利是都有好多款？！各地新年利是大不同~設計創新！！值得收藏~

新年會收到好多利是，年年款式唔一樣，每年都可能有驚喜~ 但唔淨係中式利是靚，日、韓利是都好有特式嫁~

《中式》
舊式利是多以紅、金為主，仲會熨姓氏，以便識認。

以前都好興將古代神話故事入面嘅人物入畫，例如將壽星公畫喺利是封上面，就代表福壽安康，新年就夠哂好意頭。

到宜家新式嘅利是封就好多花款，顏色又多選擇，立體又得、縷空又得，得左！

《日式》
日式嘅利是封同中式好唔同，以白色為主，會喺上面寫壓歲錢。

如果係特別時候嘅利是，就會喺利是封上面綁一個繩結，有祝福嘅意思~ 好似呢個有個壽字，就希望長壽嘅意思！

新式嘅日本利是就直頭將繩結升級，整成公仔咁~幾卡哇依~

《韓式》
舊式韓國利是封可以話相當華麗，用有刺繡嘅布包住，夠嗮隆重~

但係新式反而掉翻轉，以白色為主，上面寫書法字體嘅祝福語，文清感滿滿~

宜家啲利是咁多款式，如果冇爛，真係可以留翻嚟收藏，或者再送出去，響應環保嘛~
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載

Holiday長期歡迎大家投稿～我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物～投稿可以傳送到 holiday@presslogic.com比小編檢查一下先，記住要附上100字內自我簡介。 另外文章一經採用，編輯將會進行潤飾。期待你哋既大作啊！
Follow Instagram: holiday.presslogic