download HolidaySmart 假期日常 app
方皓玟被傳秘撻冼靖峰發生姐弟戀 年齡相差18歲 因上TVB 合唱撻著?!

方皓玟被傳秘撻冼靖峰發生姐弟戀 年齡相差18歲 因上TVB 合唱撻著?!

生活熱話 娛樂新聞
By Macy Sun on 30 May 2024

現年44歲方皓玟(小明)上月因上TVB音樂節目《J Music》而惹來爭議,當日小明就於節目中與現年26歲的冼靖峰(Archie)合唱《分手總約在雨天》,首次合作的兩人相當默契。然而昨日(29日)就有報道指出二人關係似乎非比尋常,節目過後亦有私約食飯,疑似發展相差18年的姐弟戀

方皓玟被傳秘撻冼靖峰發生姐弟戀Photo from 冼靖峰IG

方皓玟上月出席TVB音樂節目《J Music》,和「妙音龍子」冼靖峰(Archie)合唱《分手總約在雨天》因而認識。不過昨日(29日)就有消息傳出,指節目後方皓玟竟與Archie去約會,於尖沙嘴餐廳一起吃飯,疑似發展年齡相差18歲的「姊弟戀」。

方皓玟上月出席TVB音樂節目《J Music》,和「妙音龍子」冼靖峰(Archie)合唱Photo from 方皓玟

昨日(29日)就有消息傳出,指節目後方皓玟竟與Archie去約會Photo from 方皓玟

另外亦有網民發現Archie與方皓玟的互動相當頻繁,除了方皓玟有把與Archie合唱的部分分享在社交平台外,Archie亦有在方皓玟直播時留言:「一定會好好努力做好。」而近日Archie與方皓玟就一起去吃飯,雖然飯局上有其他朋友,但仍然被指二人關係非淺。

有網民發現Archie與方皓玟的互動相當頻繁Photo from 網上圖片

不過緋聞傳出後,方皓玟早前就在開直播時否認指:「食個飯比人傳緋聞。」至於Archie就回應傳媒指方皓玟是他很尊重的前輩,「因為音樂而成為好朋友」,而當日食飯亦有其他朋友,「就係咁」。

不過緋聞傳出後,方皓玟早前就在開直播時否認Photo from 方皓玟IG

據悉,方皓玟2021年宣布,與結婚4年的日籍丈夫安田慎吾(Shingo)離婚,二人育有一個兒子,但自此小明就再沒有傳出任何緋聞,一直專注音樂事業。至於冼靖峰就曾被傳與「聲夢」同期成員詹天文(Windy)拍拖,但後來兩人都沒有有就事件作回應,最後緋聞結果亦被不了了之。

方皓玟2021年宣布,與結婚4年的日籍丈夫安田慎吾(Shingo)離婚Photo from 方皓玟IG

冼靖峰就曾被傳與「聲夢」同期成員詹天文(Windy)拍拖Photo from 冼靖峰IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

冼靖峰不獲邀任張敬軒演唱會嘉賓,軒公寄語做好作品比做嘉賓更有意義

31 May 2022

張敬軒26場《張敬軒THE NEXT 20 演唱會》終於順利完結,最近就有傳嘉賓名單無邀請《聲夢傳奇》冼靖峰(Archie),令到對方嘅粉絲不滿!

張敬軒IG @hinscheungPhoto from 張敬軒IG @hinscheung

張敬軒嘅紅館個場受疫情影響令場次延期,近日終於完成補場,重開後軒公繼續邀請唔少新生代歌手做嘉賓。

JER IG @jeremylaousPhoto from JER IG @jeremylaous

有超強人氣Mirror成員嘅姜濤、Jer、Ian、女團COLLAR、張天賦MC、Tyson Yoshi,唱作人Gareth.T(湯令山)、陳蕾、吳林峰,樂隊ToNick、Dear Jane等,連未出道素人Arvin Tsans都係嘉賓之一。令到「今晚邊個做演唱會嘉賓」成為熱話!

陳蕾IG @pantherchanPhoto from 陳蕾IG @pantherchan

ToNick IG @tonick_officialPhoto from ToNick IG @tonick_official

而來自《聲夢傳奇》嘅學員冼靖峰不嬲都當張敬軒偶像,比賽時更被指由髮型、衣著外形甚至到唱腔都充滿張敬軒嘅影子。

有網民就整合咗話佢唔係似張敬軒,而係模仿張敬軒Photo from 網上討論區截圖

有冼靖峰嘅粉絲就不滿張敬軒邀請咁多樂壇新血,但係就無邀請佢!佢認為軒公明知冼靖峰係自己嘅粉絲,冼靖峰又被人攻擊,張敬軒作為前輩應該比機會佢,邀請佢做嘉賓,不過言詞間提到冼靖峰當時並非身處香港,又話有心一早邀請咗,似乎有啲矛盾。

聲夢傳奇通訊群組截圖Photo from 聲夢傳奇通訊群組截圖

係順利完結演唱會後張敬軒接受媒體訪問,記者提及點解無邀請冼靖峰,張敬軒話對方有搵佢,希望呢幾日嘅新聞唔會影響到佢,同時寄語冼靖峰都要加油,做多啲好作品比觀眾比起做嘉賓更有意義,可能將來會有合作機會,仲要磨練應對傳媒同同粉絲維繫。

張敬軒IG @hinscheungPhoto from 張敬軒IG @hinscheung

冼靖峰嘅個人粉絲群組入面嘅成員就強烈指責有人冒認係冼靖峰嘅粉絲,又話真正嘅粉絲係哂呢個群組,而係「睇聲夢時學會入群」口出狂言嘅根本唔係佢地嘅一份子,佢地根本無討論過呢件事,又係群組內呼籲大家做好份內事支持Archie就夠!

冼靖峰fans通訊群組截圖Photo from 冼靖峰fans通訊群組截圖

網上討論區嘅網民就話張敬軒回應得非常得體同厚道!不過網民又密切留意聲夢嘅非官方討論群組,發現有聲夢嘅支持者以小氣簿形式記低「呢兩年某些人如何對待聲夢」,發帖以騎呢組合四怪形容Error完全唔識得尊重人,又以黑面先生形容古天樂,最後仲以張公公形容軒公,覺得張敬軒嫌棄緊聲夢出身嘅人。網民話軒公一番寄語真係比埋聲夢同Archie嘅粉絲睇。

網上討論區截圖Photo from 網上討論區截圖

冼靖峰曾經參加《全民造星2》但成績一般,後來參加第一屆《聲夢傳奇》入圍最後5強,年初推出首支個人單曲《一個人的幸運》正式出道。但出席一個網上直播音樂會時失言,講咗一句「03年姐係沙士死剩種呀?」,引起大批網民反感。

Youtube截圖Photo from Youtube截圖

連搵過冼靖峰出席活動嘅電訊商都立刻割蓆,出聲明話佢只係出席過一次活動,並唔係品牌代言人!

3 網站截圖Photo from 3 網站截圖

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel