Jasper回歸《爸爸去哪兒》第六季！粉絲大嗌：「好期待啊！」

By Ivory on 15 Aug 2018

Digital Editor

《爸爸去哪兒》第五季入面好多萌娃，有最多粉絲嘅就係陳小春個仔Jasper。因為佢好捧場，成日讚人；性格又好，好少發脾氣同哭哭鬧鬧，最令人深刻嘅一定係陳小春好惡咁鬧Jasper，叫佢行快啲，但可愛嘅Jasper竟然冇嬲，仲好冷靜同爸爸講道理，問佢：「Can You Stop Angry Now?」粉絲們都比佢融化咗！

Photo from 《爸爸去哪兒第五季》

開播咗之後，陳小春曾經講過，有粉絲喺佢嘅微博留言話要組團偷Jasper，嚇到「山雞」即刻投降，叫大家唔好偷走仔仔喎～

本身《爸爸去哪兒》第五季完左之後，陳小春講過，Jasper可能唔會再出現喺螢幕前，希望佢專心學業。當時，好多粉絲個心都裂咗，以為真係唔會再見到Jasper。不過，好消息嚟啦！！！Jasper回歸《爸爸去哪兒》第六季！

之前有報導指陳小春同Jasper拍攝期間患高山症，要聞氧氣，粉絲們都好心痛（Jasper），但未有宣傳片都未知係咪堅～

Photo from 應采兒社交平台

最近有條《爸爸去哪兒》第六季宣傳片出咗街，就係由陳小春自己講嘅深情獨白，內容係：

「我年輕的時候想做個大英雄，發誓一世絕不彎腰，只看前方，從來不看腳下。直至做了爸爸之後，我才明白有些美好，是需要低下頭才會看到……
幸福不是奪取回來，是收集回來的。你常常都說爸爸是個英雄，其實爸爸只不過是個普通人。或者真正的英雄是世界上的小朋友，謝謝你讓我知道，能夠拯救世界的不是超能力，而是溫柔跟善意。
真正的勇敢，不是搏殺，是守護。真正的強大，不是驍勇，是溫柔。我願意陪你撿起所有失落的星星，撐起你明日的英雄夢。」