召喚所有喵星人～東京期間限定招財貓電車行駛注意！！真係超可愛啊～～

地鐵呢家野真係番工又搭、放工又搭，真係會搭到好麻木！而日本呢就經常會推出啲主題列車，真係會成架車都佈置成個個主題！小編真係好羨慕日本嘅鐵路公司可以咁創新，令到打工仔係沉悶嘅番放工途中搵到啲樂趣～

而今次我想召喚嘅係所有喵星人啊！東急鐵路今年就同左傳說係招財貓發源地嘅豪德寺聯承，開通左最新嘅招財貓列車啊～真係超可愛，係貓奴去東京必打卡之選～Photo from 東急電鐵

原來東急玉川線今年適逢開通嘅110週年！而為左紀念呢個咁歷史悠久嘅鐵路，就將玉川線（現改名為：世田谷線）「改裝」成為招財貓彩繪列車～招財貓造型超可愛！呢隻咁可愛嘅招財貓係以彩繪嘅方式登場！貓奴們，去日本真係一定留時間去搭下啊！
Photo from 東急電鐵Photo from 東急電鐵Photo from 東急電鐵

東急電鐵嘅沿線企劃課長平江良成仲話：「呢個110週年最主要係想感謝大家對東急電鐵嘅支持，希望日後大家都可以繼續乘搭可愛嘅電車。」真係恨死隔離啊～

呢條世田谷線其實係東急電鐵唯一一條仍然保留至今嘅路面軌道電車嘅路線。前身係東急玉川線，其實由1907年就關始為日本居民服務嫁喇～當地嘅居民多以「玉電」呢個簡稱黎叫呢條鐵路～

呢架車除左車身係印住深受日本人歡迎嘅招財貓，入面仲超級有心思好特別嫁！Photo from 東急電鐵

於車內嘅扶手都係超得意嘅招財貓造型！而車廂嘅地板更加係貼左粉紅色超搶眼嘅貓腳印，唔知係咪有招財貓到訪過呢～Photo from 東急電鐵

Photo from 東急電鐵

Photo from 東急電鐵

今次同東急電鐵合作嘅豪德寺，其實就係係世田谷線宮之坂站嘅附近～日本人深信招財貓係有招財招福嘅能力～所以好多日本人無論男女老幼，都好鍾意呢次呢個合作！仲有人認為如果搭到個日嘅財運一定會好好喇！

除此之外，佢地仲推出左個企畫～有養開貓貓又或者儲埋好多貓貓相嘅朋友將佢地投稿，咁就會得到一張「招財貓認證」，仲可以用智能電話下載留為紀念～真係超有心思啊！Photo from 東急電鐵

咁岩去日本嘅朋友一定要留意下啊～

招財貓彩繪電車
運行時間：2017年9月25日～2018年3月（暫定）
運行路線：東急電鐵世田谷線（三軒茶屋站～下高井戸站)

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載