鬼月到了!15項注意禁忌 提提你避免怪事纏身

鬼月到了!15項注意禁忌 提提你避免怪事纏身

時事熱話 生活熱話
ByCelia on 13 Aug 2018 Digital Editor

農曆7月又到了!相信唔少年輕人都一定有被長輩提醒過呢個月出夜街要小心,盡量避免可以唔出就唔出。其實禁忌又點止一個咁少呀,尤其係夜晚,雖然你可能會覺得有啲麻煩,但抱住「寧可信其有,不可信其無」嘅心態,都係能避則避喇,以免怪事纏身!

1.忌穿黑衣紅衣

黑色本來就係比較沉嘅顏色,係靈體最鍾意依附嘅顏色。而紅色就因為顏色鮮明,所以容易引起注意。

左:Shutterstock,右:電影《紅衣小女孩》
Photo from 左:Shutterstock,右:電影《紅衣小女孩》

2.忌一個人夜遊

如果一個人出夜街會比較容易引起靈體覬覦。

Shutterstock
Photo from Shutterstock

3.忌亂拍他人肩頭

有傳每個人肩、頭頂都有三把火,係保護人嘅精神與元氣,如果被拍熄滅就好容易出事。

4.忌隨地勾肩搭背

頭先講過人嘅頭頂同肩加埋有三把火,只要其中1把熄滅,都會好容易出事㗎。

Shutterstock
Photo from Shutterstock

5.忌嗌全名

農曆7月時如果聽到有人喺你身後嗌你全名,切忌擰番轉頭。

電影《紅衣小女孩2》
Photo from 電影《紅衣小女孩2》

6.忌半夜慶生

如果喺半夜慶生,有傳會有多半機會出現一些不認識嘅「人」一起唱生日歌,為免不必要嘅「驚喜」都係改喺白天慶祝好啲。

Shutterstock
Photo from Shutterstock

7.忌靠牆

有傳靈體最喜歡企喺於牆邊,如果有靠牆行嘅習慣呢個時候就要特別小心,以避唔小心「撞到佢哋」!

WEB
Photo from WEB

8.忌筷子插喺飯

以前嘅人在街祭時將香插喺飯上作為祭拜之用,而筷子插喺飯上時睇起嚟就好似將香插喺飯上一樣,咁做會好容易招嚟靈體。

Shutterstock
Photo from Shutterstock

9.忌床頭、窗邊掛風鈴或身上掛鈴噹

有傳風鈴聲同法師嘅搖鈴聲相似,所以容易招來靈體。人喺睡覺時係最容易被入侵,而窗邊則有招靈體進來嘅意思。

廣告
廣告

WEB
Photo from WEB

10.避免搭末班車

相信唔少人都聽過尾班車唔係載人呢個傳聞!有指係尾班車係畀靈體搭嘅,如果真係咁啱要坐尾班車,記得千萬唔好坐車尾,因為車尾一般比較容易聚集靈體,以免坐咗「人哋」個位就唔好喇!

WEB
Photo from WEB

11.避免到海邊、湖邊、溪邊戲水,或是在山上、墓地遊蕩

正所謂「欺山莫欺水」,唔少人都會趁呢個時候舉辦所謂嘅夜遊或試膽活動,不過如果可以嘅話建議大家都係盡量路好去山上或海邊等戶外地方,以免遇上被靈體捉去做「替身」。

Shutterstock
Photo from Shutterstock

12.忌喺街上執硬幣

有傳如果喺呢個時候執到錢,千萬唔好據為己有,因為有指呢啲其實係「買路錢」嚟,如果你拎走咗,靈體就好可能會跟你走!

WEB
Photo from WEB

13.忌室內擔遮

另外,遮亦係靈體鍾意依附嘅地方,同時有傳遮係收魂法器,所以如果唔想有「人」同你一齊擔遮,就盡量唔好喺室內擔遮喔!

Shutterstock
Photo from Shutterstock

14.忌夜晚亂影相拍片

夜晚係陰氣最重嘅時候,喺呢個時候最好唔好亂影相拍片,因為咁好容易出現「鬼入鏡」嘅情況,有傳說指如果影到靈異相嘅會招嚟厄運。

Shutterstock
Photo from Shutterstock

15.忌半夜吹口哨、曬衫

據傳如果喺半夜吹口哨、曬衫,靈體會被「召喚」而來,而靈體亦鍾意依附喺濕漉漉嘅衫上面,所以如果唔想帶埋佢哋返屋企,就盡量避免夜晚吹口哨、曬衫。

 

以上只係部份平時比較容易觸犯嘅一啲禁忌,絕非導人迷信。可能有人會話「平生不做虧心事,夜半敲門也不驚」,抱住「百無禁忌」嘅心態,不過無論你信唔信都好,都係嗰句「寧可信其有,不可信其無」喇!

 

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

Share to Facebook