download HolidaySmart 假期日常 app
何太粉絲群逾400人加入!揚言要踩場搞何伯仔女?暢所欲言狂自爆

何太粉絲群逾400人加入!揚言要踩場搞何伯仔女?暢所欲言狂自爆

娛樂新聞
By Jennifer on 28 May 2024
Digital Editor

何伯何太近日成全城熱話,何太更「打蛇隨棍上」喺抖音開直播,預告日後會帶貨賺錢!近日Facebook群組「何伯&何伯老婆關注組」就分享何太喺粉絲群嘅對話,粉絲群有400多位成員,何太喺群內更分享何家各種家事。

何伯何太近日成全城熱話,何太更「打蛇隨棍上」喺抖音開直播

何伯何太上《東張西望》後成為城中「名人」,之後何太抖音帳號曝光,佢更直接開直播,揚言將會帶貨,務求將名氣轉化為收入!近日Facebook群組「何伯&何伯老婆關注組」有網民分享何太喺粉絲群組內嘅對話截圖。

何太抖音帳號曝光後,佢更直接開直播,揚言將會帶貨,務求將名氣轉化為收入

何太粉絲群名為「千語bb生活錄語的粉絲群」,人數已超過400人!何太喺群內經常發言同fans交流,唔少fans問起佢家事,何太幾乎有問必答,連何伯同亡妻、仔女嘅事都公開埋!

何太粉絲群名為「千語bb生活錄語的粉絲群」,人數已超過400人!

唔少fans問起佢家事,何太幾乎有問必答,連何伯同亡妻、仔女嘅事都公開埋!

何太公開咗唔少何家嘅內幕,當中包括令人意想不到嘅細節。佢對於何伯$450萬存款耿耿於懷,提到老公何伯現時經濟狀況「窮到窿」,但何太強調自己一直以來都與何伯同甘共苦,從未離棄。然而,何太都忍唔住抱怨,指責何伯嘅家人經常花費佢嘅積蓄,包括去旅行、保險費、醫療費等都要何伯出錢。

何太對於何伯$450萬存款耿耿於懷

佢對於何伯$450萬存款耿耿於懷,提到老公何伯現時經濟狀況「窮到窿」,但何太強調自己一直以來都與何伯同甘共苦,從未離棄。

何太大呻何伯為仔女付出好多但得唔到回報

佢指何伯同仔女去旅行都係何伯出錢,連大姨仔數萬,甚至過10萬嘅保險費、牙醫費都要何伯畀!呢個「大姨仔」相信應該係何伯亡妻嘅姊妹。何太提到呢啲時明顯十分不忿,佢斥何伯啲仔女無養過爸爸,反而係咁問何伯攞錢,其中一個仔女更問何伯攞錢買樓、換車,何太話對方已攞咗幾百萬,直斥何伯子女:「無人品、無人性」。

何太稱大姨仔數萬,甚至過10萬嘅保險費、牙醫費都要何伯畀!

呢個「大姨仔」相信應該係何伯亡妻嘅姊妹。

何太斥何伯啲仔女無養過爸爸,反而係咁問何伯攞錢

何太指其中一個仔女更問何伯攞錢買樓、換車,何太話對方已攞咗幾百萬

何太直斥何伯子女:「無人品、無人性」。

何太更直言不諱提到何伯亡妻生前為醫痛花費數百萬高額醫療費用。何太又指何伯亡妻「好賭」,以前晚晚打麻雀打到好夜唔返屋企,仲咬到何伯流血!不過有網民狠批何太咁樣講何伯過咗身嘅前妻,人品好差!

何太更直言不諱提到何伯亡妻生前為醫痛花費數百萬高額醫療費用

何太又指何伯亡妻「好賭」,以前晚晚打麻雀打到好夜唔返屋企,仲咬到何伯流血!

