港 Omakase おまかせ 關注組」

千曦B大神最終向每人收取$3,150元。Photo from Facebook群組「香港 Omakase おまかせ 關注組」

苦主表示:「只有一位的紅燒大鮑翅是改成了四兩翅,而多吃的那位自然是我們的千曦B大神,但當時他沒有跟在場的人說這是額外自肥的行為,而是說因為餐廳和主廚與他相熟,所以額外為他加倍了魚翅的份量」

苦主指:「發現B大神買的Gucci x The North Face Crossover 背囊很可能成了盜版背囊的受害者!Gucci 正貨其中一個基本驗證真假的方法就是看是否花對花,線對線,千曦B大神買的時候竟然也沒留意到,愈往側邊就愈對不上,真的太大意了!」Photo from Facebook群組「香港 Omakase おまかせ 關注組」

除咗P圖改單之外,亦有老饕踢爆千曦B嘅IG、Facebook相都係取自小紅書,以打造自己「美食家」嘅身份,甚至連食評都係照抄人哋,只係改咗少少字眼:「相片從小紅書裁剪,改色後直出,相片的解像度較低,文字照抄八成。」

有老饕踢爆千曦B嘅IG、Facebook相(上)都係取自小紅書(下)Photo from Facebook群組「香港 Omakase おまかせ 關注組」

啲相一模一樣Photo from Facebook群組「香港 Omakase おまかせ 關注組」

只係放大/縮細、轉filterPhoto from Facebook群組「香港 Omakase おまかせ 關注組」

連食評都十分相似!Photo from Facebook群組「香港 Omakase おまかせ 關注組」

千曦B的IG連小紅書網民嘅自拍相都一樣照copy!Photo from Facebook群組「香港 Omakase おまかせ 關注組」

明明完全唔關事!Photo from Facebook群組「香港 Omakase おまかせ 關注組」

有網民對此舉大為吃驚Photo from Facebook群組「香港 Omakase おまかせ 關注組」

直接用人哋張相!Photo from Facebook群組「香港 Omakase おまかせ 關注組」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel