download HolidaySmart 假期日常 app
出走治安較差嘅國家點算?教你安全10式 懶人包!

出走治安較差嘅國家點算?教你安全10式 懶人包!

旅遊攻略
By 123testing on 04 Jan 2018

旅行除咗玩得開心之外,最重要嘅都係安全,一啲港人成日去嘅地方好似日本、台灣、韓國等地區治安都唔錯,不過如果真係要出走一啲比較差治安嘅地方,好似歐洲咁有啲咩需要留意呢?

好多歐洲國家例如西班牙係旅客的旅遊天堂,但係扒手問題嚴重。

PinterestPhoto from Pinterest

1.留意行程

最重要同第一樣就係熟悉行程喇,即使你幾熱愛自由行,甚至「迷路嘅感覺」,都要清楚知道自己嘅行程,想去邊到、大概嘅時間、可以搭咩交通工具,咁樣就算迷路都冇咁危險,知道自己大概位置。

PinterestPhoto from Pinterest

2.記得買保險

第二樣當然係保險啦!即使而家網上買保險都好方便,但仍然有唔少人懶得買甚至慳返筆,不過去治安差嘅國家就唔得喇!

3.結伴旅行

然後就係搵旅伴,搵一啲對當地較有認識或者可靠嘅朋友一齊去會比較安全,可以互相照應。但如果你真係想獨遊嘅話,需要知道自己會唔會應付到,或者先從治安較好嘅旅遊點先開始。

PinterestPhoto from Pinterest

4.抄低應急電話

出發前,大家最好預輸入當地嘅應急電話以便不時之需,例如當地大使館電話緊急求助熱線,萬一發生意外都知道可以搵咩人幫手。

PinterestPhoto from Pinterest

5.預先下載當地Apps

宜家科技發達,每個國家都會有唔同apps可以幫到大家快速瀏覽相關資訊,預先下載一啲當地交通、天氣、地圖apps就更加方便,盡量唔好手執地圖搵路,好容成為賊人嘅目標架!

6.使用貼身小包

攜帶財物同證件方面,建議將最重要嘅財物放入一個非常貼身嘅袋或腰包上面,同埋扣喺身前,自己容易察覺,賊人都好難偷到。

PinterestPhoto from Pinterest

7.分散擺錢

管理錢財方面亦都應該分兩至三個地方分散擺錢,行李箱擺一部分,錢包擺一部分或專擺散紙,一部分擺喺上面講嘅貼身小包,如果真係比人偷錢都唔會一次過偷晒你嘅所有財物。

8.用鎖扣扣起背包拉鏈

如果出外面行街需要帶背包嘅話,就要格外留意同提神身邊嘅陌生人,將背包咩喺身前,甚至為拉鏈扣上扣針或者行山扣,賊人都會捨易取難。

PinterestPhoto from Pinterest

9.穿著簡單

穿著方面都好重要,以樸素為主,購物之後就盡快帶返酒店,唔好令人感覺你身上有好多財物,甚至可以扮個「頹廢look」都可以架。

10.特別注意某啲當地人

最後就要靠自己提高警覺心,夜晚唔好去治安差嘅區域,出外嘅時候注意行蹤詭異或一直觀察你的可疑人,或者一啲無端端貼近你身後嘅人。另外到達一啲觀光點,經常會有騙錢黨,小心街頭表演或者主動比禮物你嘅人,佢地好多時會事後問你收錢。

PinterestPhoto from Pinterest

 

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

*本文章的圖片均經其本人或其公司授權,其他媒體不得轉載

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

旅遊攻略