多男一女劇情偶像劇大推介！日韓台都有～愛FF必睇～

放假係屋企當然要煲劇啦～小編最中意係長假期煲一啲多男追女主角嘅偶像劇～咁就滿足自己FF嘅慾望～！
而呢種多男追一女嘅劇情就叫「逆後宮」，係少女漫畫入面係好常見嘅劇情～所以唔少漫畫改篇嘅偶像劇都好Hit！
簡單啲黎講全世界都中意女主角咁滯呀～～
煲劇無數嘅小編今次就介紹幾套比大家睇下啦～

《流星花園》

相信呢套都無乜邊個未睇過啦～劇情都唔洗我多介紹～簡直係逆後宮嘅始祖呀！
而小編已經睇曬日韓台陸版～
外國唔少地方都有翻拍呢條橋～可見有幾受歡迎呀～
而新版嘅《流星花園》目前亦都拍攝當中～會由內地女星沈月出演女主角杉菜～不過小編就中意專心留意F4多啲！
你地又最中意邊個版本呢？小編自己就私心中意韓版～因為場景同人物設定都好唯美呀～～～

《花樣少年少女》

由日本漫畫《偷偷愛著你》改編嘅《花樣少年少女》係講女主角女扮男裝混入男校嘅事，真係N男一女～
當年台版都HIT爆中港台呀～
呢個劇本係日韓台陸都拍過，而日本更加係已經拍左兩次！一套係06年堀北真希主演，另一套係由前AKB48成員前田敦子主演嘅～
小編始終都係中意堀北真希嘅版本～比較接近原著同埋各個演員嘅演技都唔錯呀～

《原來是美男》

又係女扮男裝嘅橋段！故事講女主角女扮男裝加入人氣男子團體「A.N.JELL」，同居生活令三位靚仔成員都中意左女主角！
咁夢幻嘅劇情真係令小編睇到如痴如醉！男主角張根碩真係男子氣慨大爆發呀～
呢套係韓國原創嘅電視劇～首播後人氣急升！
已經紅到日本同台灣都有翻拍過～不過小編最中意斬係韓國版～

《櫻蘭高校男公關部》

呢套由日本漫畫改編嘅《櫻蘭高校男公關部》目前得日本有拍成真人版～
但動畫同漫畫都取得好高人氣！真人版係由日本男星山本裕典擔任男主角～
故事亦都係講女主角被誤會係男仔加入左貴族學校嘅男公關部～令到好多男公關部嘅成員都愛上佢～
睇黎女扮男裝呢條橋都好受落呀～～

唔知你地又有冇更多「逆後宮」電視劇推介呢？歡迎你地話比小編知啊～等小編Update下自己個List！

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載