download HolidaySmart 假期日常 app
邊個話班戟只有梳乎厘?史上最強班戟登陸上環~焦糖燉蛋或招牌伯爵茶口味任君選擇!好味到番唔到轉頭~

邊個話班戟只有梳乎厘?史上最強班戟登陸上環~焦糖燉蛋或招牌伯爵茶口味任君選擇!好味到番唔到轉頭~

美食推介 新餐廳推薦
By 123testing on 20 Oct 2017

自問係cafe控嘅應該都知道上環個間3rd Space賣佢地招牌Earl Grey Pancake賣到出哂名~小編真係一試就愛上,唔介紹比大家唔得!而最近搬左址黎緊又會推出新產品,快啲拉埋朋友一齊去試下喇!

PresslogicPhoto from Presslogic
PresslogicPhoto from Presslogic

我覺得3rd Space出名真係因為佢地對每一份提供比客人嘅食物,由材料到整法都好講究~完全唔係得個樣!外型夠哂靚夠哂吸睛,仲要健康得黎好味!小編夠膽講句你唔黎真係會後悔的~
PresslogicPhoto from Presslogic

店內仲有好多打卡位,入面係以白色同木系傢私作主調,係真文青真日系嘅感覺啊~而且牆上仲有好多可愛嘅班戟插畫!真係好打卡able~而且仲有個戶外小area,牆上係巨型嘅錯覺藝術插畫,就咁坐係度影張相已經靚到喊!
PresslogicPhoto from Presslogic

PresslogicPhoto from Presslogic

首推加必試嘅當然係pancake!全部即叫即整,熱辣辣上枱嫁~等緊嘅同時,真係要忍受下陣超香嘅班戟香味不停湧出,真係聞到已經流哂口水!
除左招牌伯爵茶班戟($78)之外~
PresslogicPhoto from Presslogic

新出嘅有呢兩款:

焦糖布甸班戟配北海道牛奶雪糕 ($85)
有無焦糖布甸同好!!!!本身真係好鐘意個層薄薄嘅焦糖脆面~而佢就係班戟上面舖上滿滿嘅吉士醬同埋焦糖化左嘅香蕉~一食落口感真係好豐富!
PresslogicPhoto from Presslogic

而且果然係Pancake專家,小女子甘拜下風!班戟外層做到微脆口感,入面質感濕潤鬆軟有陣陣蛋香,真係好好味啊!上面再加左一球北海道牛奶雪糕,奶香味好重!配上班戟一齊食好夾嫁~食一啖真係體會到咩叫幸福嘅感覺啊!

巧克力軟心伯爵茶班戟配北海道牛奶雪糕 ($85)
感覺好似心太軟咁,一切開就有濃濃嘅軟心朱古力流出!本身小編唔係話太鍾意朱古力都對呢個班戟讚口不絕~本身好怕朱古力食落好膩,但因為佢地秘製左個朱古力醬,入面會滲出陣陣嘅伯爵茶香同橙酒香味,陣茶香令到朱古力食起黎濃而不膩,真係食唔停口啊!PresslogicPhoto from Presslogic

PresslogicPhoto from Presslogic

佢地對自家signature嘅伯爵茶真係好講究嫁!全部係老闆由德國專程運過黎,再不停嘗試組合唔同茶香而得出最後呢個咁無敵嘅伯爵茶系列~

呢個Earl Grey x Chocolate嘅系列係有埋呢款飲品~
凍伯爵茶朱古力 ($48)
我真係第一次感受到朱古力同伯爵茶嘅化學作用係咁有威力~底部嘅黑朱古力有甘香嘅味道,而慢慢滲出倡爵茶香,上面再有厚厚一層牛奶泡沫,飲落真係好香濃好味啊~濃濃朱古力真係岩哂黎緊冬天啊!PresslogicPhoto from Presslogic

鮮青瓜羅勒青檸梳打 ($46)
想飲得light少少嘅,可以叫呢款!用左青色嘅蔬果,飲落好舒服好清新~
PresslogicPhoto from Presslogic

自家鮮製迷佚香菠蘿果醬 Mocktail ($46)
係完全無落任何糖漿!只係用左自家製嘅菠蘿果醬,底部有超多細細菠蘿粒,飲落有啲咬口咁口感好豐富嫁!酸酸甜甜真係好解渴~
PresslogicPhoto from Presslogic

茅屋芝士日式蛋白奄列 ($110)
食開奄列都知其實成件事好邪惡,要用好多隻蛋~但為左想客人食得健康,佢地用上全蛋白去做呢個奄列。用人手發打至有少少梳乎厘嘅感覺!入面包住好多炒香左嘅蔬菜同埋蘑菇,食落超香口!有蛋香但又感覺比較清新同健康~食完都唔會話超飽,一定可以encore多個pancake!
PresslogicPhoto from Presslogic

醬煮豚腩茶漬飯配慢煮三文魚及漬物 ($165)
但如果真係想食啲飽肚啲嘅,亦大有選擇啊~一望用哂木製餐具真係覺得好日系啊~好岩同閨蜜一齊黎chill下食個飯!
唔好以為鹹食唔係招牌啊~慢煮左日本運黎嘅豚肉角煮再加上全日本米!係用足22轂類而煮成,所以係好健康嫁~豚肉脂肪分佈剛好唔會太油膩,而且醃得非常入味~
PresslogicPhoto from Presslogic

PresslogicPhoto from Presslogic

而茶漬飯嘅茶漬係秘製嫁,並非好似坊間用味素!係佢地親自用木魚同昆布熬製而成嘅!另外附上時令嘅蔬菜去做漬物,酸酸甜甜嘅感覺剛好減去豚肉嘅油膩感!
PresslogicPhoto from Presslogic

濃厚焙茶配北海道牛奶雪糕 ($55)
小編認為呢款甜品係相對pancake比較適合男士嘅甜品黎~所以想帶埋男朋友黎食都得啊!濃濃嘅焙茶係老闆親自去調配混合嫁,茶味非常香濃,但濃而不澀!再好似Affogato嘅食法咁淋上雪糕上面,用旁邊超香脆嘅曲奇點黎食,呢個配搭真係好match!
PresslogicPhoto from Presslogic

PresslogicPhoto from Presslogic

3rd Space
地址: 上環差館上街16號地舖(港鐵西營盤站 A1 出口,步行約7分鐘)
營業時間: 10:30-18:30
電話: 5791-7536

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel