download HolidaySmart 假期日常 app
萬聖節重溫港產鬼片~5套經典之作小心嚇到大笑!

萬聖節重溫港產鬼片~5套經典之作小心嚇到大笑!

時事熱話 生活熱話 電視電影 美食推介
By 123testing on 27 Oct 2017

再過幾日就係萬聖節,但今年Halloween撞正星期二,想約friend去蘭桂坊、主題樂園玩返晚,第二晚又要返工點會玩得盡興?不如喺屋企煲返三、四套鬼片當慶祝啦~ 推介五套港產喜劇鬼片,嚇完又笑過足癮!
1.《回魂夜》(1995年)

《回魂夜》電影截圖Photo from 《回魂夜》電影截圖

星爺嘅《回魂夜》絕對係喜劇鬼片嘅代表作。雖然當年票房未如理想,但仍然係周星馳深入民心嘅作品之一。細嗰陣電視機播親都會好驚,聽見「鄧櫈鄧櫈..」嘅音樂就唔敢睇... 但大個睇返就發現呢套戲係玩黑色幽默,多過賣弄血腥恐怖,而且笑位貫徹星爺無喱頭作風,「俄羅斯練膽大法」、「捉鬼用保鮮紙,打鬼用朱古力」cult得嚟好笑~ 就算廿幾年後翻睇都仲笑得出!

《回魂夜》電影截圖Photo from 《回魂夜》電影截圖

故事簡介:
一個香港公共屋邨內,已故居民李老太頭七之夜回魂,向兒子媳婦尋仇,幸得捉鬼大師Leon收服李老太鬼魂。誰知大廈保安隊意外發現李老太是被李生李太殺害!李氏夫婦為掩飾罪行,威迫隊長盧sir跳樓。Leon及女主角阿群趕到欲捉捕李氏夫婦,行動之際夫婦竟失足墮樓,而臨終前李太更揚言:回魂之夜,將會找眾人復仇!Leon於是向保安各人教授捉鬼秘技,人鬼對戰即將在回魂夜展開......

《回魂夜》電影截圖Photo from 《回魂夜》電影截圖

2.《我左眼見到鬼》(2002年)

《我左眼見到鬼》電影截圖Photo from 《我左眼見到鬼》電影截圖

鄭秀文及劉青雲主演、一套有笑有淚嘅電影。雖然戲入面都有鬼上身、午夜闖靈堂等鬼故元素,但成套戲幾乎冇咩驚嚇成份。故事主角何麗珠同王勁威一對人鬼冤家朝夕相對,由友誼發展出曖昧關係,當中笑料百出,亦有何麗珠回憶亡夫時候嘅感動位。但最催淚莫過於結局嘅15分鐘,所有情緒一下湧埋嚟~ 睇完套戲,你或者會對「放下」有更多體會。

《我左眼見到鬼》電影截圖Photo from 《我左眼見到鬼》電影截圖

故事簡介:
出生平凡的何麗珠,在外地認識一個年青富豪七天後便閃電結婚,但婚後丈夫卻隨即意外身亡。何承繼他的家產每天游手好閒,家姑、丈夫的未婚妻都認定她只是貪圖亡夫身家。但在一次交通意外後,何左眼自此能看見鬼魂,並與小學同學劉青雲的鬼魂相伴,直至他要投胎了,何才發現真相…….

《我左眼見到鬼》電影截圖Photo from 《我左眼見到鬼》電影截圖

3.《生化壽屍》 (1998年)

《生化壽屍》 電影截圖Photo from 《生化壽屍》 電影截圖

呢排人氣超勁嘅Jasper老豆陳小春以前都拍過唔少電影,《生化壽屍》係其中之一~香港以喪屍做主題嘅鬼片真係唔多,當中最有代表性嘅都係呢一套。電影以低成本製作,以商場「密室困獸鬥」做背景,簡單嘅設置加上「黑社會X喪屍」呢個咁玩味嘅故事,驚得嚟創意度好高。主角陳小春同李燦琛飾演嘅無敵同喪B,性格鮮明搶眼,唔知小小春Jasper大個之後,會唔會睇返爸爸嘅作品呢?

《生化壽屍》 電影截圖Photo from 《生化壽屍》 電影截圖

故事簡介:
無敵和喪B是在一棟商業大樓裡看顧VCD店的小混混。某天兩人奉大佬命令去取車,不料半路撞上帶著生化武器的黑幫。不知情的兩人便帶著受感染的飲料和黑幫份子回到大樓,誰知其生化武器能令人變成不懼刀槍、見人就咬的喪屍!被困的人究竟如何逃出生天?

《生化壽屍》 電影截圖Photo from 《生化壽屍》 電影截圖

4.《五個嚇鬼的少年》 (2002年)

《五個嚇鬼的少年》電影截圖Photo from 《五個嚇鬼的少年》電影截圖

如果話喪屍片罕見,咁以木乃伊做主題嘅港產片相信只有呢套!《生化壽屍》導演葉偉信成功製作另一部口啤不俗嘅喜劇鬼片,Shine天佑飾演嘅陸寶寶一直好討厭自己嘅家人,但因為一次意外被屍毒纏身,家人奮不顧身為佢對抗「木乃媽」,令反叛青年發現家人嘅愛先係最重要。「浪子回頭」嘅故事溝埋「打木乃伊」嘅惡搞情節,爆笑多過驚~ 小編覺得成套嘅亮點係飾演牧師嘅黃偉文!大家可以留意一下YY嘅演出~

《五個嚇鬼的少年》電影截圖Photo from 《五個嚇鬼的少年》電影截圖

故事簡介:
反叛青年陸寶寶一直很討厭自己的名字,也十分嫌棄家人老套不合時宜,與父母、弟弟感情疏理,為了不跟他們扯上關係,更私自改名陸天佑。天佑因被解僱而轉到一座古怪神秘大宅做看更,有一次帶好友阿南與新結識的女友到大屋參觀時,意外發現大屋內竟然放著一具古埃木乃伊。接著就發生一系列怪事...

《五個嚇鬼的少年》電影截圖Photo from 《五個嚇鬼的少年》電影截圖

5.《見鬼10》(2005年)

《見鬼10》電影截圖Photo from 《見鬼10》電影截圖

最後出場嘅呢一套,驚嚇程度係最高!建議細膽嘅朋友千祈唔好一個人睇。由彭氏兄弟執導(就知真係驚嚇保證),講一班唔識死嘅年青人膽粗粗試下泰國傳說十大見鬼方法,幕幕都睇到毛骨悚然,但套戲中間有好多gag位,嚇完又笑,尤其陳柏霖擔當搞笑角色,一路撞鬼一路放笑彈!其中一幕搞惡《見鬼》經典情節「小朋友搵成績表」,真係會大笑出聲!

《見鬼10》電影截圖Photo from 《見鬼10》電影截圖

故事簡介:
四名膽生毛香港學生:得仔、May、April、高輝在泰國朋友長貴帶領下遊歷泰國,五人晚上圍著講鬼故,但May不相信這些故事,於是長貴就拿出了他偶然取得的一本書《見鬼十法》,其餘四人就硬著頭皮開始遊戲,更逐漸有人成功與鬼魂接通。但遊戲一旦開始,誰也不能停止...

《見鬼10》電影截圖Photo from 《見鬼10》電影截圖

Text: Holiday editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編~謝謝~)

*本文章的圖片均經其本人或其公司授權,其他媒體不得轉載

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel