冬天就是吃煲仔飯的節奏～飯焦Guarantee！海量芝士邪惡暖笠笠！最新推出超級惹味四川麻辣肉餅～傳統與新式煲仔飯之對決！

雖然一年365日都係有食嘅理由～但一到冬天就會有想食煲仔飯嘅念頭！一諗起係呢個凍冰冰嘅天氣可以麻麻甩甩衝入一間茶記食番個熱到出煙嘅煲仔飯，再順手食埋底下個啲金黃色的飯焦真係夫復何求呢～～～～

Photo from Presslogic

Photo from Presslogic

今次為大家介紹小編拍心口推介嘅榮記茶餐室，地道嘅程度係附近街坊都一定食過嫁～佢已經係屹立係慈雲山足足20年以上～煲仔飯就足足推左7年，每年老闆都會研發2～3款新嘅煲仔飯！真係創意十足～～要食傳統嘅煲仔飯又有，想食啲新式特別少少嘅都有～
Photo from Presslogic
Photo from Presslogic

Photo from Presslogic

芝士煲仔飯你又有無試過！呢個邪惡芝士煲仔飯 ($68)食完真係包你暖到入心啊！
係煲仔飯上面加上海量嘅水牛同車打芝士，煲到半溶嘅狀態，個拉芝程度我真係要比120分！除左芝士，仲可以揀入面要咩配料，包括有雞肉、餐肉同牛肉！小編就認為既然邪惡就邪惡到底吧～餐肉好似係最惹味亦係最夾嘅選擇～煲仔飯上面仲有煎到脆身嘅條條煙肉絲舖係面頭，再加隻窩蛋！Photo from Presslogic

入面仲有粟米同洋蔥，又有咬口又昇華左個陣香味！

你會話芝士同傳統煲仔飯點會夾啊，搞到咁濕潤我啲飯焦呢？！小編話你聽呢個煲仔飯飯底都有飯焦！但相對地會係煙韌帶脆口感較重～而勢估唔到係撈埋芝士竟然係咁香咁好味～係想不出嘅夾啊！包你飽肚又暖胃～不過小編強烈建議要同朋友仔一齊食啊，海量嘅芝士威力強大，相比起其他煲仔飯會容易滯～Photo from Presslogic

仲有金牌必叫流浮山金蠔拼蝦乾煲仔飯 ($128)
蠔豉就真係用左著名蠔區流浮山而黎嘅金蠔～金色就講唔上，但隻隻都肥大飽滿，肚仔夠哂脹卜卜嫁～一打開個蓋就聞到個金蠔同蝦乾嘅鮮香，陣香味真係湧到出黎嫁！Photo from Presslogic

試問世間上你有幾可食到咁大條嘅蝦乾，每一條都煎到香氣撲鼻，有咬口之餘陣陣鮮香係口入面不停翻滾！再加埋個秘製嘅甜豉油～食哂一煲真係零難度！
Photo from Presslogic
Photo from Presslogic

火焰玫瑰肥牛煲仔飯 ($128)
呢個用左遠近馳名嘅九龍城李輝記牛頸脊舖成玫瑰嘅形狀，再加酒點火～嘩好大陣象啊！除此之外，個玫瑰都唔係得個樣～個酒正正就係玫瑰露冧酒，食落陣酒味係會滲出陣陣花香～牛頸脊食落超嫩滑而帶牛肉應有嘅咬口口感！
Photo from Presslogic
Photo from Presslogic

四川麻辣肉餅煲仔飯 ($88)
呢個就係老闆新研發嘅其中一款！嗜辣如命嘅朋友真係千祈千祈唔可以錯過啊～個四川麻辣辣勁十足，咬開個肉餅香口惹味，唔會死麻死辣！
肉餅蒸得唔會過熟太韌～保流到個肉汁，呢個真係好推介啊！小編食到停唔到口～係會想不停追嘅辣！
Photo from Presslogic

Photo from Presslogic

老闆真係唔怕貨比貨，出面好多煲仔飯其實都做唔到個飯焦～小編亦經歷過無數被騙嘅經歷，滿懷歡喜食哂成煲飯然後挖到最後都係濕立立嘅飯粒嗚！呢度有佢地嘅秘密武器，過程就當然唔可以透露，但會化飯粒為神奇嘅金黃飯焦！真係好香好脆口～食到最後就係為左佢！會唔會太幸福～Photo from Presslogic

榮記茶餐室
地址：慈雲山毓華里12號地下A-B舖
電話：23289232

營業時間：
星期一至六 06:30-21:30
星期日及公眾假期 06:30-17:30

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載