想當年 那些轟動一時的韓劇sss 你唔係無睇過啊嘛？

話說小編覺得煲劇係一個輪迴來的，由洗洗個撈TVB電視劇汁送飯，到日劇同台劇嘅興起，再進化到韓流強烈襲港，全港市民都中韓毒，到依家小編又睇返港劇～諗返前幾年韓劇喺香港有幾hit，嗰個程度係一出街就聽到有人討論近排最hit嘅一套，唔睇無朋友㗎！

大長今（2003-2004）

Photo from Pinterest

小編小學時期，一出街就聽到「看風箏飛多遠未斷～線...」，連上音樂堂吹牧童笛都要吹呢首《希望》by陳慧琳，問你死未！套劇係以朝鮮時期嘅一名醫女「長今」作為主題，發展成虛構嘅故事。

Photo from Pinterest

小數古代韓劇會咁紅，當時未開始煲港劇以外嘅劇嘅小編都識，你話幾勁。成日見啲小朋友扮長今㗎～

原來是美男啊（2009）

Photo from Pinterest

女扮男裝，小編細細個睇花木蘭都睇過喇～不過呢套就唔同嘅～話說受盡身邊男士們愛戴嘅女仔呢啲劇情係好common唔意外喇，但係通常呢啲劇情都係講個女仔係美若天仙㗎嘛，但呢套就係講扮男仔，為咗幫自己阿哥，就加入咗人氣團體。後來俾團員發現自己女扮男裝，團員又莫名間鍾意咗自己咁囉～

繼承者們（2013）

Photo from Pinterest

雖然呢套係典型韓劇劇情，但可能因為女主角係朴信惠而男主角係男神李敏鎬，令一眾女粉絲包括小編為之瘋狂啊！

Photo from Pinterest

都係個啲喇！超爆有錢嘅男主角，顧名思義係有可能接管daddy公司嘅繼承人，然後女主角就係窮到爆，又楚楚可憐，但又好離奇咁入到男主角嘅富貴學校，然後又俾有錢人杯，然後男主角就護花～囉！

連男配角金宇彬都即刻爆紅啊～

Photo from Pinterest

戲入面嘅Dream Catcher都引起一陣潮流～

聽見你的聲音（2013）

Photo from Pinterest

令大部分人認識李鐘碩嘅一套劇，一套講姐弟戀加懸疑嘅劇集。題材新穎，講述男主角有一種能夠聽到別人內心聲音嘅能力，因而幫助到做律師嘅女主角破案。

Photo from Pinterest

顛覆大家對韓劇嘅印象，男主角並非超級富豪，女主角亦並非窮小妹，反而係以為律師。突破性嘅題材，受到好多觀眾嘅喜愛，成為收收市冠軍㗎！

來自星星的你（2013-2014）

Photo from Pinterest

無人不曉嘅呢套講述由外太空黎到400年前嘅朝鮮，擁有超能力，超有錢，喺韓國已經生活400幾年嘅男主角都敏俊xi遇上超大牌，傻更更嘅當紅女主角千頌伊，發生好多好笑嘅趣事。題材非常新穎加上男女主角嘅陣容，掀起一股超熱潮！

Photo from Pinterest

唔單至戲紅，飾演女主角嘅全智賢又再翻紅，劇入面嘅佢嘅妝好淡，顯露出佢嘅好皮膚。唇膏色亦都令各大女性爭相搶購㗎！

Photo from Pinterest

而男主角就更加唔洗講喇！雖然小編無中都敏俊xi毒，但係一出街就係咁聽到金秀賢好靚仔啊！！我個都敏俊xi呢？咁樣...金秀賢亦都即刻接咗勁多廣告～

太陽的後裔

Photo from Pinterest

呢套hit爆咗，俾人話繼《來自星星的你》之後，又一步神劇！仲順勢令男女主角雙方搵到真愛，亦即係對方～呢套劇係講述軍人男主角同醫生女主角改變對方一生。

Photo from Pinterest

最hit嘅就係宋仲基對宋慧喬經常最一啲溝死女嘅動作，簡直係男神！雙宋結婚仲令各粉絲為之瘋狂添！

Photo from Pinterest

鬼怪（2016-2017）

Photo from Pinterest

「只有遇到鬼怪的新娘才能將這把劍拔出」，被下詛咒生活咗9百幾年嘅男主角一直等緊鬼怪新娘嘅出現，幫自己了解生命。而好明顯女主角就係嗰個人選喇～從細到大都睇得到一般人睇唔到嘅亡魂，每次吹熄蠟燭嘅時候都會同時將男主角鬼怪召喚出黎，小編覺得有啲似阿拉丁神燈咁～

Photo from Pinterest

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載