2017年年尾有好多套劇集極具人氣,日韓美陸都有代表

2017年年尾有好多套劇集極具人氣,日韓美陸都有代表

時事熱話 生活熱話
By123testing on 29 Dec 2017

除夕夜各位安排好曬活動未呢?今年小編想匿喺屋企同家人安安靜靜咁度過,一齊煲下劇~~小編幫大家嚴選咗幾套年尾好hit又啱啱好播完嘅劇集,等大家可以一氣呵成睇曬佢!

少女心之選:《致我們單純的小美好》

騰訊
Photo from 騰訊

主演:胡一天,沈月
集數:23集

騰訊
Photo from 騰訊

被譽為係大陸版《惡作劇之吻》嘅《致我們單純的小美好》成功捧紅咗兩位主角,身高有188cm嘅胡一天更加榮升新一代小鮮肉~故事講述女主角陳小希中學時期已經單戀男主角江辰,小希想盡辦法超主動兼熱烈追求萬人迷江辰,可惜cool到爆嘅江辰一次又一次咁超直接當面決絕對方。不過小希嘅字典沒有放棄,當然最後梗係多得「美男」歸,之但係畢業之後佢哋又分開咗,故事就繼續講佢哋點樣分開又重聚。

騰訊
Photo from 騰訊

雖然劇情都係嗰幾款,兩位主角產生嘅28cm最萌身高差,加上女主角不屈不撓嘅勇氣,令觀眾睇得好肉緊,後尾cool到爆嘅江辰對追番小希嘅堅持亦都電暈好多女觀眾,有網民更加將江辰呷醋嘅片段一次過剪輯埋一齊,條片仲hit到上熱搜榜!

 

勵志之選:《陸王》

TBS
Photo from TBS

主演:役所廣司,山崎賢人,竹內涼真
集數:10集


《陸王》男主角雖然係中年演技派役所廣司,但劇集意外捧紅兩位年輕演員山崎賢人同竹內涼真~劇集講述百年老字號足袋生產廠家「小鉤屋」因近年業績低迷,導致資金週轉不靈。足袋係日本傳統鞋履會着嘅襪,隨住時代變遷銷量逐漸下降,為咗扭轉局勢,社長宮澤紘一決定利用自家優勢去開發新產品-跑鞋「陸王」,並且將佢交畀馬拉松選手、竹內涼真飾演嘅茂木裕人着去參加比賽,成個故事就係講一個小店點樣一步一步克服困難,闖出一片天~

TBS
Photo from TBS

劇集裡面每一個角色都經歷過挫折,但大家都團結一致一齊面對問題,就算面對國際品牌嘅挑戰一樣勇於面對,役所廣司老練嘅演技帶觀眾投入其中,呢套劇成功安慰到唔少工作壓力大嘅日本人!
 

輕鬆之選:《Borg Mom》

MBC
Photo from MBC

廣告
廣告

主演:梁東根,朴韓星
集數:12集

MBC
Photo from MBC

大時大節大家最鍾意睇D喜劇,唔使諗咁多笑一餐就算,呢套劇就啱曬啦~故事講述梁東根飾演嘅天才科學家崔高峰為咗年紀細細嘅仔研發咗一部人工智能機械人,個機械人同死咗嘅媽媽朴韓星一模一樣,崔高峰希望用呢部機械人可以擔任媽媽嘅職責,點知仔仔新學校嘅其中一位家長,係好憎朴韓星嘅Ivy,Ivy唔抵得對方咁幸福,所以諗盡辦法要落朴韓星面,結果爆出唔少笑料!

MBC
Photo from MBC

呢套劇開頭大家都唔睇好,因為故事架構真係好簡單,但就因為咁大家反而覺得好新鮮、好耐冇睇過D唔駛諗嘅劇集,而且笑點都好原始~最大關注點係平時成日畀人批評演技差嘅朴韓星今次飾演機械人,大家都好意外佢可以演得咁似!

 

犯罪查案之選:《Mind Hunter》

Netflix
Photo from Netflix

主演:Jonathan Groff,Holt McCallany,Anna Torv
集數:10集

Netflix
Photo from Netflix

鍾意睇《紙牌屋》嘅觀眾一定對導演David Andrew Leo Fincher有所認識,呢套劇係佢同演員Charlize Theron共同製作嘅劇集。故事改編自著名FBI探員John Douglas的回憶錄小說,講述喺冇連環殺手嘅年代,擔任人質談判專家的FBI特別探員Holden Ford(Jonathan Groff飾)發現到呢D犯罪者同普通犯罪者嘅差別,繼而同其他探員開始探索呢D罪犯嘅背景同心理,從而開發一套新嘅查案方式。

Netflix
Photo from Netflix

同一般犯罪美劇唔同,呢套劇著着重心理犯罪,所以比較少視覺上嘅刺激,但睇住主角漸漸走火入魔,法律界線模糊,令觀眾更加「上癮」,佢最引人入勝嘅位,係探員同罪犯嘅對話,字裏行間點樣滲出犯罪者扭曲嘅心態,劇集最後都留低問號畀觀眾思考,當然都係留埋伏線拍第二季啦~

 

Text: Holiday editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編~謝謝~)

*本文章的圖片均經其本人或其公司授權,其他媒體不得轉載

Share to Facebook