瞓少1個鐘原來會增磅！每日只瞓5-6個鐘致肥率高73% 想瘦就記得瞓多啲喇

如果要問大家每日最缺乏嘅係咩？相信唔少人一定會話係-睡覺。唔少女士都會為咗好身材，而透過運動、節食、纖體美容公司等不同方法瘦身keep fit。

不過小編近日就發現有大學研究指出，想減肥的話，首先要有足夠睡眠。如果每日只瞓5個鐘，1年就有可能會肥接近13磅。

Photo from Shutterstock

根據美國哥倫比亞大學發表嘅論文，研究發現如果一個人每晚只瞓5小時的，比睡7-9小時嘅研究參與者肥胖率高73%；而每晚只睡6小時，比睡7-9小時嘅研究參與者肥胖率高27%。

從而可得，瞓得少嘅人，真係會好易肥，瞓多一個鐘原來有咁大影響㗎！

Photo from Shutterstock

另外，波士頓伯拉罕婦女醫院研究團隊指出，睡眠不足或不規律會提升患代謝症候群症及糖尿病嘅機會。實驗先要參加者持續28天只睡5-6個鐘，之後再要佢哋回復足夠睡眠。

而結果顯示，如果睡眠習慣不規律和長時間睡眠不足嘅人，會令肥胖同患糖尿嘅機率增加。

Photo from Shutterstock

綜合結果得出如果生活、運動和飲食習慣不變，而每天睡眠時間只有5-6個鐘，一年後嘅體重好有可能會增加12-13磅。所以如果想減肥嘅話，首要條件係要瞓得夠，瘦身先會事半功倍㗎！

來源：美國哥倫比亞大學研究論文、波士頓伯拉罕婦女醫院

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）