download HolidaySmart 假期日常 app
荷里活25年後再現全亞裔電影《我的超豪男友》!楊紫瓊演野蠻奶奶大鬥ABC新抱!

荷里活25年後再現全亞裔電影《我的超豪男友》!楊紫瓊演野蠻奶奶大鬥ABC新抱!

時事熱話 生活熱話 電視電影
By Mag on 22 Aug 2018
Digital Editor

講起以亞裔為主題嘅荷里活電影,上一部已經要數到1993年嘅《喜福會》(The Joy Luck Club),相隔25年,荷里活終於再度推出由全亞裔演員演出嘅新戲《我的超豪男友》(Crazy Rich Asians)!喺美國一開畫就成為周末最賣座電影,而好耐無同香港人見面嘅楊紫瓊仲擔演主要女角!

Warner BrosPhoto from Warner Bros

呢套戲表面上同《喜福會》無咩關係,但說穿了,故事重心同樣探討華人大家庭價值觀同埋母愛。

電影由同名小說改編,講述平民出身、喺美國土生土長嘅「ABC」女教授麗秋(吳恬敏 ),跟隨男友楊力亨利高定)返對方老家新加坡「見家長」。正當麗秋一心想融入男友家庭,先知對方原來出身土豪世家,全家生活奢華揮霍、惟思想保守,更同自己玩針對!

楊力母親 (楊紫瓊 )更對呢位「門不當戶不對」嘅「半唐番」新抱諸多不滿,企圖拆散鴛鴦,一場地位懸殊又充滿火藥味嘅嘅婆媳鬥爭就此揭開!

Warner BrosPhoto from Warner Bros

電影打破荷里活片對亞洲演員一貫嘅形象,戲中豪門浮華得嚟有血有肉,富貴背後各懷心事,故將搞笑、浪漫、溫情共冶一爐!

戲中「野蠻奶奶」楊紫瓊象徵保守、以家為本嘅傳統中國婦女思想,而「美國妹」麗秋則係獨立女性、敢作敢為,加上對華人習俗、上流生活毫不了解,搞出連場笑話。

Warner BrosPhoto from Warner Bros

廣告
廣告

Warner BrosPhoto from Warner Bros

麗秋要對付嘅,除咗係「野蠻奶奶」外,仲面對截然不同嘅婚姻、家庭觀念、外人對「窮人嫁入豪門」嘅輿論等,與華人日常生活息息相關,值得觀眾深思。

另一亮點係片中華麗拍攝場景,奢華大宅派對、星加坡名勝、小島靚景連連,單係靚人靚景、歌舞昇平大場面,足已令觀眾眼花繚亂!

Warner BrosPhoto from Warner Bros

CRA-FP-0004cc

香港人認識嘅楊紫瓊大演霸氣惡媽媽,雖無同劇演員嘅喜感,但內心戲十足,表面嚴肅、目中無人,但背後為家人犧牲不少,更深藏秘密。

Warner BrosPhoto from Warner Bros

另外留意佢喺戲中嘅流利英語對白,仲有講唔少廣東話!聽落份外有親切感!

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel