download HolidaySmart 假期日常 app
新年花花語係咩?有咩特別意思?屋企今年有冇擺啱旺自己嘅年花呢?

新年花花語係咩?有咩特別意思?屋企今年有冇擺啱旺自己嘅年花呢?

時事熱話 生活熱話
By 123testing on 15 Feb 2018

新年當然唔少得插年花過年啦!一嚟靚啲有生氣啲,二嚟埋啱年花仲可以幫助運程,梗係擺下啦~
但係你又知唔知啲年花有咩意思?有冇擺啱啱自己嘅年花呢?

首先講下桃花啦~桃花花瓣呈水滴形,淡粉紅色。開花期可以由早期春天開始,全盛花期就係3-4月。
而桃花嘅花語係「愛情的俘虜」,啫係離唔開「愛情」二字~所以想促進愛情同人際關係都可以擺桃花。桃自古就有長壽嘅意思,所以放桃花都有希望長壽安康嘅寄意嫁~
有人相信,桃花擺啱位仲可以擋「爛桃花」添!
[wall001.com]_peach_blossom_06AP18009_spring

蘭花都係好受大家歡迎嘅年花~品種多、顏色繽紛,係四君子之一,好啱新年喜慶節日擺放。花語係「快樂無憂、忘卻煩優」,亦都象徵「幸福、快樂、吉祥」,所以擺蘭花就希望新一年都幸福快樂,事事順利!
如果買左蘭花,要記得令室內空氣流通,保持海綿土濕潤,同埋唔好俾佢照到太多陽光~
orchid-orange-bright-branch-exotic

因為劍蘭有好多隻色,而且直長咁向上生長,所以佢嘅花語係「富貴福祿、節節上升」。新年嘅時候擺,就有新一年富貴無憂,步步高升嘅寄意喇~好啱工作緊嘅朋友嫁!
1027329660_x

好多人新年會擺放水仙花,因為佢嘅清雅脫俗,同獨有嘅香味~唔講你唔知,原來代表「純潔、吉祥同堅貞嘅愛」,所以新年擺放就有「污糟野唔好埋身」嘅意思~
42-5

杜鵑代表左「愛嘅喜悅」同「節制」,所以有新一年俾愛包圍嘅寄意,亦都有希望新年自己可以同杜鵑一樣有節制咁生活~
5220_2560x1600

銀柳象徵住活力同生命力,所以好適合代表新年有個有活力嘅開始!而且「銀柳、銀柳」借音就係「有銀又有樓」,夠哂好意頭,啱哂應節!
其實銀柳都會開花嫁,想佢保持「毛臣臣」狀態,就可以喺水到放2滴漂白水,過左新年之後再倒走啲水,整成乾花,可以擺成年嫁!
willow-branches-96890_1920

20812430

最後,牡丹就代表「圓滿、富貴」,因為佢色彩斑斕,係榮華、富貴嘅象徵,而且花型寬厚、圓潤,象徵一家人團團圓圓、齊齊整整!
20130319023103359
希望大家新一年,好似啲年花咁「多彩多姿」啦!!

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)
*本文章的圖片均經其本人或其公司授權,其他媒體不得轉載

Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
Follow Instagram: holiday.presslogic

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel