《與神同行：終極審判》6大金句+今集影評！今集地獄3使者前世千絲萬縷 劇情有啲估你唔到

《與神同行》今年1月上映時大受好評，唔少人都感動落淚離場，所以後來一出《與神同行：終極審判》嘅上映消息，大家都大為關注，到底今次故事係講咩呢？而且可唔可以延續到上次嘅感動同震撼？

Photo from edko films

首先講返上集重點先，因為如果無睇上一集會好多情節睇唔明。

上集片尾就係見到金自鴻細佬原來係貴人，然後到最後成造神（馬東石飾）就出現。透露咗下一集會講到金自鴻細佬嘅審判，同埋地獄3使者將會同成造神正面交鋒。

Photo from edko films

《與神同行：終極審判》講到上次金自鴻（車太鉉飾）細佬、變咗冤魂嘅金秀鴻（金東旭飾）原來都係貴人，地獄3使者要帶佢去審判，但閻羅王（李政宰飾）多番質疑，令到判官賭上官職、3使者押上轉世機會，都要令佢可以49日度過七大地獄。

Photo from edko films

閻羅王畀金秀鴻可以有審判機會嘅同時，要3使者去人間搵一個本來陽壽已盡、由家神成造神（馬東石飾）保護嘅老伯伯，帶佢到地獄，當中會要同成造神正面交鋒。

而當要帶走老伯伯時，成造神就出面保護，仲透露解怨脈（朱智勛飾）、李德春（金香起飾）二人嘅前世。

Photo from edko films

故事主要分為兩大支線，一條就係江林帶住金秀鴻度過7大地獄，途中講自己嘅前世；一條係講成造神同解怨脈同李德春喺人間嘅事，娓娓道出二人嘅前世。

Photo from edko films

劇情主力喺3位地獄使者前世，比較少著墨喺金秀鴻審判上面。睇睇下會發現3使者入面，只有江林記得自己嘅前世，而解怨脈、李德春都畀閻羅王消除咗前世記憶。

如果對3使者嘅過去好好奇，呢集絕對可以滿足到你；如果期待地獄考驗嘅話，就可能會失望。

Photo from edko films

因為今次重點喺地獄3使者前世秘密上面，同埋點解得江林先記得，解怨脈、李德春就唔記得？

Photo from edko films

成造神刻意話佢地知，自己以前係地獄使者，仲帶過兩個人落地獄，對佢地嘅前世瞭如指掌。為咗解開自己前世記憶，解怨脈不惜一切要同成造神約定﹐而李德春就半推半就。

Photo from edko films

一層層拆解佢地嘅過去，先會發現佢地嘅前世係千絲萬縷，仲有少少好笑位，好似解怨脈同過去嘅佢原來好似兩個人咁！同埋閻羅王消除佢地兩個嘅前世記憶係別有用心。

Photo from edko films

當中不時加插成造神嘅笑料，因為成造神唔可以對人類有惡意行為，同埋佢為咗要守護老伯個孫仔，仲拎咗佢地嘅錢買基金，仲係咁話基金一定會升架！但兩個使者就話就連閻羅王都話千祈唔好掂人類基金！

Photo from edko films

到結尾嘅時候，發現呢兩集會有後續故事！而且記者會上面，導演都有透露將會有第3、第4集嘅可能～

而今集都好多唔同嘅金句：

Photo from edko films

「當你埋怨、感到憤恨，無法理解時，把一切倒過來想！」
「陽間的人也好、地府的鬼也好，不需要太過聰明，一切適可而止。」
「世上沒有天生的壞人，只有壞處境。」

Photo from edko films

「人老了點解老花？年紀越大，越要看得更遠」
「年輕時埋下後悔的種子，老了便哭著收割」

Photo from edko films

「會者定離，去者必返」

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）