download HolidaySmart 假期日常 app
秦煌住護老院細30歲情人仍無影!現需申請綜緩,曾為大女還債300萬

秦煌住護老院細30歲情人仍無影!現需申請綜緩,曾為大女還債300萬

娛樂新聞
By Jennifer on 27 May 2024
Digital Editor

76歲嘅甘草演員秦煌離開咗TVB之後,喺酒店獨居,佢內地嘅情人知己卻未有來港探望,同子女關係疏離嘅秦煌獲安排入住護老院,然而佢有經濟困難,以前曾經幫大女還債$300萬,現時需申請綜緩維生。

最近76歲秦煌,在酒店房間跌倒無法站起來Photo from TVB

疫情期間,因為封關措施,秦煌被迫留喺香港住酒店,今年3月,佢喺酒店跌倒之後,林偉表示聯絡唔到佢家人,原來佢哋之後聯絡到對方,秦煌轉介咗去康復中心治療,接着再獲安排入住護老院。

秦煌年紀大,加上肥胖致腰骨出現問題影響行動Photo from TVB

秦煌入住護老院後一日三餐等生活有改善,不過佢面臨經濟困難,積蓄所剩無幾,甚至要向好友林偉借錢嚟應急,現時有社工幫佢申請綜援。秦煌指自己之前幫大女還債,每個月幫佢哋還超過$1萬:「十年嗰度都百幾萬,仲有現錢都$300萬。」佢指為咗幫大女還債更賣咗香港嘅物業。

秦煌入住護老院後一日三餐等生活有改善Photo from TVB

秦煌指自己之前幫大女還債,每個月幫佢哋還超過$1萬:「十年嗰度都百幾萬,仲有現錢都$300萬。」Photo from TVB

不過大女申請破產後兩人就無晒來往,秦煌與仔女嘅關係一向淡薄,不過近日細女開始主動聯絡佢,亦曾經去到醫院同護老院探望爸爸,親情有修復嘅跡象。

秦煌與仔女嘅關係一向淡薄,不過近日細女開始主動聯絡佢,亦曾經去到醫院同護老院探望爸爸Photo from TVB

然而喺內地細佢30年嘅情人知己Mary至今未能來港探望,之前因為疫情秦煌要同照顧佢起居嘅Mary分開,而通關後Mary依然「無影」,秦煌則表示因佢叫Mary唔好嚟香港,因為交通費都平,Mary同女兒來港仲話想去觀光,秦煌有感支出太多,所以叫Mary留喺內地。Mary多年嚟都靠秦煌供養,秦煌指仍然希望有能力時可以供養無收入嘅Mary母女。

喺內地細佢30年嘅情人知己Mary至今未能來港探望Photo from TVB

更多相關文章

75歲秦煌自爆內地有個相差30年情人 湖南置業共建愛巢 視「知己」女兒為己出!

30 Jan 2024

現年75歲的秦煌移居深圳21年,4年前因在TVB拍劇遇上疫情及封關,加上肥胖致腰骨出現問題影響行動,至今獨居香港,生活十分寂寞。其亡妻是前商台DJ莫佩雯,二人育有四名子女,但由於婚姻生活不如意,當年妻子就曾六度提出離婚,不過因子女緣故,秦煌拒絕離婚要求,直至21年前開始定居深圳,過著分居生活令他與子女關係疏離。而近日他就接受媒體採訪,自爆原來在內地定居後,認識了一位細他30年的湖南女子,並發展至知己關係!

75歲秦煌自爆內地有個相差30年情人Photo from 《踩過界II》劇照

據悉秦煌知己名叫Mary,是他在21年前搬到深圳居住時為幫他打理家頭細務,讓獨居的他有「住家飯」食而找的一個女仔。然而秦煌就指其實起初對內地女人有防範,有叫過Mary走,但愛人冇理會,還會將買餸錢「打釜頭」儲起,加上秦煌資助的幾十萬在湖南買樓。所以現時秦煌有工作就會回香港租地方住,其他時間則住深圳,愛人會坐高鐵由湖南前去深圳找他。而訪問中秦煌更大讚內地女生唔會好似港女咁,問男士有冇錢有冇樓。

秦煌移居深圳21年,4年前因在TVB拍劇遇上疫情及封關,加上肥胖致腰骨出現問題影響行動,至今獨居香港Photo from TVB截圖

據悉秦煌知己名叫Mary,是他在21年前搬到深圳居住時為幫他打理家頭細務,讓獨居的他有「住家飯」食而找的一個女仔。Photo from 《青春不要臉》劇照

另外,秦煌亦自爆Mary早年因怕成為高齡產婦,曾經向自己提出想生小朋友,但當時秦煌表明拒絕,不過就指不會介意對方用自己方式有小朋友。二人有共識後,他亦讓Mary回家鄉湖南生活,後來Mary懷孕並在產後帶着11個月大的女兒回到深圳與秦煌一起生活。現在Mary女兒轉眼8歲,在內地就讀小三,秦煌亦把「繼女」視如己出,希望搵到錢供繼女讀書。而秦煌就直言沒有過問繼女生父是誰,Mary亦從未提起過。

秦煌亦自爆Mary早年因怕成為高齡產婦,曾經向自己提出想生小朋友Photo from 《極度俏郎君》劇照

然而提起內地愛人話題,期間秦煌亦在不為意間大爆了好友李龍基的秘密!指當年住深圳與李龍基是鄰居,對方在多年前曾用80萬在福田買了一間1300呎的樓。秦煌表示自己當年有去參觀過,更提到當時基哥有個好後生的女友叫「霞女」,以為與現在那位(Chris)是同一個人······?

提起內地愛人話題,期間秦煌亦在不為意間大爆了好友李龍基的秘密!Photo from IG圖片

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel