大熱王浩信／馬國明邊個會成功奪視帝？邊套劇係大贏家？

今晚TVB舉行一年一度萬千星輝頒獎禮，今年競爭好激烈，好多個獎項都好平均，大熱都唔只一個，真係好難揀呀，唔知以下嘅頭5又係唔係你地心水呢？

Photo from TVB
講到最佳劇集，不得不提《溏心風暴3》同《誇世代》，今年無線為左得依兩套劇集播完，等到2018年1月先舉行萬千星輝頒獎禮，真係唔好話機會唔大。不過網民似乎就唔係咁睇，佢地嘅頭5反而係《降魔的》、《使徒行者2》、《踩過界》、《不懂撒嬌的女人》、《同盟》。
Photo from TVB

最佳男主角，今年呼聲最高當然係《踩過界》王浩信，TVB力捧之餘，又先係《星和無綫電視大獎2017》攞左視帝。
Photo from TVB

而《降魔的》馬國明本身冇咩期望，但播出後反被網民捧紅。而《使徒行者2》三哥苗僑偉，論資歷都好有份量奪視帝，加上又係《TVB馬來西亞星光薈萃頒獎典禮2017》先聲奪人，機會都好大。仲有《誇世代》陳豪同《同盟》陳展鵬同樣係黑馬。
Photo from TVB

Photo from TVB
相反今年最佳女主角，就表現好平均，冇話邊個特別有視后相，暫時以《不懂撒嬌的女人》嘅宣萱、唐詩詠、《溏心風暴3》李司棋比較呼聲高，不過《使徒行者2》黃翠如同《誇世代》李佳芯同樣唔可以睇少。
Photo from TVB

Photo from TVB
去到男女配角方面，今年可以話叮噹馬頭。男配角以走勢黎睇，係《星和無綫》、《馬來西亞星光薈萃》已奪獎嘅《踩過界》張振朗同《同盟》陳山聰機會較大，不過同樣存在唔少黑馬，包括《不懂撒嬌的女人》黎諾懿、《降魔的》何遠東同胡鴻鈞。
Photo from TVB

Photo from TVB
女配角方面，有後起大熱《愛．回家之開心速遞》林淑敏，今晚好多網民都力棒大小姐，可惜配角係由TVB評委會加全台職藝員選出，網民想力撐就有D難啦！相反其他大熱都係花旦，機會可能仲大，包括《不懂撒嬌的女人》高海寧、《同盟》姚子羚、《誇世代》龔嘉欣同埋《溏心風暴3》陳敏之。
Photo from TVB

唔知你鍾意嘅視帝視后又係邊個呢？不如留言講下啦！

Text: Holiday editorial

Photo Source: TVB

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載