力推《放開我北鼻3》結局有3大亮點又搞笑又感動

By Ivory on 15 Aug 2018

Digital Editor

大陸綜藝節目《放開我北鼻3》已經完滿結束啦，相信入面咁多位哥哥都捨得啲babiessssss。本身節目入面有幾個固定嘅哥哥照顧一班小朋友，包括：香港嘅王嘉爾（Jackson）同埋大陸嘅陳學冬、黃景瑜、周震南。而大家都好鍾意嘅言承旭就喺第八集加入咗呢個大家庭。言承旭以前因為性格火爆，所以有個花名叫暴龍。係人都知佢演戲好，但原來佢湊小朋友都有一手，喺節目入面，可以見到小朋友好鍾意同佢玩，佢亦都好有耐性咁照顧班BBsssss。同其他哥哥雖然有輕微年齡差別，但溝通上完全冇問題！言承旭不愧係萬人迷！

Photo from 放開我北鼻3

喺最後一集嘅《放開我北鼻3》，有3個大亮點！各位哥哥為最年輕嘅周震南搞一個生日Party。為咗慶祝佢18歲生日，王嘉爾第一日就負責洗開周震南，叫佢陪自己買西裝，仲呃佢話要見皇室。年輕嘅周震南，當然不虞有詐啦～呢個時間，搞笑事情發生喇！！！！！

Photo from 放開我北鼻3

可愛嘅王嘉爾著住套西裝，chok住咁坐梳發嘅時候，佢突然大嗌咗一聲！原來佢爆咗汰！佢係咁用手遮住個屁股，尷尬表情真係笑死人！最搞笑係佢回過神，見到自己嘅BABY辰辰用緊毛巾抹枱，想話佢做乜又搞搞震嘅時候，辰辰就講咗句：「你啱啱突然大叫，嚇親我！」笑到周震南抖唔到氣～之後仲即時上演咗一場chok樣影劇照嘅畫面！

Photo from 放開我北鼻3

仲有大家好鍾意嘅言承旭，為咗叫途人幫手拍段祝賀嘅片，唔係好叻英文嘅佢都踏出一步！仲喺荷蘭拍攝嘅時候，撞到好多fans添！最搞笑係佢同黃景瑜，仲有周震南一齊去中國城買野，老闆娘話比「10%折扣」佢哋，即係9折，懵懵哋嘅黃景瑜仲以為老闆娘肯一折賣比佢！當言承旭一出馬，老闆娘即刻開心到彈起，仲比夠5折！Gentleman嘅言承旭最後仲錫咗老闆娘隻手一啖（睇真啲，係有距離嘅～各位粉絲可以放心！）

Photo from 放開我北鼻3