東京王者級燒肉店！頂級和牛＋最強秘製醃汁～5月抵港！

燒肉迷今次真係有福喇！！早前獲選為十大最佳燒肉餐廳，日本王者級燒肉店「Yakiniku Jumbo」會喺5月殺入香港～獨家秘傳嘅醃汁，配上頂級嘅和牛肉，淨係聽都覺得吸引，以後係香港都可以食到正宗嘅日式燒肉啦！

成立咗30年，Yakiniku Jumbo咁多年來口碑都好好！喺日本食評網長期位於高位～更被選為十大最佳燒肉餐廳，係今年人氣榜得到第2位添！證明佢嘅元祖級地位真係不可動搖，多年來都係好受歡迎！

Photo from 焼肉ジャンボ

Yakiniku Jumbo採用日本最高級嘅和牛～喺日本各個地方嚴格挑選，絕對唔用急凍牛！香港店嘅和牛肉都會由總廚兼社長南原範充先生親自挑選～每個星期都會新鮮運到香港，品質保證！

Photo from 焼肉ジャンボ

Photo from 焼肉ジャンボ

店家會因應唔同產地嘅牛種，揀選其最佳部位～唔同部位嘅切法同厚度都唔一樣。務求客人可以有最高級同多元化享受，因而受到一眾燒肉迷推崇。每塊肉都脂肪平均分佈，肉質鮮嫩，而且堅持人手切肉，唔會破壞肉質。

Photo from 焼肉ジャンボ

多款稀有嘅和牛部位可以揀，好似牛股肉、牛腿內外側、內裙肉、腹脇肉等等，加埋超過20款！全部都係店家多年來研創嘅成果～一次過就可以食到日本國內嘅最高級嘅和牛喇！

Photo from 焼肉ジャンボ

因應部位唔同，燒嘅時間同處理都唔同。獨家原創嘅「野原燒」可以話係經典！以人手薄切成同等厚度嘅和牛西冷，略燒10秒左右，配同九州玉子汁一齊入口，絕對滿足到燒肉迷嘅高質要求！

Photo from 焼肉ジャンボ

Photo from 焼肉ジャンボ

燒肉嘅重點除左肉質外，醃汁都非常重要～醬汁可以令肉味層次更豐富，可謂日式燒肉嘅靈魂！Yakiniku Jumbo嘅秘傳醬汁更被喻為日本最強，令到和牛肉口感得以昇華，仲可以平衡油膩的感覺添～

Photo from 焼肉ジャンボ

相信咁多位都急不及待～唔洗心急！Yakiniku Jumbo將於5月進註中環，下個月就有得食喇！記得密切留意～

圖片來源：焼肉ジャンボ（Yakiniku Jumbo）

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載

Holiday長期歡迎大家投稿～我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物～投稿可以傳送到 holiday@presslogic.com比小編檢查一下先，記住要附上100字內自我簡介。 另外文章一經採用，編輯將會進行潤飾。期待你哋既大作啊！
Follow Instagram: holiday.presslogic