有粉絲建議何太唔好再上《東張西望》,但何太就表示要節目組幫忙追返啲錢!有人提議何太踩上何伯仔女工作嘅地方:「搞到佢哋無面見人,然後鬆手畀返啲錢」,何太回覆:「有這個想法」

有粉絲建議何太唔好再上《東張西望》,但何太就表示要節目組幫忙追返啲錢

何伯何太繼續上《東張西望》

有人提議何太踩上何伯仔女工作嘅地方:「搞到佢哋無面見人,然後鬆手畀返啲錢」,何太回覆:「有這個想法」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

何太爆何伯能力超強「一晚5次」!錫錫晒恩愛,一次直播賺X元

27 May 2024

憑《東張西望》成網絡紅人嘅何伯、何太突然喺抖音開直播,吸引了大量關注。直播中何太大方與何伯錫錫,大晒恩愛,佢仲大爆老公能力好強可以「一晚5次」!有網民估計何太呢個直播已為佢帶嚟逾萬元收益。

何伯、何太憑《東張西望》成網絡紅人Photo from TVB

何太抖音帳號「千語BB生活錄語」曝光後佢曾預告將於星期一孖老公何伯開直播,但星期日佢突然無預警喺抖音開直播,從背景嚟睇佢應該係喺餐廳用餐期間,「心血來潮」所以開直播與fans交流。

何太抖音帳號「千語BB生活錄語」曝光後佢曾預告將於星期一孖老公何伯開直播Photo from 抖音帳號「千語BB生活錄語」

星期日何太突然無預警喺抖音開直播,從背景嚟睇佢應該同何伯喺餐廳用餐Photo from 抖音帳號「千語BB生活錄語」

何太直播中可謂無所不談,一邊食嘢一邊講嘢,有網民直言佢「無文化」,又指佢將何伯$450萬攞到手就會走人。即使面對這些批評,何太依然我行我素,並表示佢同何伯感情非常深厚,無論何伯有無錢,佢都會陪伴他一生。

何太直播中可謂無所不談,一邊食嘢一邊講嘢Photo from 抖音帳號「千語BB生活錄語」

即使面對這些批評,何太依然我行我素,並表示佢同何伯感情非常深厚,無論何伯有無錢,佢都會陪伴他一生。 Photo from TVB

何太直播內容雖然多樣,但真正吸引觀眾嘅係佢直播帶貨嘅計劃,佢透露自己再開多一兩次直播就會正式開始帶貨。一心想做餐飲嘅佢表示自己如果攞返何伯嘅$450萬,佢一定會努力增值,更豪言目標係賺夠1萬億!大膽宣言令不少網民十分震驚。

何太直播內容雖然多樣,但真正吸引觀眾嘅係佢直播帶貨嘅計劃,佢透露自己再開多一兩次直播就會正式開始帶貨Photo from 抖音帳號「千語BB生活錄語」

何太表示自己如果攞返何伯嘅$450萬,佢一定會努力增值,更豪言目標係賺夠1萬億Photo from 抖音帳號「千語BB生活錄語」

何太於直播中多次深情表示就血無錢都唔會離開何伯,期間兩人更甜蜜嘴對嘴錫錫,同時,佢又提到想同何伯生BB,並自豪大爆:「佢(何伯)一晚5次!」掀起網民熱列討論!有網友認為已經76歲嘅何伯根本支撐唔到一晚5次,指何太為博關注「吹水」。

何太於直播中多次深情表示就血無錢都唔會離開何伯,期間兩人更甜蜜嘴對嘴錫錫Photo from 抖音帳號「千語BB生活錄語」

何太一臉自豪大爆:「佢(何伯)一晚5次!」仲話自己從來唔講大話Photo from 抖音帳號「千語BB生活錄語」

有網友唔信已經76歲嘅何伯做到「一晚5次」Photo from LIHKG

何太的一舉一動似乎都成為話題嘅中心,有人稱佢兩個鐘嘅直播已經賺過萬元,令唔少辛苦打工嘅網民感嘆自己勞累卻收入不高。有網友直言何太失去何伯$450萬存款後想通過直播帶貨搵錢,呼籲大家唔好喺佢嘅直播間買嘢,又指何太直播時宣傳自己《東張西望》嘅新訪問片段會喺星期二播出,根本就係利用人氣賺錢。

有人稱佢兩個鐘嘅直播已經賺過萬元Photo from Facebook群組「何伯&何伯老婆關注組」

何太直播時宣傳自己《東張西望》嘅新訪問片段會喺星期二播出Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel