download HolidaySmart 假期日常 app
東張西望|何太公開寸爆林作「腎容」有問題 林作自封「何太頭號公敵」反擊:係一個壞咗嘅人!

東張西望|何太公開寸爆林作「腎容」有問題 林作自封「何太頭號公敵」反擊:係一個壞咗嘅人!

生活熱話 娛樂新聞
By Macy Sun on 28 May 2024

東張西望何伯新何太事件持續近一個月,但話題熱度仍然未減,當中新何太更成為網上熱爆人物,連「抽水王」林作都聲稱要出100萬邀新何太開班教煲湯。不過過後林作就被新何太在直播上公開直斥「腎容(信用)」有問題而拒絕合作,而林作在出po直斥「何太含血噴人」後,昨晚(27日)又於IG開直播,爆粗鬧爆新何太!

《東張西望》何伯與新何太事件持續近一個月,但話題熱度仍然未減Photo from TVB圖片

當中新何太更成為網上熱爆人物Photo from 抖音

連「抽水王」林作都聲稱要出100萬邀新何太開班教煲湯Photo from 林作圖片

自新何太被揭發有抖音帳號「千語BB生活錄語」後,連日來都有積極更新,不但與網民玩你問我答,早前更突然與何伯合體直播,高峰時期引來數千人一同觀看!早前「抽水王」林作本來出手以100萬利誘新何太齊齊搞課程,但最後被新何太拒絕,而在當日直播上,新何太就公開直斥林作「腎容(信用)」有問題,「林作我唔想同佢合作,佢出嗰啲條件同講嗰啲嘢,完全唔係佢講嗰樣嘢,所以佢嘅『腎容』(信用)係有問題。」,激得林作當日出po直斥「何太含血噴人」。

新何太被揭發有抖音帳號「千語BB生活錄語」後,連日來都有積極更新Photo from 抖音

新何太早前更突然與何伯合體直播,高峰時期引來數千人一同觀看!Photo from 抖音

新何太就公開直斥林作「腎容(信用)」有問題Photo from 林作IG

激得林作當日出po直斥「何太含血噴人」。Photo from 林作IG

林作公開與新何太的對話Photo from 林作IG

林作公開與新何太的對話Photo from 林作IG

而雖然直播已過去兩天,但林作就似還未下氣,昨晚(27日)直接在IG開直播並留言說:「1. 所有商家千萬不要和何太合作;2. 本人除了是香港抽水王外,現增加一個稱號:何太頭號公敵。3. 何太是個唔識字、白卡、以及道德敗壞,污蔑他人的壞人。」而在片中,林作就直言要數臭新何太:「我絕對係同大家同仇敵愾,絕對同呢個何太係冇任何合作,亦都冇欣賞過呢個人,而家簡直係鄙視,我希望大家記得我係新何太頭號公敵!」

而雖然直播已過去兩天,但林作就似還未下氣Photo from 林作IG

林作更奉勸所有商家,千萬不要與何太合作:「唔好畀錢佢搵,更加唔好嘥時間同佢傾,呢個人係值得封鎖。佢係冇文化同絕對唔識字,小弟非常恭敬咁畀咗啲文字佢,兩秒鐘就話啲文字唔明,然後就覆番我啲模稜兩可嘅嘢拒絕,之後同個YouTuber扭曲我講嘅說話,並且指控我冇『腎容』,我諗佢係話我冇信用,仲話係騙局,呢個真係好過份。」林作又稱今次是在未正式談判下已經被拒絕:「open to提供好多唔同條款,但係佢都係唔傾,一知道唔係即刻有100萬之後,要做嘢架,x你個肺,妳以為妳嫁畀何伯之後,真係有幾球收?」

林作更奉勸所有商家,千萬不要與何太合作

其後林作越說越激動並指手劃腳地說:「呢個人呀,貪!剩係想呃呃𠱁𠱁攞完唔使做,呢啲係賤人,根本就非常過份嘅一個人。我真係俾佢激親,噚日走咗去睇佢嘅直播,講啲嘢誇張到不得了,飄飄然都不得了,係非常核突嘅表現,我覺得係令人髮指。」林作甚至揚言要與新何太反面:「敢作敢為,敢愛敢恨,你過我一棟,咁我要出嚟講番個事實。我唔想將自己同人哋嘅私下對話拎出講,但係佢不仁,我不義,佢屈話我冇信用,我都唔知乜嘢信用?我同佢只係傾緊,我係願意俾出一個非常高嘅底薪,無論如何佢都一定有收入,每位學員收450蚊睇佢煲湯,每個人嘅學費都會拆錢畀佢,一個當係百零蚊,一千個咪分十零蚊萬,一萬個就分百零萬。」

其後林作越說越激動並指手劃腳地說:「呢個人呀,貪!」Photo from 林作IG

林作續說:「佢竟然夠膽死話我呃佢,同人講話要有1萬個學生先有錢分,我幾時有講過呢啲說話?你唔可以扭曲我啲說話,一係你就唔識字,第二你就係特登屈我,亦即係話你話人有問題,直頭係一個壞咗嘅人。我哋都冇談過,只係話俾錢佢出嚟做騷,你以為唔使撈就有錢收?妳係咪真係以為嫁畀何伯之後可以有攞幾球?你x味呢個係乜嘢心態?直頭係過份!呢個人真係好有問題,所以我決心要數臭佢!」

林作:「呢個人真係好有問題,所以我決心要數臭佢!」Photo from 林作IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

何太爆何伯能力超強「一晚5次」!錫錫晒恩愛,一次直播賺X元

27 May 2024

憑《東張西望》成網絡紅人嘅何伯、何太突然喺抖音開直播,吸引了大量關注。直播中何太大方與何伯錫錫,大晒恩愛,佢仲大爆老公能力好強可以「一晚5次」!有網民估計何太呢個直播已為佢帶嚟逾萬元收益。

何伯、何太憑《東張西望》成網絡紅人Photo from TVB

何太抖音帳號「千語BB生活錄語」曝光後佢曾預告將於星期一孖老公何伯開直播,但星期日佢突然無預警喺抖音開直播,從背景嚟睇佢應該係喺餐廳用餐期間,「心血來潮」所以開直播與fans交流。

何太抖音帳號「千語BB生活錄語」曝光後佢曾預告將於星期一孖老公何伯開直播Photo from 抖音帳號「千語BB生活錄語」

星期日何太突然無預警喺抖音開直播,從背景嚟睇佢應該同何伯喺餐廳用餐Photo from 抖音帳號「千語BB生活錄語」

何太直播中可謂無所不談,一邊食嘢一邊講嘢,有網民直言佢「無文化」,又指佢將何伯$450萬攞到手就會走人。即使面對這些批評,何太依然我行我素,並表示佢同何伯感情非常深厚,無論何伯有無錢,佢都會陪伴他一生。

何太直播中可謂無所不談,一邊食嘢一邊講嘢Photo from 抖音帳號「千語BB生活錄語」

即使面對這些批評,何太依然我行我素,並表示佢同何伯感情非常深厚,無論何伯有無錢,佢都會陪伴他一生。 Photo from TVB

何太直播內容雖然多樣,但真正吸引觀眾嘅係佢直播帶貨嘅計劃,佢透露自己再開多一兩次直播就會正式開始帶貨。一心想做餐飲嘅佢表示自己如果攞返何伯嘅$450萬,佢一定會努力增值,更豪言目標係賺夠1萬億!大膽宣言令不少網民十分震驚。

何太直播內容雖然多樣,但真正吸引觀眾嘅係佢直播帶貨嘅計劃,佢透露自己再開多一兩次直播就會正式開始帶貨Photo from 抖音帳號「千語BB生活錄語」

何太表示自己如果攞返何伯嘅$450萬,佢一定會努力增值,更豪言目標係賺夠1萬億Photo from 抖音帳號「千語BB生活錄語」

何太於直播中多次深情表示就血無錢都唔會離開何伯,期間兩人更甜蜜嘴對嘴錫錫,同時,佢又提到想同何伯生BB,並自豪大爆:「佢(何伯)一晚5次!」掀起網民熱列討論!有網友認為已經76歲嘅何伯根本支撐唔到一晚5次,指何太為博關注「吹水」。

何太於直播中多次深情表示就血無錢都唔會離開何伯,期間兩人更甜蜜嘴對嘴錫錫Photo from 抖音帳號「千語BB生活錄語」

何太一臉自豪大爆:「佢(何伯)一晚5次!」仲話自己從來唔講大話Photo from 抖音帳號「千語BB生活錄語」

有網友唔信已經76歲嘅何伯做到「一晚5次」Photo from LIHKG

何太的一舉一動似乎都成為話題嘅中心,有人稱佢兩個鐘嘅直播已經賺過萬元,令唔少辛苦打工嘅網民感嘆自己勞累卻收入不高。有網友直言何太失去何伯$450萬存款後想通過直播帶貨搵錢,呼籲大家唔好喺佢嘅直播間買嘢,又指何太直播時宣傳自己《東張西望》嘅新訪問片段會喺星期二播出,根本就係利用人氣賺錢。

有人稱佢兩個鐘嘅直播已經賺過萬元Photo from Facebook群組「何伯&何伯老婆關注組」

何太直播時宣傳自己《東張西望》嘅新訪問片段會喺星期二播出Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel