連渠蓋都係藝術～日本水渠蓋打破你對渠蓋嘅睇法！另類打卡點～望地下都有意外驚喜！

日本景靚、野食靚、手信靚就係人都知，但原來佢地連渠蓋都靚過人～仲要唔同縣就唔同設計，好啱經過打一打卡，等朋友估下自己去左邊個縣～

其實本身將渠蓋整得咁靚，唔係為左裝飾或者吸引遊客，係想喚醒市民對食水供應同埋污水處理嘅關心，希望大家對食水、污水更有認識！

Photo from 下水道宣傳平台 官網

Photo from 下水道宣傳平台 官網

啲渠蓋咁靚，真係好想帶番嚟俾朋友睇下⋯係得嫁！
日本公益組織「下水道宣傳平台」專登整左「渠蓋卡」，上面印哂渠蓋嘅資料：渠蓋嘅相、地址、渠蓋設置日期等等⋯⋯最新仲出左英文版添！唔怕睇唔明～

Photo from 下水道宣傳平台 官網

每個縣都用自己嘅特式去設計渠蓋～好似千葉縣同神奈川縣，就用左櫻花同紅葉！

Photo from 下水道宣傳平台 官網

Photo from 下水道宣傳平台 官網

其他縣都好得意嫁～用卡通人物做主題添，好似Monchhichi同柯南都出現喺渠蓋～

Photo from 下水道宣傳平台 官網

Photo from 下水道宣傳平台 官網

每隔一段時間就會有新一批「渠蓋卡」更新～宜家已經出到第6輯喇！有好多發燒友都有收藏嫁～
佢地官網會持續更新「渠蓋卡」嘅消息，大家可以參考下去尋寶～

Photo from 下水道宣傳平台 官網

唔講唔知，原來咁樣一張小小嘅卡，有啲前期出嘅卡喺日本網已經炒到超過$700 一張！真係唔可以睇少佢嘅威力～

Photo from 下水道宣傳平台 官網

大家去日本旅行嗰時，唔好淨係掛住睇靚衫、靚景，望下地下都可能有意外收獲嫁～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載

Holiday長期歡迎大家投稿～我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物～投稿可以傳送到 holiday@presslogic.com比小編檢查一下先，記住要附上100字內自我簡介。 另外文章一經採用，編輯將會進行潤飾。期待你哋既大作啊！
Follow Instagram: holiday.presslogic