靚到令人忘記呼吸～白色點綴夢幻溫泉街！就係山形銀山溫泉！

小編細細個就睇過『阿信的故事』，個陣除咗喊到七彩之外，最令小編印象深刻嘅，就係故事背景銀山溫泉。小編今日嚟到故事中嘅拍攝場地啦，真係感動到想喊啊～～～

Photo from PressLogic

銀山溫泉最出名嘅景色，就係冬季來臨之際，東北地區嘅地面覆蓋上層層嘅白雪，點綴住古老嘅溫泉街區！小編一到步，就落好大雪～真係好lucky啊～因為一落雪，成個景會更加靚～（可惜係夜晚景色！）

Photo from PressLogic

昏黃嘅煤氣燈映照著川流兩岸，形成好夢幻嘅畫面～呢度嘅街燈直至到依加，都係用煤架！

Photo from PressLogic

一眼望過去，成排3、4層樓木結構嘅旅館，氣氛十分寧靜，小編感覺就好似突然進入咗童話世界咁啊～

Photo from PressLogic

話說呢度係1456年就被人發現，後嚟因為好多人湧入採集銀礦而繁盛。所以，係江戶時代初期，呢度就有「延澤銀山」稱號，亦都係當時日本嘅三大銀山之一。

Photo from PressLogic

後來銀礦產業沒落，銀山嘅人口急遽減少，旅店亦逐漸關閉。直到昭和初期，挖掘到溫泉源頭嘅泉水，先再一次令銀山以溫泉之鄉聞名，依加更加係日本嘅溫泉聖地之一！

可惜小編當時逗留嘅時間太短，只可以係路邊浸吓對手仔，熱吓身體 （免費架！）。如果唔係，小編都好想係度住番一晚啊！

Photo from PressLogic

呢度俾小編嘅感覺，就好似去到奧地利嘅Hallstatt咁 （縮細版），不過已經好靚，令小編好著迷！如果係日頭嚟，一定會更加靚啊！

Photo from PressLogic

不過，小編提提大家，要入嚟銀山溫泉都幾遠架！

1）係東京出發：山形新幹線直接到JR大石田車站約 3 小時 20 分鐘，再轉巴士進去銀山溫泉約40分鐘。

2）係仙台出發：搭仙石線到山形或羽前千歲，搭山形新幹線或JR奧羽本線，到JR大石田車站，再轉巴士進去銀山溫泉。

3）係山形出發：搭山形新幹線或JR奧羽本線到JR大石田車站，再轉巴士進去銀山溫泉。

不過大石田站出發嘅公車班次就唔多，所以要去之前，就得check定好班次啦！

一場嚟到～梗係唔少得打卡影多幾張相啦！就算係夜晚，小編都要幫同行靚女友人影好多靚相～個view同個feel都好正！
Photo from PressLogic

導遊仲同小編講，呢度令一年都好多亞洲遊客嚟添啊～第一名就係台灣！香港都好多backpackers嚟呀～你係咪其中一個？

銀山溫泉以及老街

地址：山形縣尾花沢市銀山新畑（Map code：720 829 878*84）
旅館數目：12棟
泉溫：63.8度
味：硫化氫味道
溫泉水質：鈉、氯化物、硫磺、硫酸鹽溫泉
治癒疾病：慢性皮膚病，慢性婦科病，高血壓，神經痛

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載