download HolidaySmart 假期日常 app
何超欣與沈月、甘比大女劉秀樺成好姊妹行街!3大千金打扮低調

何超欣與沈月、甘比大女劉秀樺成好姊妹行街!3大千金打扮低調

娛樂新聞
By Jennifer on 16 May 2024
Digital Editor

何超欣近日喺小紅書分享與兩位好姊妹行街、食街頭小食嘅相片,隨即掀起熱議,原來佢兩位好姊妹係邱淑貞大女沈月、甘比大女劉秀樺,3位上流社會千金打扮相對低調,有網民羨慕表示:「繼承者們」

何超欣近日喺小紅書分享與兩位好姊妹行街、食街頭小食嘅相片Photo from 何超欣小紅書

富商劉鑾雄(大劉)同妻子甘比嘅大女劉秀樺一向都十分低調,但16歲嘅秀樺近年就開始同媽媽一齊出席公開活動,平時又會喺IG分享「追星」日常,似乎漸漸適應名媛嘅身份。

秀樺平時會喺IG分享「追星」日常Photo from 劉秀樺IG

佢之前陪媽媽甘比參加尖沙咀一個活動,當日仲有好多上流社會名流出席,秀樺亦有同已故賭王四房千金何超欣合照,關係友好。同場其實公開活動常客仲有邱淑貞大女沈月,不過當時未見有佢哋嘅合照。

甘比(陳凱韻)之前與愛女劉秀樺一同出席活動Photo from 劉秀樺IG

甘比同黎姿份屬好友,佢哋更同秀樺、超欣影合照Photo from 黎姿IG

同其他人相比,秀樺打扮相對低調Photo from K11 MUSEA

沈月以抹胸禮服裙現身Photo from K11 MUSEA

最近何超欣就喺小紅書分享咗一系列照片:「跟姐妹們一起逛吃逛吃」,佢與秀樺、沈月影咗多張合照,包括喺香港街頭影相,佢哋又買咗一個雞蛋仔3個人一齊分享,感情相當唔錯!

最近何超欣就喺小紅書分享咗一系列照片:「跟姐妹們一起逛吃逛吃」Photo from 何超欣小紅書

何超欣與秀樺、沈月影咗多張合照Photo from 何超欣小紅書

佢哋又買咗一個雞蛋仔3個人一齊分享Photo from 何超欣小紅書

相片中3人搭膊頭、攬攬,十分親密。以往佢哋同時出現多數都係名媛交流嘅場合,今次罕有公開「千金聚會」,令佢哋私下約會時嘅造型曝光。3位千金打扮相對低調,其中超欣同沈月更著上間條上衣,而秀樺則著咗灰色上衣。不過何超欣嘅手袋係Chanel Gabrielle bag,佢亦有戴黑超。

相片中3人搭膊頭好frd~Photo from 何超欣小紅書

其中超欣同沈月更著上間條上衣,而秀樺則著咗灰色上衣。Photo from 何超欣小紅書

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

甘比大女劉秀樺與何超欣出席活動,有沈月同場!上流社會名媛雲集

5 Dec 2022

甘比(陳凱韻)近日與愛女劉秀樺一同出席活動,席上仲有已故賭王四房千金何超欣、邱淑貞大女「最美星二代」沈月,活動雲集上流社會名人。劉秀樺與媽媽、黎姿、何超欣合照,14歲嘅秀樺亭亭玉立,成為外界焦點。

甘比(陳凱韻)近日與愛女劉秀樺一同出席活動Photo from 劉秀樺IG

大劉甘比14歲大女劉秀樺

甘比為富商劉鑾雄(大劉)於2008年誕下一女並取名為劉秀樺,有指大劉為愛女買下價值$7400萬嘅珍稀藍鑽「Star of Josephine」,藍鑽呼應秀樺英文名「Josephine」,十分有意義。

甘比為富商劉鑾雄(大劉)於2008年誕下一女並取名為劉秀樺,有指大劉為愛女買下價值$7400萬嘅珍稀藍鑽「Star of Josephine」Photo from 甘比IG

而近年秀樺年紀漸長,備受外界關注。近日14歲嘅秀樺就同媽媽一齊出席尖沙咀活動,同場邀請好多知名人士,包括劉嘉玲、鄭秀文、馮德倫等。

劉嘉玲Photo from K11 MUSEA

鄭秀文Photo from K11 MUSEA

何超欣、沈月、劉秀樺同場出席活動

香港唔少上流社會名媛、富二代亦獲邀出席活動,嫁咗畀商人馬廷強嘅黎姿、已故賭王四房千金何超欣、邱淑貞大女「最美星二代」沈月都有份出席活動。其中甘比同黎姿份屬好友,佢哋更同秀樺、超欣影合照。甘比母女與黎姿一齊坐、對面仲有甄子丹夫婦。

甘比同黎姿份屬好友,佢哋更同秀樺、超欣影合照Photo from 黎姿IG

甘比母女與黎姿一齊坐、對面仲有甄子丹夫婦。Photo from 黎姿IG

甚少公開出席活動嘅秀樺一現身即成焦點,佢喺IG亦公開同媽媽甘比嘅自拍。同其他人相比,秀樺打扮相對低調,而賭王千金何超欣同沈月都以抹胸禮服裙現身。

同其他人相比,秀樺打扮相對低調Photo from K11 MUSEA

沈月以抹胸禮服裙現身Photo from K11 MUSEA

劉秀樺打扮低調,沈月、何超欣以抹胸禮服裙現身

甘比母女同何超欣一齊影活動合照,雖然兩人唔算係同齡人,畢竟超欣今年剛從北京清華大學研究生畢業,但公開嘅合照嚟睇秀樺同超欣感情不錯,兩人雖然都係名門千金,但平日都比較低調,今次結伴出席活動,成為話題。

甘比母女同何超欣一齊影活動合照Photo from 黎姿IG

秀樺雖然係名門千金,但平日都比較低調Photo from 劉秀樺IG

秀樺亭亭玉立Photo from 劉秀樺IG

而另一位「最美星二代」沈月一向都出席唔少名牌活動,佢亦有喺IG公開好多合照,即使單人出席活動亦應對自如,好有經驗!

另一位「最美星二代」沈月一向都出席唔少名牌活動,佢亦有喺IG公開好多合照Photo from 沈月IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel