download HolidaySmart 假期日常 app
巴黎奧運|傳TVB將打造「新奧運六星」3男3女陣容 新晉小生+東張女神有份!

巴黎奧運|傳TVB將打造「新奧運六星」3男3女陣容 新晉小生+東張女神有份!

生活熱話 娛樂新聞
By Macy Sun on 17 May 2024

四年一度的奧運會即將於7月巴黎舉行,今年TVB亦相當隆重其事,近日就有傳TVB繼20年前雅典奧運後有意再打造「奧運六星」!當年林峯、黃宗澤、馬國明、陳鍵鋒、吳卓羲及黎諾懿版「奧運六星」陣容經典,至於今次就有指將由3男3女組成「新奧運六星」,當中呢位新晉小生以及東張女神都有份!

近日就有傳TVB繼20年前雅典奧運後有意再打造「奧運六星」Photo from TVB圖片

TVB曾在2004年雅典奧運期間找來當年6位當紅小生,包括:林峯、黃宗澤、馬國明、陳鍵鋒、吳卓羲及黎諾懿組成「奧運六星」。當時奧運期間的多個電視節目都會有他們六個一起宣傳,可謂爆光率極高。而現今六人亦都在不同方面有著成就,吳卓羲、黃宗澤、陳鍵鋒紛紛轉戰內地發展影視事業,馬國明、黎諾懿留於TVB發展近年亦有一番成績,至於林峯則繼續歌影視多方面發展,最近更憑《九龍城寨之圍城》人氣再度急升!

TVB曾在2004年雅典奧運期間找來當年6位當紅小生組成「奧運六星」Photo from 吳卓羲微博

當時奧運期間的多個電視節目都會有他們六個一起宣傳,可謂爆光率極高Photo from 吳卓羲微博

現今六人亦都在不同方面有著成就Photo from 網上圖片

據悉今年TVB亦有意以新陣容重新打造奧運六星,上一次是全男班,而今次則決定選用3男3女陣容亮相,當中男子組就包括有上位小生黃庭鋒、孔德賢以及近年主持無綫多個大騷的鄭衍峰。至於女子組就有今年獲得「飛躍進步女藝員」的劉穎鏇、東張女神何沛咖以及18年落選港姐何泳芍。

黃庭鋒Photo from 黃庭鋒IG

孔德賢Photo from 孔德賢IG

鄭衍峰Photo from 鄭衍峰IG

劉穎鏇Photo from 劉穎鏇IG

何沛咖Photo from 何沛咖IG

何泳芍Photo from 何泳芍 IG

同時消息亦有指6人將一同主持一檔新的遊戲節目,當中節目嘉賓亦有傳聲夢1+2及Crazy Runner都會參加,除此之外亦有一些有運動底子的藝人都會參加。

同時消息亦有指6人將一同主持一檔新的遊戲節目Photo from 網上圖片

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

仨心友行2|黎諾懿自認唔紅「奧運六星中包尾」曾住劏房現住豪宅 做綜藝主持屢獲肯定!

12 Jan 2022

TVB旅遊節目《仨心友行2》由黎諾懿監製,日前播出嘅新一集裡,佢同王君馨、龔嘉欣及姚子羚進行「真心話」遊戲,被問到「覺得自己呢家紅唔紅」,黎諾懿都自認為不紅,更表示知道外界一直指佢係「奧運六星」中包尾嗰個!

黎諾懿在《仨心友行2》自認唔紅,但其實佢事業非常平穩,做綜藝主持都兩次獲肯定Photo from 黎諾懿 FB

黎諾懿自認唔紅

《仨心友行2》最新一集裡,四位主持黎諾懿、王君馨、龔嘉欣及姚子羚大玩真心話遊戲。對於「覺得自己紅唔紅嘅問題」,黎諾懿直認自己唔紅,「因為一直以嚟我都覺得自己係叫做浮浮沉沉嘅,啲人成日搵我哋『奧運六星』相比,啲人成日話六個入面我係包尾嗰個,行得最慢嗰個嚟嘅,即係我硬係覺得就算喺邊度,喺公司都好,你好似有機會咁,但係硬係覺得係爭咁啲嘢囉。」

黎諾懿知道外界不少人將「奧運六星」互相比較Photo from 《仨心友行2》

而黎諾懿經常被指係包尾嗰個Photo from 《仨心友行2》

睇返黎諾懿過往作品,佢出道一年後已擔正劇集《當四葉草碰上劍尖時》,2004年更獲TVB力捧,與林峯、吳卓羲、馬國明、黃宗澤及陳鍵鋒組成「奧運六星」,各人都分別有劇集和廣告出街,但黎諾懿卻是六人中發展最慢的一位,之後更被調到兒童組令佢心灰意冷。

 黎諾懿擔正《當四葉草碰上劍尖時》男主角Photo from 《當四葉草碰上劍尖時》

奧運六星Photo from TVB

低潮期曾搬入劏房

在2006年拍攝《溏心風暴》係黎諾懿最窮時期,唔夠錢交租嘅佢需要搬入紅磡區 180呎劏房,一日三餐都要捱麵包。雖然之後幾年有繼續參演劇集及電影,但都未能引起關注度。直至2011年,黎諾懿北上參加由湖南衛視主辦嘅《舞動奇蹟》第三季比賽,當中佢同內地演員金晨合作奪得冠軍,從而令事業開始有起色。

黎諾懿曾到內地參加《舞動奇蹟》比賽奪冠Photo from 優酷

演《愛·回家》馬壯一角成功入屋

到了2012年,黎諾懿有份參演第一輯《愛·回家》,飾演馬壯一角收穫不少人氣,並在2015年繼續參演第二輯,成功入屋。之後亦有份拍攝劇集《不懂撒嬌的女人》、《溏心風暴3》等,到2018年同李佳芯合作,在《BB來了》中飾演新手父母獲得好評。

 黎諾懿在《愛·回家》中飾演馬壯一角成功入屋Photo from 《愛·回家》

做綜藝節目主持獲認可

做慣演員嘅黎諾懿在近年亦擔任不少綜藝節目嘅主持,當中佢主持嘅《懿想得到》更在《萬千星輝頒獎典禮2019》獲頒「最佳非戲劇節目」;在2020年與陳敏之一起主持嘅《今晚請客》更獲頒「最佳非戲劇節目」。除咗做主持,黎諾懿亦在《仨心友行2》中首次擔任監製,發展都幾多元。

黎諾懿做綜藝節目主持備受肯定Photo from 黎諾懿 LokYi Fans Page @ Facebook

黎諾懿主持《今晚有請》獲不少好評Photo from 黎諾懿 FB

與太太李潔瑩生活幸福

事業發展平穩嘅黎諾懿於2014年與身家豐厚嘅落選港姐李潔瑩結婚,當時黎諾懿被指「食軟飯」,但都無阻夫婦倆繼續恩愛,女方更先後誕下兩子,現住何文田複式豪宅,有落地大玻璃飽覽維港,仲有超大露台,一家四口生活幸福。

與李潔瑩婚後育有兩子Photo from 黎諾懿 FB

黎諾懿一家住空間闊落豪宅Photo from 黎諾懿 FB

「奧運六星」其餘5子近況

林峯在2014年離巢TVB,加入英皇娛樂直至2017年不續約離開,更返過TVB拍《使徒行者3》。近年佢參演不少內地戲劇獲不少內地粉絲支持。林峯在2019年宣布與張馨月結婚,二人育有一女。佢在去年加盟華納,推出了廣東歌《唱情歌的人》,惟被指宣傳不足,未能帶起熱度。

林峯近年參演不少內地劇集,亦有推出廣東歌Photo from 林峯 微博

黃宗澤曾措辭入圍TVB最佳男主角,但都未能獲獎。佢在2017年約滿離開TVB,加盟邵氏兄弟,佢近年有投資蠔吧餐廳,並在近期疫情下為餐廳推出$38平民價早餐。

黃宗澤參演戲劇作品同時開餐廳投資Photo from 黃宗澤 微博

吳卓羲2015年離巢TVB,其後北上拍內地劇頗受歡迎。有指佢在2013年購入深井碧堤半島1,200呎單位,現已升值至超過1,700多萬港元。有車有樓嘅吳卓羲亦愛投資名錶,身家與生活都相當不錯。

吳卓羲持續買好物投資,亦有出鏡拍劇Photo from 吳卓羲 微博

陳鍵鋒在2010年約滿離開TVB,轉戰內地市場,有參演過《封神英雄榜》等劇集,人氣不俗,但近年受腦血管遺傳病影響,決定淡出娛樂圈,轉行做潛水教練,但去年傳出其學員遇溺不治消息,佢減少更新社交平台半年後現身,同為昔日TVB節目《K-100》主持嘅王賢誌po出同佢嘅合照,睇落有點發福但精神不錯。

王賢誌最近曬出與陳鍵鋒合照Photo from 王賢誌 微博

馬國明出演過好多劇集成功入屋,到2019年終於憑《白色強人》勇奪視帝,亦係「奧運六星」中唯一一位攞到視帝嘅人。佢同湯洛雯於2020年公開情侶關係,並不時在社交網曬恩愛,相當甜蜜。

馬國明係「奧運六子」裡唯一奪視帝嘅藝人Photo from 馬國明 FB

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel