download HolidaySmart 假期日常 app
郭晉安被揭將草姬股份轉予胞姐!與歐倩怡分居時間相近!

郭晉安被揭將草姬股份轉予胞姐!與歐倩怡分居時間相近!

娛樂新聞
By Jennifer on 29 May 2024
Digital Editor

今個月初,郭晉安同歐倩怡突然宣佈離婚,引起了不少人嘅關注。佢哋透露,兩人已經分居咗兩年,呢個消息令好多粉絲感到驚訝。近日郭晉安與胞姐郭致因創立嘅草姬集團向港交所(388)申請上市,揭郭晉安2022年就將股份轉讓胞姐,同與歐倩怡分居嘅時間差唔多,惹市場揣測。

月初,郭晉安同歐倩怡突然宣佈離婚,引起了不少人嘅關注。

郭晉安同歐倩怡結婚18年,婚後二人育有一子一女,但5月初兩人突然宣布離婚,更表示已經分開生活咗兩年。早年佢哋曾透露兩人陷入婚姻危機,但後來成功修補關係,可惜最後仍然離婚收場。

郭晉安同歐倩怡結婚18年,婚後二人育有一子一女

郭晉安同歐倩怡未有提及離婚嘅原因,因而引起唔少猜測,有指郭晉安曾持有9,000萬物業,包括西貢匡湖居、紅磡駿昇中心、旺角中僑商業大廈、太古城、荃運中心等。但全部都無加到老婆歐倩怡同一對仔女嘅名,當時歐倩怡稱怕麻煩,而唔加仔女名則係因為郭晉安認為自己離世前應應該要將賺到資產回饋社會,而歐倩怡都十分贊同。

有指郭晉安曾持有9,000萬物業,但全部都無加到老婆歐倩怡同一對仔女嘅名

當時歐倩怡稱怕麻煩,而唔加仔女名則係因為郭晉安認為自己離世前應應該要將賺到資產回饋社會,而歐倩怡都十分贊同。

近日郭晉安與姐姐郭致因於1999年創辦生產「草姬靈芝孢子」保健品及美容與護膚品嘅供應商草姬集團最近向港交所遞交上市申請,呢個舉動亦都吸引咗唔少投資者嘅眼球。其實早於2022年,郭晉安已經將持有股份轉讓畀佢胞姐郭致因,呢個決定當時並無引起太多注意。但依家回望,市場開始揣測呢個舉動可能係為咗離婚財產安排而做嘅準備。

近日郭晉安與姐姐郭致因於1999年創辦生產「草姬靈芝孢子」保健品及美容與護膚品嘅供應商草姬集團最近向港交所遞交上市申請

市場開始揣測呢個舉動可能係為咗離婚財產安排而做嘅準備。

草姬集團包括草姬國際、廣域人力資源及ZINO International三大業務板塊。依家郭晉安係公司嘅獨立非執行董事及品牌大使,而郭晉安亦有為品牌拍攝廣告做宣傳,每年總酬金達到$64萬元。

郭晉安係公司嘅獨立非執行董事及品牌大使,而郭晉安亦有為品牌拍攝廣告做宣傳,每年總酬金達到$64萬元。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

歐倩怡淡出幕前轉型做營養師!為家人/夢想重投職場 10月再進修讀埋碩士

25 Sep 2020

以《櫻桃小丸子》主題曲《問題天天都多》而為人熟悉嘅歌手藝人歐倩怡(Cindy),自 2006 年與郭晉安結婚後便淡出幕前,但其實佢除咗專心打理家庭外,佢仲好識利用時間進修營養學追夢!近日佢終於完成咗營養學嘅學士課程,正式成為一名專業營養師!

近年唔少藝人都選擇重返校園,繼早前朱千雪(Tracy)正式成為大律師投身法律界後,近日醫學界都有藝人加入喇!佢就係郭晉安嘅老婆歐倩怡呀!

近日醫學界都有藝人加入喇!佢就係郭晉安嘅老婆歐倩怡呀!Photo from 歐倩怡/IG

Cindy 結婚後已漸漸淡出幕前專心相夫教子,但不時都會擔任活動司儀同拍劇,但其實佢仲有進修營養學課程,近日佢就喺 IG 上傳咗佢 Final year project 嘅相指自己「Mission completion」。

Cindy 結婚後已漸漸淡出幕前專心相夫教子,但不時都會擔任活動司儀同拍劇Photo from 歐倩怡/IG

佢就喺 IG 上傳咗佢 Final year project 嘅相指自己「Mission completion」Photo from 歐倩怡/IG

現時已經正式成為專業營養師嘅佢亦已有轉型嘅打算,更開始以營養師身份成功接 job,為一間餐廳設計有營健康餐單。

現時歐倩怡已以營養師身份成功接 job,為一間餐廳設計有營健康餐單。Photo from 歐倩怡/IG

Photo from 歐倩怡/IG

不過 Cindy 並冇打算止步於此,事關佢已經計劃好喺嚟緊嘅 10 月就會再讀另一個相關碩士課程,繼續向自己嘅夢想前進。

歐倩怡已經計劃好喺嚟緊嘅 10 月就會再讀另一個相關碩士課程,繼續向自己嘅夢想前進。Photo from 歐倩怡/IG

唔知以後仲會唔會有機會喺銀幕前睇到佢演出呢?!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel