紅玉拿鐵同伯爵奶茶非常香濃，拍得住出面買嘅水準，仲有脫脂版

去台灣旅行日日都會狂飲珍珠奶茶嗰D台式飲品，返到香港即刻念念不忘T.T
前排喺台灣朋友介紹之下，發現有款自己沖嘅茶飲，聽講台灣人成箱成箱咁網購，究竟有幾特別呢？

原來呢款奶茶係可以控糖，佢分為茶粉同埋糖兩個部分，糖包上標記住「三分糖」、「七分糖」同埋「全糖」，你想落幾甜就幾甜，小編試過之後覺得3分甜對平時飲開全糖嘅人黎講會好似無落糖咁，所以一開始落七分啦～

有D人對甜度嘅渴望非常高，可以選擇非控糖版本，其實都唔係死甜，不過對平時飲開去糖嘅朋友黎講就會太甜啦。

歐可奶茶另一特點就係佢無用奶精，所以奶味特別醇厚，部分產品不含咖啡因，有BB或者老人機都可以試，好似新推出嘅黑芝麻紫米拿鐵就好受長輩同OL歡迎，夠健康嘛～

Photo from 歐可茶葉

奶茶唔單止可以控糖，佢哋仲新推出脫脂奶版本，真係飲幾多都唔怕肥～～

Photo from 歐可茶葉

雖然好多人都鍾意飲抹茶拿鐵，但小編試過之後覺得抹茶拿鐵唔夠滑，抹茶同奶味唔係好調和。

要推介嘅話就一定係紅玉拿鐵同伯爵奶茶，兩款一沖就有好香奶茶味，入口真係好似出面飲品店沖嘅奶茶咁，自己沖嘅伯爵奶茶沖劑好少可以突出到伯爵茶味，呢款就做到啦。

Photo from 歐可茶葉

無糖重培咖啡一沖就有好香咖啡味，入口都好滑，唔想買好貴嘅咖啡呢款都係一個唔錯嘅代替品。

唔鍾意飲呢D有奶嘅飲品，佢哋仲有一款深受OL歡迎嘅袋棒茶，呢款茶最得意就係成條放落個杯度，包裝上有一個個窿，只要
攪一陣就會變成清新嘅清茶，熱飲凍飲都得，喺office唔使淨係飲水咁寡～聽講韓國人特別鍾意呢款茶添！

小編買嗰陣國際直送都未可以送黎香港，不過隨住訂單激增，香港都送，想試就唔駛下下等去台灣先買喇～

Photo from 歐可茶葉

歐可茶葉
https://www.oktea.com.tw/

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載