download HolidaySmart 假期日常 app
鍾嘉欣秘密回港捧伍允龍場 為舊愛翻紅感高興 昐對方早日覓真愛:佢係筍盤!

鍾嘉欣秘密回港捧伍允龍場 為舊愛翻紅感高興 昐對方早日覓真愛:佢係筍盤!

生活熱話 娛樂新聞
By Macy Sun on 28 May 2024

電影《九龍城寨之圍城》熱爆香港,目前票房已攀升至8251萬,位列香港電影史上華語影片總票房的第二名!當中憑電影再度翻紅的「王九」伍允龍近日宣傳中就有透露,指舊愛鍾嘉欣在香港期間也有去看電影支持他。而昨日(27日)鍾嘉欣出席品牌活動時就有作回應,大方評價伍允龍演出,更大讚「佢係筍盤」昐對方早日覓真愛!

「王九」伍允龍近日宣傳中就有透露,指舊愛鍾嘉欣在香港期間也有去看電影支持他Photo from 鐘嘉欣IG

[caption id="attachment_422105" align="alignnone" width="1000"]鍾嘉欣出席品牌活動時就有作回應,大方評價伍允龍演出 伍允龍IG[/caption]

[caption id="attachment_422106" align="alignnone" width="1000"]鍾嘉欣更大讚伍允龍「佢係筍盤」昐對方早日覓真愛! 伍允龍IG[/caption]

鍾嘉欣昨日(27日)現身香港出席美容品牌活動時,就透露自己今次會留港一星期,由於無帶小朋友,所以都幾輕鬆,並笑言有回到過去嘅感覺。至於提到《九龍城寨之圍城》票房大賣,鍾嘉欣就表示一定要支持:「呢套電影真係A++++,因為真係每一個演員都做得好好,每一個角色都鍾意,打得好有型,又有香港情懷。(伍允龍因為電影受關注。)我戥佢好高興,我覺得呢個造型好啱佢,同埋佢做得好自然好放,佢遇到好好嘅角色,我替佢開心,因為我知道呢個係佢夢想,希望可以拍多啲動作片,I am very happy for him 。」

鍾嘉欣昨日(27日)現身香港出席美容品牌活動Photo from Viu TV 圖片

提到《九龍城寨之圍城》票房大賣,鍾嘉欣就表示一定要支持Photo from Viu TV 圖片

另外鍾嘉欣亦大方透露,指與伍允龍有透過社交平台保持聯絡。而當被問到對於伍允龍由昔日嘅nobody到今日嘅成績,是否有吐氣揚眉感覺時,鍾嘉欣就表示:「佢一直都有價值,努力總有成果,好似我咁我期待自己嘅未來十年,我亦好期待佢嘅未來十年,我覺得會好精彩,同埋我替佢好高興。」由於電影近日宣布將開拍前傳,對此鍾嘉欣就表示自己不但期待,甚至想出演,更力sell自己好打得,亦樂與伍允龍一同演出。最後,當被問及伍允龍的感情生活時,鍾嘉欣就表示希望他也能早日找到另一半,「緊係啦,佢咁好男仔,佢係荀盤。」

另外鍾嘉欣亦大方透露,指與伍允龍有透過社交平台保持聯絡Photo from Viu TV 圖片

鍾嘉欣表示希望伍允龍也能早日找到另一半Photo from Viu TV 圖片

對於鍾嘉欣這次大方重提舊愛伍允龍,就有不少網友留言大讚其回答得體:「嘉欣依家仲好靚,有正能量,有自己工作,有家庭,允龍亦都有事業,出頭一天,各自各精彩,嘉欣講話好得體,祝福兩位」、「超鍾意嘉欣!!! Beautiful from inside to outside~~ 聽她訪問真係好舒服~」、講到伍允龍嘅感情狀況,鍾嘉欣把聲,突然低咗兩度,好可愛」、「嘉欣對答非常得體!有智慧!」但同時就有網友表示質疑:「嘉欣:呢個真係筍盤嚟㗎!咁筍盤咁當初點解唔要嘅?」、「人地霉果時唔見你咁講」

對於鍾嘉欣這次大方重提舊愛伍允龍,就有不少網友留言大讚其回答得體Photo from 鐘嘉欣IG

[caption id="attachment_422112" align="alignnone" width="1000"]但同時就有網友表示質疑:「嘉欣:呢個真係筍盤嚟㗎!咁筍盤咁當初點解唔要嘅?」 伍允龍IG[/caption]

其實當年伍允龍被傳與鍾嘉欣秘戀8年,期間雙方都一直否認拍拖,直至2015年,更有傳鍾嘉欣為自己前途著想,飛甩事業未有成的伍允龍,主動提出分手,而當年伍允龍努力箍煲不果。其後伍允龍亦曾在節目上首度開腔談及與鍾嘉欣長達8年的地下情,暗指當時鍾嘉欣受公司施壓被迫玩地下情,他說:「我唔係投訴,只係唔明白點解個焦點會放喺地位分別上,同埋同邊個拍拖。其實(我哋拍拖)係開心嘅,只係對方因為喺工作上嘅問題,要收埋我少少,相信佢各方面有啲壓力,咁我係明白㗎,因為當時佢好紅,但我係Nobody(無名小卒),冇關係,我明白呢一行係點樣嘅,不過我就覺得過分咗去做呢件事,變咗個傷害喺我度。」

當年伍允龍被傳與鍾嘉欣秘戀8年,期間雙方都一直否認拍拖Photo from 伍允龍微博

其後伍允龍亦曾在節目上首度開腔談及與鍾嘉欣長達8年的地下情,暗指當時鍾嘉欣受公司施壓被迫玩地下情Photo from 網上圖片

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

伍允龍再度提及與鍾嘉欣昔日情!自爆交往期間甚少外出!工作壓力大導致感情生變?

22 Jun 2022

38歲鍾嘉欣曾經係大台備受力捧嘅藝人,而佢嘅感情狀況亦受到大眾關注,而佢婚前曾與伍允龍拍拖長達8年,可惜最終未能修成正果!最近,伍允龍上節目《星光路上》受訪時再度提及過往戀情,表示當時壓力非常大!

44歲伍允龍受訪時再度提及與鍾嘉欣嘅昔日情!Photo from 伍允龍IG

鍾嘉欣與伍允龍曾交往8年!

鍾嘉欣喺2004年參加選美比賽奪冠而正式入行,隨後開始拍攝電視劇,人氣急升,成為當年嘅當家花旦。而佢喺2007年因拍攝電影《十分愛》與伍允龍傳出緋聞,仲邀請男方做MV男主角;直到2013年男方去睇女方演唱會、參加生日派對等令地下情逐漸浮面,可惜喺2015年就傳出分手消息,有指二人對未來目標並唔一致,結束8年嘅戀情!

鍾嘉欣與伍允龍曾經交往8年!Photo from 鍾嘉欣IG

二人2007年拍攝電影《十分愛》傳出緋聞,不過直到2015年傳出分手消息

伍允龍受訪時再度提及昔日情

日前,伍允龍接受節目《星光路上》訪問再次提及過往同鍾嘉欣嘅一段情,指當時對於戀情曝光感到驚訝「嘩!同人拍拖都會上報紙咁搞笑嘅!」;佢表示當時大家都正值事業上升期,工作上嘅壓力難免對二人嘅感情有影響「對方要保護自己嘅事業,咁自己都明白,但我又冇嘢可以做,所以有啲無奈嘅。」

伍允龍表示與鍾嘉欣嘅戀情曝光時,的確令佢嚇咗一跳!Photo from 《星光路上》

不過外界嘅目光、發展地下情等都令二人嘅感情受到影響。Photo from 《星光路上》

自爆二人交往期間甚少外出

伍允龍更透露當年同鍾嘉欣好少出街拍拖,一方面為咗避免被大眾撞見,另一方面佢自己都唔鍾意出街「我係宅男啲嘅,我唔鍾意周圍去,寧願喺屋企睇電視、打機。」現時單身嘅佢表示渴望能夠搵到一個適合自己嘅伴侶,並且唔會因此而避免同圈內人拍拖,認為投契係最緊要!

伍允龍自爆當年同鍾嘉欣拍拖嘅時候甚少出街!Photo from 《星光路上》

過往因與女方事業發展差距大而失望

其實今年初伍允龍就首度開腔於大談昔日戀情,指當時因為與鍾嘉欣嘅事業發展有落差「嗰時佢好紅,我係nobody(無名小卒),我明嘅。」搞到壓力好大,經常被外界稱「XXX男友」、「茄喱啡」等。

伍允龍今年3月首度喺節目中提及過往同鍾嘉欣嘅戀情Photo from 《諸朋好友》

指大眾對佢嘅稱呼的確令佢感到受傷!Photo from 《諸朋好友》

坦承當年並不甘心!

同時,伍允龍表示明白女方因為事業需要低調處理感情事,明白對方壓力都好大。而佢坦承入行拍劇嘅其中一個原因係為咗向大眾證明自己嘅實力「係!嗰時我有啲唔忿氣。」希望能夠令觀眾刮目相看!

伍允龍亦坦承當時感到唔忿氣!Photo from 《諸朋好友》

所有後來佢選擇入行拍攝電視劇,希望藉此證明自己嘅實力Photo from 《諸朋好友》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel