叮噹可否不要老？哪些年TVB播過嘅經典卡通～你又睇過幾多套？我不想 我不想 不想長大！

以前冇智能手機嗰時，大家都應該同電視一齊渡過童年～ 無線電視喺放學時間都會播卡通片，大家係咪同小編一樣，番到屋企第一件事就放低書包睇電視呢？

第一套就係《BB保你大》～齋聽名係咪冇乜印象咁呢？因為呢套卡通已經10年前嫁喇～
但係一睇到呢對咁可愛嘅兄妹，就應該記得喇～

Photo from 《BB保你大》官網

呢對表面似天使，百厭嘅時候似魔鬼嘅兄妹，搞到媽媽好頭痕～
但又搞出好多笑料，係溫馨又搞笑嘅卡通片！

Photo from 《BB保你大》官網

第二套係《反斗小王子》 (1999)！
聽名以為《反斗車王》啲friend，不過我一講主角名-邪流丸，大家可能就覺得熟口熟面呢～

Photo from 《反斗小王子》官網

個樣好趣怪嘅王子同三隻小鬼青兵衛﹑赤根﹑黃助嘅日常真係令人哭笑不得！

Photo from 《反斗小王子》官網

日本以前有一種潮妹叫辣妹，所以就出左一套卡通叫《辣妹掌門人》(2002)～
主角壽籣係立志做辣妹嘅中學生，故事圍繞住佢同朋友嘅辣妹之路～

Photo from 《辣妹掌門人》官網

呢套少女搞笑卡通有52集咁多，劇中佢勇敢做自己，對朋友又有義氣，所以小編有追哂嫁～

Photo from 《辣妹掌門人》官網

如果講起馬戲團，大家有冇印象一套叫《星夢美少女》(2005)嘅卡通呢？
故事講述一個女仔由咩都唔識，一路辛苦練習成為做到好多高難度動作嘅馬戲團團員～

Photo from 《星夢美少女》官網

劇入面有好多講述友情同愛情嘅伏線，而且有好多華麗嘅服裝～
就算51集咁多，都好吸引人一直追落去！

Photo from 《星夢美少女》官網

《魔界女皇候補生》(2006)大家仲記唔記得呢？
係熱情嘅桑高娜同內向嘅芭莉娜，喺魔界爭做下一任魔界女王嘅故事～

Photo from 《魔界女皇候補生》官網

兩個女主角受到友情、親情、愛情等等嘅考驗，究竟最後邊個克服重重困難做到魔界女王呢？

Photo from 《魔界女皇候補生》官網

重溫左咁多套經典卡通，有冇勾起你小時候追卡講通嘅日子呢？

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載

Holiday長期歡迎大家投稿～我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物～投稿可以傳送到 holiday@presslogic.com比小編檢查一下先，記住要附上100字內自我簡介。 另外文章一經採用，編輯將會進行潤飾。期待你哋既大作啊！
Follow Instagram: holiday.presslogic