download HolidaySmart 假期日常 app
唔夠錢/唔見銀包唔洗驚!港鐵設賒票制度 其他交通工具又有無?

唔夠錢/唔見銀包唔洗驚!港鐵設賒票制度 其他交通工具又有無?

時事熱話 生活熱話
By Jackie on 01 Aug 2018
Digital Editor

唔知大家有無試過唔見銀包又得自己人個,或者銀包唔夠錢搭車呢?其實港鐵係設有一個「賒票」制度,但喱個制度未必好多人都知,所以大家知道之後,日後有咩唔好彩唔夠錢搭車,都千祈唔好咁傻行路或者問路人拎啊!

FB@MTR Service UpdatePhoto from FB@MTR Service Update

港鐵「繳付車費協議」其實一直存在,係為咗方便一啲帶唔夠錢、唔見或被偷銀包嘅市民而設嘅,若乘客有需要,可以到任何一個站嘅客務中心告知職員,填寫「繳付車費協議」,提供簡單嘅個人資料,包括中英文地址、電話、身分證號碼等,並承諾喺7日內繳回車費,就可以有張單程車票。

FB@MTR Service UpdatePhoto from FB@MTR Service Update

但記住個服務原意係為咗方便有需要嘅乘客,大家記得唔好濫用,甚至企圖使用呢個服務後唔還錢啊,因為咁係有可能要負上刑事責任。

FB@MTR Service UpdatePhoto from FB@MTR Service Update

之前港鐵流出「賒票機制」下嘅騙徒黑名單,有幾40多名濫用者嘅部分個人資料被公開,雖然好多人斥港鐵咁做或會侵犯私隱權,但同時都要記住千祈唔好濫用良心機制啊!

FB@MTR Service UpdatePhoto from FB@MTR Service Update

而除咗港鐵之外,咁其他交通工具又有無呢個制度呢?九巴同電車係無「繳付車費協議」嘅,所以如果真係無足夠金錢搭車,都係揀返港鐵比較方便。

FB@KMB 九巴專頁Photo from FB@KMB 九巴專頁

天星小輪一樣都係無例明有「賒票機制」,但如果乘客唔見銀包或因事無足夠金錢比船費,都可以試下向收費閘職員求助,只要出示身分證明文件,留低個人聯絡資料,並承諾喺7日內繳回船費,職員都會考慮酌情處理!

FB@天星小輪Photo from FB@天星小輪

咁以後萬一唔見銀包或者帶唔夠錢,都唔駛咁慌失失擔心返唔到屋企,又要尷尷尬尬咁問人借錢啦!

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel