太靚喇！台灣好山好水私密景點 5個當地人先知嘅世外桃源

最近唔少人都會趁放假嚟一快閃旅行，大部分第一時間一定會諗到台灣嘅美食同夜市，不過其實台灣仲有好多好靚嘅景色㗎！除咗美食同夜市，大家有冇諗過其他台灣仲有好多好山好水，呃Like打卡嘅好地方，仲可以順便行吓山，呼吸吓新鮮空氣，放鬆心情添㗎！

翡翠谷（花蓮）

通往翡翠谷水簾瀑布秘境，得先穿越一個長200公尺嘅古隧道，隧道內伸手不見五指，但地面平坦，偶爾有小水坑。過咗隧道之後，就可以聽到水聲不斷傳來，再步行約10分鐘左右，就可以看見一大片溪水沿住石頭壁面沖落嚟嘅天然門簾。

Photo from TTE 台北國際觀光博覽會

夢谷瀑布（南投）

位於南投仁愛鄉夢谷瀑布， 飛懸奇巖絕壁間，遠看恍若夢幻異境。同時亦係賞「蝶」聖地。

Photo from Dora謝雨芝 Weibo

帖比倫瀑布（南投）

帖比倫瀑布位於台灣原住民泰雅族居住嘅紅香部落之中，係當地嘅一處秘境。

Photo from YouTube

猴洞坑瀑布（宜蘭）

位於宜蘭嘅「猴洞坑瀑布」，係蘭陽知名18勝景之一，更有讓愛情修成正果嘅美好傳說。

Photo from 周曉涵Amanda Weibo

Photo from 鄭喬予karen Weibo

瑪陵坑溪（基隆）

瑪陵坑溪位於基隆七堵五指山區內，係一個鮮為人知嘅溪林幽地，與一般旅遊勝地完全不同，尤其喺夏季時十分涼爽，喺每年4至5月時仲可以欣賞桐花添。

Photo from 張慶聲@數位島嶼

呢幾個咁靚嘅好地方，唔知又啱唔啱大家心水呢？有機會不防去睇吓欣賞吓咁靚嘅天然景觀呀！不過小編提提大家玩水都有一定危險，唔好太忘形，以免樂極生悲呀！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）