日本傳說中「夢之吊橋」！俯瞰tiffany blue湖面 只要行過得人驚橋面就可以戀愛願望成真

大部分香港人到日本旅行，除咗想不停Shopping掃貨之外，也必定想到一些環境優美的地方看自然景色，讓自己擴闊眼界之餘，更可遠離煩囂，好好休息。而位於日本靜岡縣寸又峽可謂春秋季節必去秘境！

Photo from Photo credit from IG@a_wara_p 授權使用

呢條橋底係好靚嘅tiffany blue湖面，但有個幾得人驚嘅橋面，好似用寬距好窄嘅木板整成咁，行起嚟一步一驚心

寸又峽是位於靜岡縣溫泉勝地川根本町內的一個山谷，來頭都唔細㗎！寸又峽曾被稱為「日本自然100選」、「新日本觀光地100選」及「21世紀最想保存日本自然100選」等國家名勝美譽，當中的吊橋橫跨大間川與寸又川，更被譽為「世界吊橋10選」之一，所以計劃到日本旅行嘅朋友，絕對值得花點時間到寸又峽欣賞自然美景啊！

Photo from Photo credit from IG@a_wara_p 授權使用

寸又峽內的碧湖上設有一座長90米、高8米的「夢之吊橋」。橋面看似寬闊，但事實上只有中間位置供遊客步行，旁邊都是罅隙，因此橋上最多只能容納10人。

Photo from Photo from FB@夢の吊橋

由於橋上的步行通道窄，加上每行一步都會有少少搖晃，所以畏高及膽小者要諗清楚先好行出去啊，一旦踏出第一步就不能回頭！

顫顫驚驚咁行到出橋面，當然會有回報啦！從橋上俯瞰橋下嘅湖面，湖水呈好靚嘅藍綠色，有風嘅時候湖水輕流，仲有機會見到大片閃爍嘅湖面，景色超震憾，絕對值得鼓起勇氣行出去啊！

Photo from Photo credit from IG@a_wara_p 授權使用

聽聞只要喺橋中間許願，便會夢想成真，而且有關愛情嘅靈驗機會仲特別大！情侶們記得要去許願啦，至於單身人士許願之後說不定能遇上真愛呢！

Photo from Photo from FB@夢の吊橋

值得注意的是，由於吊橋位於山谷位置，而且橋的另一端需步行約300級樓梯才能到達地面，所以大家需要一定體力以及穿着適當行裝入內，加上旺季人流或會較多，記得帶定水同食物啦！

Photo from Photo credit from IG@a_wara_p 授權使用

至於交通方面，有興趣的朋友除自駕外，可乘電車及巴士，坐大井川鐵道電車於「千頭」轉巴士，約40分鐘後便會到達。大井川鐵道的電車亦有很多種，所有種類的電車亦可到達「千頭」，電車上沿路可欣賞山谷附近的野生動物，加上春風尚算清涼，非常寫意。

Photo from Photo from Sumatakyo-spa

Photo from Photo from Sumatakyo-spa

但由於電車及巴士班次較疏，約一小時一班，因此大家要預好時間啦出發啦！

寸又峽內亦有溫泉旅館，大家於寸又峽住一晚浸下溫泉，養足精神再出發都可以！

Photo Credit: IG@a_wara_p授權使用、Sumatakyo-spa、FB@Sumatakyo、FB@夢の吊橋

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載