身邊有無朋友係咁？8個問題就知自戀程度有幾高

「自戀」呢個詞相信唔少人都一定聽過或者唔多唔少每個人都會有身邊人喺咁。「自戀」嘅人會過度追求掌聲，對自己以外嘅事唔太關心，只在乎自己。佢哋做任何事都會期待得到稱讚，當得唔到讚美時，就會陷入憤怒嘅情緒之中。

聽到唔啱聽嘅說話時會心存不滿；因為一啲無關痛癢嘅小事，會立刻「翻臉」；成日猜測別人點睇佢；自己喺別人心中留下咩印象；鍾意引人注意等等⋯⋯

如果已經集齊以上嘅特徵，咁好有可能已經係所謂嘅「自戀者」喇！根據美國哈佛大學嘅人格理論教科書《人格》（Personality）中，就有一個用來測量自戀程度嘅測量表。今次小編就以依個表概括出8個問題嚟同大家睇吓身邊嘅朋友嘅自戀程度有幾高？

Photo from Shutterstock

1.無時無刻想要知道其他人對自己嘅看法同印象

自戀者從別人「對自己」嘅讚美中，汲取生存能量。佢哋會覺得當自己嘅努力和得到稱許不成比例，甚至遭到鄙視時，會玻璃心破碎。即使冇人將目光放喺佢哋身上，自戀者就會擔心破壞咗自己喺其他人嘅心目中嘅形象。其實在意人哋嘅看法係人之常情嚟。但是如果重視到忘記重要嘅事情，或記喺心中耗盡精神，更唔係將精力浪費喺博取他人嘅好感之上。

Photo from Shutterstock

2.嘲笑、閒言閒語都可以輕易傷害自己

測量自戀程度第二個指標係「一旦被人嘲笑、批評，內心就覺得受重傷」。小編一開始已經提過，自戀者係非常玻璃心㗎。佢哋只要有輕微被開玩笑或糾正，就會感到受傷。雖然有好多人都會好容易受傷，但是，最玻璃心嘅莫過於自戀者。

Photo from Shutterstock

3.將話題圍繞喺自己身上

自戀者會以談論自己以滿足自戀欲望，但佢哋即使講到天荒地老，依舊無法真正滿足。自戀者認為會別人對自己講嘅嘢興致勃勃，因此必須有人傾聽佢哋嘅言論，佢哋會突然插話，中斷別人的交談，並且覺得大家都很期待自己發言。

不過當別人講嘢時，就會露出「不想聽」嘅態度，只想把話題圍繞喺自己身上。

Photo from Shutterstock

4.成為全場焦點

喜歡吸引眾人注目。因此如果自己被冷落，就會覺得受傷。

Photo from Shutterstock

5.認為自己與眾不同
認為自己「與眾不同」，意味著「履行成人的一般社會責任，是一件痛苦的事」，他們無法承擔各種社會責任。

人必須喺社會中生活中自我克制。如果每個人都任意妄為，社會就無法順利正常運轉。這些自我約束，即是奧地利心理學家阿德勒所講嘅社會責任。

無論職場定家庭，相互禮讓係促進社會生活協調，不可缺乏嘅要素。行動前，必須三思而後行，考量自己嘅行為對他人造成影響。

Photo from Shutterstock

6.寄望別人服務自己

簡單嚟講，即係時下所謂嘅「公主病」或「王子病」。

Photo from Shutterstock

7.妒忌別人嘅幸運

大部分人對於別人嘅好運，都會以羨慕嘅成分居多，不過自戀者就會有「不甘心」嘅感覺，似係明明自己嘅表現得比較好，點解對方中獎，或者係佢嘅為人比對方好，點解對方會咁好運嘅想法。

Photo from Shutterstock

8.得不到自己想要嘅，就無法滿足

喺自戀者嘅人格嘅核心中，存在住滿足嘅需求同衝動，所以道德感會比較薄弱，因為他們需要別人認同，所以會不顧一切追求財富與名聲。

Photo from Shutterstock

其實自戀有好多唔同嘅看法同解釋。奧地利心理學及精神分析學家西格蒙德•弗洛伊德（Sigmund Freud）認為自戀係原始本能，作用係建立世界與自己嘅關係。

不過阿德勒就有唔同嘅看法，佢認為，人類係社會性動物，自戀型人格並非原始本能，而係排斥他人嘅行為。佢認為自戀並唔正常，並且將自戀型人格分為「優越型」同「嬰孩型」兩種。

對於自戀者同非自戀者，成為人生勝利組和失敗組的意義都好唔同。前者認為自己必須比別人優越，而差距等於剝奪了佢哋嘅自我價值感，造成生存危機。因此，差距對自戀者的意義和造成的影響，遠超過一般人的想像。

希望以上嘅8個分析幫到大家多啲了解「自戀」喇！

資料來源：《なぜ、あの人は自分のことしか考えられないのか》 加藤諦三

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）