回憶番晒嚟！《笑林小子》林志穎釋小龍兩男神重聚 網民：你還未變老

台灣43歲嘅藝人林志穎向來係圈中出名嘅凍齡男神，17歲就出道嘅佢，當年同金城武、吳奇隆及蘇有朋有「台灣四小天王」之稱，真係好勁㗎！講到代表作，當然唔少得1994年上映嘅電影《笑林小子》，帶挈佢同徐若瑄紅遍兩岸三地，而當年只得6歲嘅功夫童星釋小龍更加搶鏡，少林弟子嘅光頭Look深入民心。

Photo from Weibo

出道咁多年都好似冇老過咁呀！

Photo from 釋小龍Weibo

林志穎同釋小龍不約而同喺微博貼咗佢哋嘅合照。好多網民見到都忍唔住話，完全唔覺小旋風有變老。

Photo from Weibo

24年前，當時只有6歲嘅釋小龍仲係童星時，就同林志穎合作拍攝電影《笑林小子》。

Photo from Weibo

當時釋小龍喺戲中飾演小師傅，幫助飾演中學生四毛嘅林志穎對付學校嘅壞蛋，最後仲幫林志穎搵到真命女友㖭！

Photo from Weibo

事隔多年，小師傅釋小龍於「成龍國際動作電影週」重遇林志穎，釋小龍喺微博貼出二人嘅合照，留言話：「感谢，成龍國際動作電影週#讓小師傅和四毛重聚，旋風小子， 好久不見！」有網民就留言話：「二十五年後你們倆再次同框，小師哥已經長成大帥哥，大帥哥還是這麼帥，又是『我已長大，你還未變老』系列。」

小編真係好想睇佢哋再合作呀！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）