少女心大爆發～歐陸風彩色小屋！文青影相必到！

平時係市區街道、商場打卡打得多，想去遠D又唔想搭勁耐車或者船先去到，咁可以去邊？其實石澳係一個唔錯嘅選擇，雖然地方唔係好大，但絕對足夠你週末去影半日啦！

石澳一向以廣闊同風景怡人嘅泳灘聞名，但其實歐陸風彩色小屋同藍色情人橋先係重點，有好多電視劇電影都專登黎依度取景，就好似早前劇集《踩過界》Yanice同盲俠有唔少甜蜜場景都係係石澳取景。今次就等小編帶大家逐個捉啦！

Photo from Presslogic
1. 彩色小屋

沿著石澳村路直走，就會見到一幢幢彩色屋，好多幢外牆都整得特別色彩鮮艷，好值得停低落黎影相，有唔少結婚新人都係度影pre-wedding相架。
Photo from Presslogic

顏色突出之餘，有唔少屋前都有屋主精心佈置嘅屋前花，更添異國風情。又或者可以去石屋前影，更有歐洲古城嘅感覺。
Photo from Presslogic

2. 西式舊建築物
Photo from Presslogic

Photo from Presslogic

唔好以為冇咩特別，依度其實係星爺最經典代表作《喜劇之王》嘅主要取景地，係石澳巴士總站落車後反方向徒步約一分鐘，就可以見到「石澳健康院」牌坊，而石澳健康院就係影片中嘅街坊福利會。依棵樹就係星爺係戲內逼咚張柏芝嘅地方。
Photo from Presslogic
Photo from Presslogic

而依條海邊人行道同小酒吧，亦係電影入面最動人嘅劇情發生地。係依條路上，尹天仇對住柳飄飄大喊：「我養你啊！」
Photo from Presslogic

3. 藍色情人橋
依條藍色橋非常出名，坊間嘅解說因為橋嘅寬度只夠兩個人走過，所以將橋浪漫化名為「情人橋」，係就是我今天到大頭洲要尋找的「情人橋」，依度人唔多，岩晒大家不停影相。
Photo from Presslogic

建議大家可以坐低影，唔會將橋影到直落咁，反而會影到呈X狀，較為特別；亦可以傾向一邊，構圖會更靚。
Photo from Presslogic

4. 石澳正灘
走過石澳村，就會黎到石澳沙灘，依度水清沙幼，而且設備完善，仲有燒烤場，所以每逢假期都好熱鬧多。
Photo from Presslogic

係最近溫度舒適又有藍天嘅情況下，黎打打卡就岩晒啦。
Photo from Presslogic

5. 石澳後灘
頭先介紹嘅西式舊建築物前面就係石澳後灘，比起正灘，後灘比較少人，又寧靜，更加岩打卡同坐低靜靜咁休息下。
Photo from Presslogic

就好似《踩過界》Yanice同盲俠都係度拍拖、相遇添！
Photo from Presslogic

而且黎石澳嘅交通非常方便，大家只要搭地鐵去到筲箕灣站，再去A出口巴士總站搭新巴9號或者係峻峰花園小巴總站搭小巴，唔洗30分鐘，就可以直達石澳。係石澳總站落車，再沿住旁邊石澳村馬路行入去就係石澳啦。

石澳
交通：1.筲箕灣地鐵站A出口搭新巴9號巴士，約隔15分鐘由筲箕灣巴士總站開出，石澳為總站，車程約半小時
2.筲箕灣地鐵站A出口，係峻峰花園小巴總站搭小巴

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載