童年陰影 重溫《奇幻潮》三個令人印象深刻故事 細個又要驚又要睇

好多人細個嗰陣都有睇過《奇幻潮》，入面啲故事奇幻得嚟又有啲恐怖，簡直係童年陰影。適逢今日係七月十四，不如一齊嚟重溫一下三個令人心寒嘅故事。

1. 《四人再歸西》

Photo from tvb《奇幻潮》

呢個絕對係小編最驚嘅一集。《四人再歸西》一開始就係鄧健泓喺聊天室邀請人打麻雀，做一個實驗，四個人輪流出「西」，睇下會唔會一齊歸西。

Photo from tvb《奇幻潮》

好快就有三個人應承，分別係唐詩詠、傅子欣同范振鋒。佢哋約好喺陰年陰月陰日陰時一齊打麻雀。不過由於傅子欣喺嗰日要去澳門出差，所以就決定打網上麻雀。

Photo from tvb《奇幻潮》

終於到當日，佢哋一齊打線上麻雀，鄧健泓提出到夜晚12點就每人打出一隻「西」。到12點，由鄧健泓開始，四人輪流打咗一隻「西」，輪返鄧健泓，佢竟然出「一筒」，而其他三人見佢做到咁絕，就決定一不做二不休，一齊出一筒，實行要四人「一同歸西」。

Photo from tvb《奇幻潮》

Photo from tvb《奇幻潮》

下線之後，大家回歸現實生活做返自己嘢。范振鋒落樓幫媽咪拎嘢嘅時候搭電梯見到有好多血喺電梯啲邊邊度湧出嚟嘅幻象，然後嚇死；傅子欣就喺沖涼嘅時候產生自己被毛巾掩面幻象，過度驚嚇致死；唐詩詠嘅幻象就係自己被鏡入面嘅倒影所殺而嚇死。雖然依家睇返會覺得三個人被自己嚇死好無語，不過當年細個睇真係驚到震！

Photo from tvb《奇幻潮》

Photo from tvb《奇幻潮》

Photo from tvb《奇幻潮》

三個人嘅死亡引嚟警察嘅調查，佢哋搵到上鄧健泓屋企，佢爸爸話部電腦已經好耐無人用，原來鄧健泓一早就已經死咗，所以一開始約人打麻雀做實驗嘅根本就係鬼！佢同樣都係因為玩呢個「四人歸西」心臟病發而死。

Photo from tvb《奇幻潮》

本來「一同歸西」已經好恐怖，但最心寒莫過於發現原來鄧健泓係鬼，成件事係佢設嘅局，諗起都打冷震。

2.《未來聊天室》

Photo from tvb《奇幻潮》

《未來聊天室》係講主角胡諾言喺網上發現咗一個聊天室，聲稱可以知道未來所有嘅事，不過要付出代價，每傾6秒就會少一日壽命。

Photo from tvb《奇幻潮》

但胡諾言出於好奇心，仍然同意聊天，咁啱胡諾言聽日就要考試，溫唔切書，於是就問未來精靈聽日嘅試題，而精靈亦都話比佢知聽日會出嘅兩條題目。

Photo from tvb《奇幻潮》

胡諾言雖然半信半疑，但因為實在溫唔切，所以就只好溫精靈講嗰兩題喇！到第二日考試嘅時候發現居然真係出嗰兩題！

Photo from tvb《奇幻潮》

胡諾言徹底相信未來精靈真係可以知曉未來嘅事，於是就想知道球賽結果可以買波贏錢。佢本來問精靈嚟緊巴西對科威特球賽巴西會入幾多球，點知精靈答佢科威特會贏，仲仔細到連幾時入球都話埋比佢聽。

Photo from tvb《奇幻潮》

胡諾言本來都唔信，但上次試題都被精靈貼中咗，所以決定信未來精靈買科威特贏，結果真係科威特爆冷贏。

胡諾言食過返尋味，佢問精靈得知自己有80歲壽命，諗住同未來精靈傾幾分鐘，最多少幾個月命，但就可以贏幾萬蚊，佢決定問精靈六合彩號碼，想贏頭獎，然後就興沖沖走去買六合彩。

Photo from tvb《奇幻潮》

Photo from tvb《奇幻潮》

有精靈相助嘅佢當然順利中頭獎，但係佢喺興奮之際衝出馬路比車撞到，呢個時候小編以為佢因為知得太多被上天懲罰啦，點知佢竟然無死！仲好似乜事都無咁起身，但行唔夠兩步就開始吐血，真係反轉再反轉！

Photo from tvb《奇幻潮》

原來胡諾言出門嘅時候唔記得登出聊天室，所以佢嘅壽命一直都減少緊，最後就無晒壽命，依家諗返起都起雞皮！

Photo from tvb《奇幻潮》

3. 《紋身》

Photo from tvb《奇幻潮》

《紋身》一開始，女主角官恩娜就同男朋友見家長，喺餐廳侍應唔小心淋咗啲水落佢度，於是就除咗件外套。

Photo from tvb《奇幻潮》

Photo from tvb《奇幻潮》

原來官恩娜左臂上面有一個玫瑰花紋身，食完飯之後，佢男朋友就嬲爆爆咁走咗，原來呢個紋身係官恩娜同前男友嘅情侶紋身，佢哋多次為咗呢個紋身而嗌交。

Photo from tvb《奇幻潮》

喺朋友嘅勸告之下，官恩娜決定洗咗個玫瑰花紋身。就喺佢決定洗紋身嘅時候，朵玫瑰竟然開始流血！

Photo from tvb《奇幻潮》

Photo from tvb《奇幻潮》

一到洗紋身嘅時候，佢朵玫瑰就會流血，根本洗唔到。官恩娜回憶以前，原來官恩娜前男友係紋身師傅，呢朵玫瑰花都係佢親自紋上官恩娜手臂，為咗表示兩個人相愛，佢前男友仲割損手指，將自己啲血混入玫瑰花上面。

Photo from tvb《奇幻潮》

Photo from tvb《奇幻潮》

兩個人當時愛得火熱，互相許諾要相愛一生一世，個紋身都要跟住一生一世，永不分離。

雖然承諾過一生一世，但之後官恩娜同佢前男友感情轉淡，決定分手，前男友無法接受呢個事實，竟然喺官恩娜住嗰間屋嘅屋頂度跳樓自殺，小編都依家都仲記得佢前男友講嗰句：「你好快會喺窗口見到我。」其實即係喺窗口見到佢從天台跌落嚟，真係好心寒！

Photo from tvb《奇幻潮》

Photo from tvb《奇幻潮》

之後，官恩娜手臂上朵玫瑰花唔止洗唔甩，仲開始生長起嚟。一日，官恩娜現男友劉浩龍上門想同官恩娜和好，點知就被嗰朵生長玫瑰花莖嘅荊棘纏住條頸而死。

Photo from tvb《奇幻潮》

Photo from tvb《奇幻潮》

最後官恩娜喺醫院求醫生幫佢洗咗個紋身，但醫生表示就算用最新科技都洗唔甩朵玫瑰，鏡頭之下，佢朵玫瑰已經從左臂生到去右手，而官恩娜都已經係一個中年人。即係話佢身上嘅紋身會好似佢承諾過咁一生一世都印喺佢身上，永遠都洗唔走。

Photo from tvb《奇幻潮》

《奇幻潮》入面嘅故事雖然有啲得人驚，但其實啲主題都好發人深省，例如《未來聊天室》話你知唔好諗住透支未來，必會付出代價；《紋身》帶出唔好輕易作出承諾，應承咗就應該要做到嘅道理等，都好值得一睇！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）