《生活大爆炸》十週年！小編推介必睇美國喜劇～角色介紹！

The Big Bang Theory係美國最成功亦都最受歡迎嘅情景喜劇～目前亦都出到第11季～
由第一季到依家已經播左十年啦～
《Forbes》2016年公佈左全球最高薪電視劇男星榜～頭5位有4個都係The Big Bang Theory嘅演員～
平均每位主要演員都收百萬美金一集，可見呢套劇有幾勁呀～
而呢套劇嘅故事性都唔太重～所以求其睇一集都可以入場～劇情都比較簡單～

故事圍繞四位好叻嘅宅男天才嘅生活同工作活動，而兩位主角Sheldon同Leonard係室友，但有一日佢地對面突然黎左一位靚女做鄰居～就係咁佢地就形成左好大嘅衝突～
等我介紹下幾位主要角色啦！

Sheldon Copper
全劇最突出嘅人物，宅男Sheldon係有社交障礙同強迫症，亦都不善同人溝通，但同時亦都係一位智商183嘅天才～所以就鬧出好多笑話～
例如佢無辦法係陌生地方就座，所以每次去到一個環境佢搵座位都搵好耐～同埋佢講唔到大話，每次佢講大話嘅時候佢就會面容扭曲～十分搞笑～
最神奇係佢竟然都識左個宅女做女朋友！係第十季仲求左婚添～想睇就要追啦～
而Sheldon Copper呢個角色實在太受歡迎～所以仲推出左衍生劇集《Young Sheldon》～

Leonard Hofstadter

宅男Leonard係Sheldon嘅室友～亦都係一位博士～平時主要係照顧Sheldon嘅角色～但又成日比Sheldon搞到好激氣～
佢同時亦都中意對面鄰居嘅Penny～所以佢追求Penny嘅時候亦都鬧出唔少笑話～

Penny

另一個看點就係由Kaley Cuoco飾演嘅靚女鄰居Penny，Penny係一個無知嘅女仔，
成日發夢想做演員，成日都聽唔明Sheldon同Leonard嘅科學笑話，所以成日都雞同鴨講～
而Kaley Cuoco亦都因為呢個角色，成為2016年最高收入美劇女演員第二名～

Howard Wolowitz

Howard係4位男主角唯一一位無博士學位既角色～所以令到佢成日比幾位主角取笑，而佢亦都係一位猶太人，所以文化衝突亦都形成不少笑話～

Rajesh Koothrappali

Raj係一位印度人，美國嘅電視劇都比較開放，所以佢地成日都講唔少種族笑話～
除此之外，佢無辦法可以同女性直接對話（故事後期可以直接同女性對話），除非佢飲左酒～但佢又好想識女仔，所以整個故事令好多粉絲一直關注既就係究竟佢最後會唔會識到女朋友呢～？

第11季重有好驚人既發展～未睇就快啲去睇啦～～

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載