太空人都要食榴槤？泰國測試太空食品 7月發射榴槤上太空！

係太空都要食榴槤！嚟近7月泰國就會發射榴槤乾上太空作太空食品嘅測試啦～唔知太空人期唔期待呢！

講起泰國你諗起咩？榴槤控小編一定諗起榴槤～根據《泰國世界日報》幾日前嘅報道，泰國科技部太空技術與地理信息發展局（GISTDA）正開發緊新嘅太空食品，今次項目主要以榴槤乾為測試對象。而榴槤乾亦會係首個送上太空嘅泰國食品～睇得出人稱果王嘅榴槤係泰國人心中幾有代表性！似乎已經遠遠超出泰國香米、芒果糯米飯等等啦～

今次嘅研究GISTDA同泰國嘅食品加工公司合作，榴槤乾係經過特殊加工架～經過真空後pack到咁應該可以隔到陣味嘅lol

7月就會將榴槤乾送上太空4-5分鐘嘅時間，再折返到地球，睇下榴槤乾本人同包裝會唔會有咩變化。

有網民就表示係火箭食榴槤同係lift放屁一樣，走唔甩焗你聞～希望同行太空員都愛榴槤啦，唔係係太空打起上嚟就唔好啦！

資料來源：法國新聞社、泰國世界日報

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載