平民版梳乎厘班戟又出新味喇 一共4款全新口味 春天悄悄來臨 梗係試下限定櫻花口味！

推崇「用平民價錢，食到高質嘅梳乎厘班戟」嘅I Love You Dessert Bar，今次又出新口味喇！一共四款，而且仲有一款係旺角外賣店限定添㗎！

1.麻辣朱古力汁梳乎厘班戟配豆腐雪糕（$39）

Photo from PressLogic

朱古力梳乎厘班戟就食得多，但加上咗麻辣嘅口味，刺激你嘅味蕾體驗。朱古力汁加咗啲麻辣，成件事無咁膩。重點！只係$39咋！

2.【旺角店限定】沖繩黑糖汁梳乎厘班戟配櫻花小圓子·櫻花雪糕（$49）

Photo from PressLogic

沖繩黑糖就出曬名正ssss㗎喇～喺呢個邁入春天嘅節奏裡，又點少得櫻花系食物呢？除咗有甜甜嘅黑糖汁，仲有煙韌控一定受不了嘅小圓子！仲要係櫻花味㗎！雖然小編到依家都未好確實形容到櫻花嘅味道，不過一眾少女們應該會為之瘋狂。除咗小圓子，連平時係豆腐口味嘅雪糕，都換成櫻花口味喇！

3.魔鬼梳乎厘班戟配香濃朱古力雪糕（楓糖漿爆谷,脆朱古力蛋糕）（$45）

Photo from PressLogic

邊個話蛋糕先有天使同魔鬼系列㗎！呢個魔鬼梳乎厘班戟一睇就知幾邪惡喇！上面淋咗勁濃嘅朱古力獎，仲有朱古力蛋糕，加多咗重朱古力嘅味道，有別於一般魔鬼系列甜品，營造脆脆口感嘅係淋滿楓糖漿嘅爆谷。加埋朱古力雪糕一齊食，簡直係味覺同口感嘅一大享受！朱古力控一定一定要試下呢個喇！

4.天使梳乎厘班戟配雲尼拿雪糕（焦糖脆脆,士多啤梨果醬）（$45）

Photo from PressLogic

而天使梳乎厘班戟就梗係配上白雪雪嘅cream，加埋焦糖脆脆同酸酸甜甜嘅士多啤梨，多重口感，非常豐富！小編自己覺得有時梳乎厘班戟嘅口感關係，食得太多時會有啲膩嘅感覺，但係呢兩個因為加咗啲脆脆，食落口感豐富啲，所以食多少少都唔覺得膩啊！

Photo from PressLogic

以上1、3、4三款新口味今日（3月12）已經喺旺角店開始售賣喇！而銅鑼灣店19號亦都跟隨住有得賣，另外，沖繩黑糖汁梳乎厘班戟配櫻花小圓子·櫻花雪糕係旺角店限定，19號開始。所以想試嘅朋友仔，記住19號去旺角門市試喇！

《I Love You Dessert Bar旺角店》
地址：旺角白布街24號藝興大廈地下3A號舖（港鐵旺角站E2出口，步行約7分鐘）
電話：26122660
營業時間：
星期一至四 1500-0000
星期五 1500-0100
星期六 1300-0100
星期日 1300-0000

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載