研究：努力工作的人身心健康都較差 老闆認為令質量下降

拿，講明先！小編絕對係覺得「1234567多勞多得」嘅，不過近日就有個黎自英國嘅研究發現原來努力工作嘅人，對自己嘅待遇相對地比較不滿。

英國倫敦大學(University of London)同ESCP歐洲高等商學院最近發佈咗一項最新研究，指出過於努力工作會對於無論身心健康定係職場發展，都造成反效果，令員工對自己嘅待遇同晉升感到不滿。
Photo from Shutterstock
研究團隊由1990年開始到依家，請黎來自36個歐洲國家，超過5.1萬名員工，進行「歐洲工作條件調查」，內容係俾佢地回答自己對於工作嘅操勞度、幸福度同壓力等等嘅問題，從而探究出佢地對於自己嘅工作成效滿意度，同對目前工作有無認同感。
Photo from Shutterstock

研究發現，長期喺高壓嘅工作環境，好似成日趕deadline咁，都會令身心健康狀況較差，亦會影響質量。
Photo from Shutterstock
而如果付出過多努力，令自己更加操勞嘅同時，都無辦法升職，老闆會因為要顧及產能同質量嘅問題，而選擇唔去關注認真努力嘅人，員工就會更容易對自己嘅待遇同晉升前景感到不滿。
Photo from Shutterstock
ESCP歐洲高等商學院助理教授Dr Argyro Avgoustaki指出：「好多人喺工作時候唔俾自己休息，希望可以用盡晒啲時間令自己做更多工作，希望可以增加表現，從而得到晉升機會，但其實係會損害健康的。」
Photo from Shutterstock
研究共同作者弗蘭克特(Hans Frankort)博士指出：「勞方如果想改善未來嘅工作前景，被動地接受資方減少待遇或者福利係錯誤嘅行為，資方同政府應該為勞工著想，減少勞工工作操勞嘅程度，而唔係試圖製造更多工作時間，工作時間太長或者太操勞會造成反效果，影響公司產能。」
Photo from Boss BB
所以各位打工仔，搏還搏，身體要緊啊！唔係唔洗努力工作，只係物極必反～好喇，睇完仲唔返去做嘢！

資料來源

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）